फिलिप्‍पी 1:28 - जिरेल

²⁸ खेराङ विरोध खित्‍कान्‍ते मिओनगी ख्‍योकोनला जति ज्‍यीबा लाङसीनोङ थेबाताङ छ्याःङ ज्‍यीबा माकेत। जति दुक्‍पा तेरजीनोङ ख्‍योकोनगी गा लाङच्‍येते बात ङेन्‍गीन देता थोङजीन थेबेकी ख्‍योकोनला ग्‍याला मुथुप्‍च्‍याक्‍वा, दोक खाबेकी था परमेश्‍वरगी खोपरोङला सजाय तेरग्‍यो सिन छ्या स्‍येक्‍यो। थेमे ख्‍योकोनगीचेन होथेबेकी च्‍योक खाला नोमुङ पापकी सजाय भोगे खिता माफाबो सिन छ्या स्‍येक्‍यो।

फिलिप्‍पी 1:28 Cross References

मत्ती 10:28

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

मर्कूस 3:3

थेमे येशूकी थे लाक्‍पा काम्‍बाते मिला “खो खोक लाला च्‍याला दुरू स्‍योक्‍ते,” सिन काताङसुङ।

लूका 3:6

थेमे परमेश्‍वरगी पापताङ दुक्‍पादुकी चुक खाला डेल्‍च्‍या ईन्‍दाका सिन सा लुङबा खाङगी मि गाङेकी छ्या स्‍येक्‍यो,’ सिन सिओ,” सिन टिबा ओतान।

यूहन्‍ना 16:8

थेमे थेकी वाला दि सा लुङबे मिओनला थेबेकी पाप खाबेकी खित्‍सादु थेबा दोषीराङ ईन सिरच्‍येते, परमेश्‍वरगी चुक्‍ते मिला दोषी मेन सिते सिरच्‍येते थेमे ङीमाई परमेश्‍वरगी गाङेते न्‍याय खिओ सिरच्‍येते बात छ्या स्‍ये ज्‍युत्‍क्‍यो।

शक्ति काम 28:28

गोमा साबाते थे बातकामा मेन, था ख्‍योकोनगी दि बादोङ छ्या स्‍येबा खि। च्‍यि सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते बात ज्‍येन ज्‍येन जातकी मिला लोप सिन साबा ओत। थेबेकीचेन थे बात थोनामेई सत्‍यतेराङ दुका सिन ङेन्‍ग्‍यो,” सिन सासुङ।

रोमी 8:17

थे फुज्‍युङ फुमु ओङनामेई थे खोरोङ फुज्‍युङ फुमुला तेरग्‍यो साबाते जेसुकै परमेश्‍वरगी ङुरूङला तेरग्‍यो। थोक खाला येशू ख्रीष्‍टकी ङेत्‍च्‍येते ङुरूङगीङ ङेत्‍क्‍यो। ईन्‍दालाचेन येशू ख्रीष्‍टकी खाबा च्‍योकराङ ङुरूङगीङ थरिङोला दुक्‍पा भोगे खिता फाप्‍क्‍यो। थेमे थेला छ्येज्‍यीक मान बिन्‍दा च्‍योकराङ परमेश्‍वरगी ङुरूङलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

हिब्रू 13:6

थोगी ङुरूङ छ्याःङ ज्‍यीबा मिक्‍किता खाला “प्रभु परमेश्‍वर ङाला ताकान्‍ते ईन्‍देकी ङा ज्‍यीबा खिता माफाबो। मिकी ङाला च्‍यि खितेरो?” सिन सिओ।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।