نامَه فیلیپی کلیسا را 4:14 - کتاب مقدس به زبان تالشی شمالی

¹⁴ با اِم حال، لطف کَردِرونَه که چِمِن زَحمَتون کا شریک بیرونَه.

کتاب مقدس به زبان تالشي - گویش مرکزی

¹⁴ اِم حالیکا، لطف کَردِرون کن چمن زَمَتونکا شَریک آبیرون.

نامَه فیلیپی کلیسا را 4:14 Cross References

مَتّی 25:21

چَیی اَرباب واتِشه: ”اَحسَنت، اِی چاک و امّانتدارَه نوکَر! حِسَه که اِم روکَه کاری کا امّانتدار بیش، بَس وِرَه کارون نی تِه دَسپَرِم. بِری و اِشتِه اَربابی شادی کا شریک بِبو!“

رومی کلیسارا نامه 15:27

اَوِن اِشتَن پیستِشون بَه اِم کاری بِکَرِن؛ و راس راسی اَوِن اورشلیمی ایماندارون مدیون بینَه. چوم اَگم غیریهودیِن، روحانی یَه بَرَکتون کا یهودیون نَه شریک بینَه، یهودیِن نی بَسی مالی یَه بَرَکتون کا اَوون خِدمت بِکَرِن.

نامه غلاطیَه کلیسارا 6:6

اَ کسی که خِدا کلامی کا تعلیم بَگتی، بَسی هَر چاکَه چیی، اَ کسی نَه که اَیی تعلیم بَدای شَریک بِکَرِه.

نامَه فیلیپی کلیسا را 1:7

از اِم حَقی هِستِمَه که شِمَه گِردی دربارَه اِم اِحساسی بِدارِم، چیرا که چِمِن دیلی دیلَه کا جِگا هِستِرونه، چوم شِمَه گِرد مِنه خِدا فیضی کا شریکی رونه، هَم چِمِن زیندان دَلَکِه کا، و هَم اِنجیلی دفاع کَردِه کا و چَیی حقیقتی ثابت کَردِه کا.

نامَه فیلیپی کلیسا را 4:18

شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.

اوّلین نامَه تیموتائوسیرا 6:18

اَوون دستور بِدَه که چاکی بِکَرِن و چاکَه کارون دیلَه کا دولتمند بِبون، دَس و دیل باز و بَخشندَه بِبون.

نامَه، عِبرانیه نَتاجَه مسیحیونرا 10:33

بعضی موقع گِردی چِمی پیشی کا فَش هَریرون و عذاب کَشیرون و بعضی موقع کسونی نَه دوش بِه دوش مَندیرون که اَوون نَه اِنتَه رفتار بَبی.

نامَه، عِبرانیه نَتاجَه مسیحیونرا 10:34

چوم شِمَه کسونی نَه که زِندانی بینَه، هَمدردی بَکَردیرون و اَ موقع که شِمَه مال و مَنالی غارت کَردِشونَه، شادی نَه قبول بَکَردیرون. چوم بَزنیرون که شِمَه اِشتَن ایلَه چاکتَرَه مال و مَنالی صاحیبیرونَه که تا اَبَد بَمَندی.

نامَه، عِبرانیه نَتاجَه مسیحیونرا 13:16

چاکی کَردِه کا و خَلکی شَریک کَردِه کا اَ چیونی کا که هِستِرونَه غِفلت مَکَرَه، چوم خِدا اِنتَه رَه قربونیون کا راضی یَه.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.