फिलिप्पी 1:20 - जिरेल20 था याङराङ अड्डादु बयान लिन्जीन ङाला सेत्सीनोङ सोम्बोराङ ताङसीनोङ थातासाक खाबा च्योकराङ खाला हत्तेरिका ङे च्यिला थोक खाताका सिराच्योक लाङच्येते कामताङ बात छ्याःङ मिक्किओ सिन टुङ्गो खाबा ओत। दोक खाला ङाराङला जस्तो ओङसीनोङ सुङताङ ज्यीबा मिक्किता खाला ख्रीष्टते जय जय ओङच्येते कामकामा खिता थुप्स्यीत सिन ङे आश खाबा ओत। See the chapter |
फिलिप्पी 1:20
41 Cross References
थेमे था आज्यो न्वावे, परमेश्वरगी ङुरूङला थोक आउदी खाईन ङिङज्ये खाबा ओतेकी ङा ख्योकोनला दोक खि सिन सिओ। ओर्च्ये ख्योकोनगी खेराङ जीउ परमेश्वरतेराङ ईन सिन साला थेकी साबा साबा च्योकराङ खिओ सिन थेलाराङ सोम्पे खि। थेला मन परे खित्च्येते भोग बिन्दाच्योक ओङस्यीत सिन ख्योकोनगी होदोक खाला खेराङ जीउ थेला सोम्पे खि। थे खोरोङगी साबाच्योक खाला थेला माने खित्च्येतेङ होदोकराङ खाला ईन।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
ख्योकोनगी लेमु खाला खोबा थुप्स्यीत सिन ङे दुरू मालिकताङ योक्पो बात खाबाते ईन। गोमा पापकी योक्पो च्योकराङ ओत्जीन ख्योकोनगी खिता ओङच्या मेङच्या जेसुकै ङोचा लाङच्येते काम थेमे परमेश्वरगी माकेत साबाते ज्येनोङ मेलेबा काम खिन ओतान। थेजीन ख्योकोन बोली, काम, बानी जेङ मेलेबा ओतान। गोमाबा होथोक्ते मेलेबा मेलेबा काम खाबा च्योकराङ थाचेन ख्योकोनगी परमेश्वरगी खि साबा साबा ङेन्ला थेकी खि साबाते खित्च्ये छ्य्वापाकामा स्येत खि। थोक खानामेई ख्योकोनते बोली, काम, बानी गाङे लेमु गाल्ला ख्योकोनगी परमेश्वरला मन परे खित्च्येते कामताङ बात खिओ।
होथे दोई बात खिन परमेश्वरगी थे खोरोङ बातला दोक सिन साबा ओतान। चुक सासीन “लो दि बात लेमु खाला ङेन। ङा सियोन सारदु दोज्यीक ज्य्वाक्यो। थे दोला मिओन नार्दोक देइओ। ङे थेरू ज्याक्पाते दोला मिओन ठोके खाला रिल्ग्यो। परमेश्वरगी सियोन सारदु ज्याक्पाते दो साबाते मिकीकामा ङुरूङला लेमु खिता थुप्क्यो सिन थेला विश्वास खित्कान्ते मिओनला थेकी नोमुङ ङोचा मोलोङो,” सिन साबा ओतान।
थोकराङ खाला फाङमा खाबातेताङ माक्याबाते फेम्मे मि बादोङ खुदुक ओङगो। फाङमा माक्याबाते फेम्मे मिकीचेन ङे काम बात जे खासीनोङ चुक खासीन प्रभु येशूला मन परे खित्च्येतेकामा खिता थुबोङा सिन थे छ्य्वापाकामा सेम खिओ। तर फाङमा खाबाते फेम्मे मिकीचेन चुक खाला थे मोरोङ ख्योबोला खुशी ज्वा थुप्कीका सिरच्येते बादोङ विचार खिता फाप्क्यो।
तीतस थेपा ओङा भन्दा गोमा ङे थेला ख्योकोन लेमु मि ईन, ख्योकोनगी थेला आउदी लेमु खिओ सिन साबा ओतान। थे थेपा ओङजीन ख्योकोनगी थेला आउदी लेमु खाबेकी ख्योकोन लेमु मिराङ दुका सिन थेकी छ्या स्येसुङ। थोगी ङे थे दोन्दु छ्याःङ ङोचा खिता माफाप्सुङ। ख्योकोनताङ ङ्योकोनगी मेन्दाते सिराते बातज्यीगोङ माक्या। थोकराङ खाईन ङे तीतसला ख्योकोन चुक्ते मि ईन्दे सिन साबाते बादोङ ढाँर खाबाते मेन्दाक्वा सिन थेकी छ्या स्येसुङ।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
Advertisements