Filipitɔnŋ kiri 4:5 - Jɔ Biibili ki

⁵ Á ncusun konaŋ kiri bataa i áwɔ tɔnsunfili ki tɔ, sabu Ŋuntiŋ ki myɛ-ɛ.

Filipitɔnŋ kiri 4:5 Cross References

Matiyu 6:25

Yesu tu kí tɛ tu : « Míŋ i ǹʼbi-a ábɛɛ tɛ ńʼtu : ‹ Á fa á gbɛɛratɛɛ áwɔ nufinŋ ki fa á bonsunjuulinŋ kiri kilaka ɲaan bira kì. › Ábɛɛ ǹʼtɔ tu ɲini ki bi ki gbɛ nufinŋ bi wu kì wa? Niŋ fa tu firi ki bi i gbɛ juulinŋ bi wu kì wa?

Matiyu 6:34

Á fa á ciirufɔni siri bira kì. Á siri bi kiri bo siri ra. Jibi bataa fa a ru fɔɔnbi yɛ. Ǹʼbataa wɔ fɔɔnbi i ǹʼnapo-a. »

Luki 21:34

Yesu tu : « Á á yɛri kɔrɔshi, á fa ncusun fyikatinbi, lɔmwunubi niŋ fa juniɲa ciiru koŋ ciirufɔnɔbi kiri i á ɲakili li, míŋ na jibi ki i na bali á ra kì.

Korɛntitɔnŋ kiri (1) 16:22

Konwɔtiŋ Ŋuntiŋ ki bikwɔ a sun, Kirinŋ nintiŋ danka. Maranata! Niŋ kɔri i ki tu : Yibɛɛ Ŋuntiŋ ki, á na!

Korɛntitɔnŋ kiri (1) 6:7

A ábɛɛ ji ámaŋ dɔri-ra faan kulu, niŋ i ǹʼji-a tu ábɛɛ baraka ki kuru Kirisa bilinabi ki ru. Nfɛnŋ na, ábɛɛ so-a á tindaŋ ki wɔ pɔli ki kwun-i á ru kì? Nfɛnŋ na, ábɛɛ i ncusun-a koŋ i fɛɛn á sun kì?

Korɛntitɔnŋ kiri (1) 8:13

Niŋ ki ra, a nufinŋ numaan ji-a míŋ tindaŋ ki bo bijɛ ma sun, míŋ a ńʼkaan niŋ nufinŋ kwuru ki nu, nwɔma ŋí fa na ji ńʼtindaŋ ki po san ŋuŋ u bilinabi ki ru kì.

Korɛntitɔnŋ kiri (1) 9:25

Bili tantɔnŋ kiri bataa i arì yɛri pa-a bi kwuru mwɔɔnna kɛlina sun, nwɔma arì i niŋ jali lumɔrɔmɔrɔmaan ki kila, ninwɔ̀ ra kɔ. Nka yibɛɛ i yɔɔ bili ki tan-a, nwɔma yi i jali libali ki kila.

Korɛntitɔnŋ kiri (2) 10:1

Ǹʼyɔ bi-a tu míŋ ji ábɛɛ faninmwuŋ, tu míŋ ji-a koŋ sunjɛrimaan a, nka tu míŋ ja ji maŋ nari ábɛɛ ra, tu ŋí i ji shurukoŋ i. Míŋ i ábɛɛ rafɛ-a, á ǹʼma Kirisa wɔ tɔnsunfili ki fa ntiŋ wɔ shɔɔrinŋ ki bira,

Tesalonikitɔnŋ kiri (2) 2:2

á fa ncusun koŋ i na á ciiru ɲakili ɲaanmi maannaanŋ tenŋ nu, ntiŋ i á gbɛɛratɛɛ tu afinŋ cintɔnbi wulu kila, walima tu Kirinŋ wɔ wulu ki ǹʼbi, walima ntiŋ i sɛbɛ tanmaan wulu bi, tu nwɔ̀ po yibɛɛ gbɛ, nwɔ̀ i ǹʼbi-a tu Ŋuntiŋ ki wɔ jibi ki so kɔ kì.

Tite 3:2

Kí fa koŋ tɔri tenŋ tɔ li kì, kí i sawari, kí arì yɛri ji koŋ sɔbɛ ri i, kí i arì tɔnsunfili koŋ bataa tɛ.

Iburu kiri 10:25

Yi fa yimaŋ nakɔli ki tɔnbo, miŋ tu ǹʼbɛɛ ri dali-i kí i ǹʼtɔnbo ɲaan wɔ̀ tɛ kì, nka yi yi banba, yi i yimaŋ cunadi, sabu ábɛɛ yɛrima kiri ɲaniŋ i ǹʼna tu jibi ki myɛ kɔ.

Iburu kiri 10:37

Sabu, ǹʼsɛbɛ-i tu : « Ǹʼtu-i pyaanniŋ, pyaananaanniŋ, nwɔ̀ kakan-i ntiŋ i na, niŋ i na. Ntiŋ a cin kili kì. »

Pyɛɛri (1) 1:11

Kirisa Ɲini wɔ̀ wuru kí ru, niŋ wuru ǹʼjɛnbi-a kí tɛ, tu Kirisa a na ɲaanfɛkwulu bi ri kila, tu niŋ kɔɔtɛ, tu ntiŋ i nɔɔri kila Kirinŋ gbɛ. Kí wuru ǹʼtɛ arì i niŋ bi kiri ma waari ki fa yìrì maka ɲaan ki tɔ.

Pyɛɛri (1) 4:7

Finŋ fɔn bataa rakɔ ki waari myɛ kɔ, niŋ ki ra, á tirika shɔ, á i tu á i á ɲakili tu á yɛri ra, nwɔma á i tu Kirinŋ nafɛ ki ra.

Jafinŋ ki 22:20

Konwɔtiŋ ǹʼbi-i tu ka wulu kari sɛli i, niŋ tu : « Aawe, míŋ yirira i nmaŋ farɔn. » Amiina. Na, Ŋuntiŋ Yesu!

Jafinŋ ki 22:7

Yesu tu : « Míŋ yirira i nmaŋ farɔn. Konwɔtiŋ i a kulu-la ka sɛbɛ ka ru cintɔnbi wulu kiri tɛ, nintiŋ wɔ shɔ-i. »