نامَه فیلیپی کلیسا را 4:18 - کتاب مقدس به زبان تالشی شمالی

¹⁸ شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.

کتاب مقدس به زبان تالشي - گویش مرکزی

¹⁸ شمه کومکِن کامیل چمن دَست آرَستَه و چمن اِحتیاجیکا ویشتَر بَداشتیم، ایسَه کن شِمَه رَونَه آکَردَ کمکی اِپافرودیتوسی واسیطنَه ویگَتِمَه هر چیی ایکا فِروون بَداشتیمه. شِمَه خَلا، خَشَه بوعَه عطر و مقبولَه قِربونییَه، کن خدا راضی آرَکَرد.

نامَه فیلیپی کلیسا را 4:18 Cross References

رَسولون اَعمال 10:4

کُرنِلیوس تَرسی نَه بَیی دَیشتَه و واتِشه: «چَه، آقا!» مَلائیکَه واتِشه: «اِشتِه دعا و صدقه‌ اِن ایلَه یادگاری یَه هدیه ای شیوار آرَستَه اینه خِدا حضور.

رومی کلیسارا نامه 12:1

بَس اِی بِرااِن، خِدا رَحمتون واسی، شِمَه کا خواهیشت بَکَردیم که شِمَه بَدنی زِندَه قِربونی شیوار، مقدّس و خِدا دیلی باب، تقدیم بِکَرَه که اِم شِمَه روحانی یَه عبادتَه.

دوومین نامه قرنتیانیرا 11:8

از دییَر کلیسااون غارت کَردِمَه و اَوون کا کمک مالی ویگِتِمَه تا شِمَه خدمت بِکَرِم.

دوومین نامه قرنتیانیرا 9:12

چوم که اِم خدمت، نِه فقط مقدسون اِحتیاجاتی برطرف بَکَردی، بَلکَم باعیث بَبی وِر کَسِن بی حد و اَندازه خِدا شُکر بِکَرِن.

نامَه اَفسوسی کلیسارا 5:2

و محبتی نَه رفتار بِکَرَه، هَتَه که مسیح اَمَه محبت کَردِشه و اِشتَن جانی چَمَه راه کا، ایلَه قِربونی و خوشبویَه هدیه‌ای شیوار خِدا تقدیم کَردِشه.

نامَه فیلیپی کلیسا را 4:12

از نی بَزنیم محتاج بییِه چِنتَه یَه، و هَم بَزنیم نعمتی فَت و فَراوونی کا زِندگی کَردِه چِنتَه یَه. هَر وضع و حالی کا، زِندگی سِرّی کا، سیری و وِشیی اِحتیاجی و محتاجی آموتَمَه.

دوّمین نامَه تَسالونیکی کلیسا را 1:3

اِی بِرااِن، اَمَه بَسی همیشه خِدا شِمَه واسی شُکر بِکَرَم، دُرُست نی هِمَه، چوم شِمَه ایمان هِنتَه رُشد بَکَردی و شِمَه هَر کمیلَه محبت یَندی را وِرتَر بَبی.

نامَه، عِبرانیه نَتاجَه مسیحیونرا 13:16

چاکی کَردِه کا و خَلکی شَریک کَردِه کا اَ چیونی کا که هِستِرونَه غِفلت مَکَرَه، چوم خِدا اِنتَه رَه قربونیون کا راضی یَه.

پطروسی اوّلین نامَه 2:5

شِمَه اِشتَن نی زِنده سِنگون شیواری رونَه،که روحانی یَه عمارت شِمَه کا وَج آبو، تا مقدسَ کاهنون شیوار بِبییَه و عیسایِ مَسیح واسطه نَه، روحانی یَه قِربونیونی که خِدا اَوون قبول بَکَردی، تقدیم بِکَرَه.