फिलिप्‍पी 1:25 - जिरेल

²⁵ थोगी ङेते स्‍यिच्‍येते समय थोरूमोङ लेपा मेत सिन ङे छ्या स्‍येबा ओत। येशू ख्रीष्‍टला विश्‍वास खिन ख्‍योकोन चुक खाला पाको डुइन ड्वा थुप्‍कीते थेमे झन गा खिन देता थुप्‍कीते सिन ङे ख्‍योकोनला थोरूमोङ लोपा ङेत्‍क्‍यो।

फिलिप्‍पी 1:25 Cross References

लूका 22:32

तर ज्‍यीबा माकेत शिमोन। शैतानगी लुजीन खुई ङाला विश्‍वास खिता मोतोङस्‍यीत सिन ङे परमेश्‍वरला प्रार्थना खाबाप। था खोरोङ याङराङ ङे छ्य्‌वापा लै खानामेई दुरू खोरोङताङ ओताते आज्‍यो न्‍वाओनला ङाला विश्‍वास खिन देताला आँट बिन,” सिन सिदुक।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

शक्ति काम 20:25

था ङुरूङ ठेत्‍च्‍येते दोस्‍यिकराङ ईन्‍दासीन। ङे परमेश्‍वर राज्‍य बात लापाते थोकान्‍तेबा ख्‍योकोन सुङगीङ था लोक्‍ला ङाला नोमुङ मेठेदो।

रोमी 15:13

थे खोरोङगी साबाच्‍योक खिओ सिन आश खाला देत ज्‍युत्‍कान्‍ते परमेश्‍वरराङ ईन। थेला विश्‍वास खित्‍कान ईन्‍देकी थेकी ख्‍योकोन गाङेला आउदी खाला गा खिन थेमे डिक्‍ला थुन्‍ला देत ज्‍युत्‍स्‍यीत सिन ङा प्रार्थना खिओ। थेकी थोक खानामेईचेन परमेश्‍वर आत्‍मे शक्ति छ्य्‌वापेकी ख्‍योकोन था परमेश्‍वरगी ङुरूङला खिओ साबाच्‍योक खिओतराङ सिन छ्याःङ शंका मिक्‍किता खाला झन आश खाला गुला देता थुप्‍क्‍यो।

रोमी 15:18

ङे लापाते बात ङेन्‍गीन ज्‍येन ज्‍येन जातकी मिकी परमेश्‍वरगी खि साबाते ङेन्‍दाला स्‍यूसुङ। ङाराङगी स्‍याप स्‍याप खाईन खाबाते कामगी खित्‍सादुका थेबेकी दोक खिताला स्‍यूबाते ईन सिनचेन ङा नोउ छ्ये मिक्‍किओ। च्‍यिला सासीन ङे थेबे नाङ खाबाते कामताङ बात गाङे ख्रीष्‍टकी शक्ति छ्य्‌वापेकी खाबाते ईन।

रोमी 15:29

थेपा ख्‍योकोनला ठेता खित ओङजीन ख्रीष्‍टकी छ्य्‌वापेई ङे ख्‍योकोनला आउदी खाला आशी तेरा थुप्‍क्‍यो सिरच्‍येते बात ङाला लेमु खाला छ्या ओत।

रोमी 5:2

थेकी खित्‍सादुराङ परमेश्‍वरगी थे खोरोङला विश्‍वास खित्‍कान ङुरूङला दया खाईन थे खोरोङताङ डिक च्‍युताते ईन। था थेकी ङुरूङला दया खिता नोमुङ मोतोङो। दोक ईन्‍देकी थाचेन परमेश्‍वरगी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ साबाते बात ङुरूङगी आश खाईन गुकीन देता च्‍योकराङ खिओ सिन गा खिन देता थुप्‍क्‍यो।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

फिलिप्‍पी 1:24

लोक्‍ला ख्‍योकोन विचार खित्‍जीनचेन ङा थोरूम सोन्‍गीन देत्‍सीन लेमु ईन सिराच्‍योक लाङगीदुक।

फिलिप्‍पी 2:24

ईन्‍दानी प्रभु येशूकी था होत्ता ङाराङलाराङ ख्‍योकोन ओत्‍सापा गाल्‍ला ख्‍योकोनला ठेता खित ज्‍युत्‍क्‍यो सिराच्‍योक लाबा ओत।

फिलेमोन 1:22

थोरूमोङ बातज्‍यीक च्‍यि सासीन ख्‍योकोनगी ङे लाईदु प्रार्थना खाबा च्‍योकराङ खाला था परमेश्‍वरगी ङाला जेलदुकी तेन्‍ला ख्‍योकोनला ठेत ज्‍युत्‍क्‍यो सिराच्‍योक लाङगीदुक। थोगी खुई ङे लाईदु डेराज्‍यीक ठीक खाला स्‍योक।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।