نامَه فیلیپی کلیسا را 3:19 - کتاب مقدس به زبان تالشی شمالی

¹⁹ چَوون عاقبت هَلاکتَه. چَوون خِدا چَوون اِشکَمَه و نَنگ‌آوَرَه چیون را فَخر بَکَردین، اَوِن زَمینی یَه چییون درباره فیکر بَکَردین.

کتاب مقدس به زبان تالشي - گویش مرکزی

¹⁹ اِنتَرَ آدَمون آخیر نیفلَه آبِه یَه. چَوون خدا چَوون لَوَیَه وشرم آوَرَ چییون طَرَف بَشین، و اَیِن زمینییَه چییون خونه فکر بکنَه.

نامَه فیلیپی کلیسا را 3:19 Cross References

مَتّی 16:23

امّا عیسی آگَردَه پطرسی نَه واتِشه: «بَه مِن کا دور آبو اِی شیطان! تِه چِمِن راه مانع ایش تا مَشام چِمِن کارون اَنجام بِدَم، چوم اِشتِه فیکرِن اِنسانی اینَه، نِه خِدایی یَه فیکر.»

مَتّی 25:41

«دومله پاُتشا کسونی نَه كه چَیی چَپ طرفی کا مَندینَه بَواتی: ”اِی مَلعونِن، بَه مِن کا دور آبییَه و اَ اَبَدی یَه آتشی دیلَه بِشییَه که اِبلیس و چَیی ملائیکه اون را آمادَه آبَه،

انجیل لوقا 12:19

چَیی پَش اِشتَن نَه بَواتیم: ”اِی چِمِن جان، تِه چِندی سالون را وِرَه اَموالی جمع آکَردَرَه؛ حِسَه آسوده زندگی بِکَه؛ بَه و بِنج و کیف بِکَه.“

انجیل لوقا 16:19

«ایلَه پولدارَه مِردی بَه که گِرونه اَرغَوانی یَه خَلا، نَرمَه کتانه پارچه کا دَکَری و هَر روز خوشگذرونی نَه زِندگی بَکَردی.

انجیل لوقا 18:4

قاضی چِندی وخت اَیی اِعتنا نِکَردِشه. امّا آخِر اِشتَن نَه واتِشه: ”هَر چَن که اَز نِه خِدا کا تَرسِم و نِه مردمی اَهمیت بَدایم،

رومی کلیسارا نامه 16:18

چوم که اِنتَه رَه آدَمِن چَمَه خِداوند مسیح خِدمت نِکَرِن، بَلکَم اِشتَن اِشکمی فیکری کا اینه و قَشنگَ گفون و چاپلوسی نَه، سادَه آدَمون گول ژَنِن.

رومی کلیسارا نامه 6:21

بَس اَ موقع، اَ کارونی اَنجام دوعِه کا که حِسَه اَوون کا شَرمِرون هِستَه، چِه سودی بَردِرونه؟ چوم اَ کارون آخِر عاقبت مرگَه!

اوّلین نامَه قورَنتیانیرا 3:3

چوم که حَلا جِسمانی یَه چییون دومله کا ایرونه. وختی شِمَه دیلَه کا حَسودی و دعوا مُرافه یَه، مَگم هِم نیشون نِدَه که جِسمانی یَه چییون دومله کا ایرونه و بَشری یَه راه دیلَه کا رفتار بَکَردیرون؟

اوّلین نامَه قورَنتیانیرا 5:2

و شِمَه حَلا پوز بَدایرون! مَگم نَبی ماتَم بِگِرَه؟ کسی که اِنتَه کَردَشه شِمَه دیلَه کا بَرکَرَه بِرون.

اوّلین نامَه قورَنتیانیرا 5:6

شِمَه اِفتخار کَردِه اَصلا درست نییَه. مَگم نیمَزنه که روکَته ای خَمیرَه مایَه بَشای خمیری گِردی وَر بواَرِه؟

دوومین نامه قرنتیانیرا 11:12

و کاری که بَکَردیم اِدامه بَدایم تا کسونی کا که اِدعا بَکَردین پیستِشونَه، هَتَه که اَمَه خدمت بَکَردیمون خدمت بِکَرِن، فُرصتی ویگِرِم. کسونی کا که تَقّلا بَکَردین تا اِشتَن اَ چیی دیلَه کا که بَیی فخر بَکَردین اَمَه نَه بَرابَر بِکَرِن.

دوومین نامه قرنتیانیرا 11:15

بَس تعجب نِدارِه که چَیی خادِمِن نی اِشتَن صالحی خادِمون شیوار وَج آکَرِن. آخِرسَر اَوِن اَ مُجازاتی که چَوون حَقَه ویگِرِن.

نامه غلاطیَه کلیسارا 6:13

چوم حتی کسونی که خَتنَه بَبین نی شریعتی اَنجام نِدَن. بَلکَم پیستِشونَه شِمَه خَتنَه بِبییَه تا شِمَه جِسمی کا اِفتخار بِکَرِن.

نامَه فیلیپی کلیسا را 2:21

اَوِن گِرد اِشتَن مَنفَعَتی دومله کا اینه، نِه عیسایِ مَسیح.

نامَه کُولُسی کلیسا را 3:2

شِمَه فیکرون چییونی را بِنییَه که کفا کایَه، نِه اَ چییونی سَر که زمینی کایَه.

دوّمین نامَه تَسالونیکی کلیسا را 1:9

چَوون سِزا اَبَدی یَه نابودی خِداوندی حضوری کا و چَیی قدرت جلالی کا بَبی.

دوّمین نامَه تَسالونیکی کلیسا را 2:12

تا گِردِ کسونی که حقیقتی باور کَردَه نیشونه و هَر چیی کا که نادُرستَه، کیف کَردَشونه، محکوم آبون.

دوّمین نامَه تَسالونیکی کلیسا را 2:8

اَ موقع اَ بی‌دینَ آدَم بومَی، که خِداوندْ عیسی اِشتَن گَ نَفَسی نَه اَئی هلاک بَکَردی و اِشتَن پُرشکوهَ اومِه نَه، اَیی نابود بَکَردی.

اوّلین نامَه تیموتائوسیرا 6:5

و دائم مردمی دیلَه کا جنگ و جَدلی باعث بَبی که چَوون فیکر فاسد بییَه و حقیقتی کا بی نصیبی نَه و خَیال بَکَردین دینداری، وسیله ای اِستَه منفعتی را.

دِوُّمین نامَه تیموتائوسیرا 3:4

خیانت کار، بی ملاحظه، و غرور اَوون بَگتی که عیاشی نَه خِدا کا وِرتَر خِش بَبین،

یعقوبی نامَه 4:16

اِنتَه که معلومه شِمَه، شِمَه تکبُّری نَه فَخر بَکَردیرون. اِنتَه رَه فَخر کَردِه بَد اِستَه!

پطروسی دومین نامه 2:1

امّا قوم اِسرائیلی دیلَه کا، دروعَه پِیغَمبرِن نی بینَه، هَتَه که شِمَه دیلَه کا نی دوروعَه مُعلمِن نی بومَین، که نِینکی غَلطَه تعلیمون بواَردین که بَشای بِکِشِه و هَ اَربابی که اَوون خِرییَشه، حاشا بَکَردین و اِنتَه، نا خَوَرِه بَلایی اِشتَن سَر بواَردین.

پطروسی دومین نامه 2:13

و اَ بَدی عَوض که کَردَشونه، بَدی بَویندین. چِمون خوشی، عیش و نوش کَردِه روزی روشونی کایَه. اَوِن نَنگی نَه لَکه‌ اونی نَه که شِمَه نَه بومَین میهمونی،گول ژَنده کا کیف بَکَردین و اَییکا دَس نِپِگِرِن.

پطروسی دومین نامه 2:3

و اِشتَن طمع راه دیلَه کا، دروعَه گفون نَه شِمَه غارت بَکَردین. چَوون محکوم بییِه که پیشتَرون تعیین بییَه بَه، بیکار نِشتَه نییَه و چَوون نابودی خِتَه نییَه!

یهودا نامه 1:10

امّا اِمِن اَ چی اِهانت بَکَردین که آنِزونِن، اَوِن بی‌شعورَه حَیوونون شیوار هَر چیی که غَریزه کا فَهمِن، هَ چَوون نابودی باعیث بَبی.

یهودا نامه 1:16

اِمِن غُرغُر بَکَردین و دائِم ایراد گِرِن و اِشتَن گناه آلودَه پیسته اون دومله اینه؛ اَوِن مغروری نَه و تَکَبُری نَه گَفون بَواتین و اِشتَن منَفتعی را مردمی دیلَه کا فرق بَناین.

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.

یوحنا موکاشیفَه 18:7

هَ اَندازه که اِشتَن جلال دوشَه و تجمّلاتی کا زندگی کَردَشه، هَ اَندازَه اَیی عذاب و شیون آدییَه. چوم که اَ اِشتَن دیلی کا بَواتی که: ”از ایلَه مَلَکَه ای شیوار بَنِشتیم، ویوَه نیمَه و هرگز شیوَن نِکَرِم.“

یوحنا موکاشیفَه 19:20

و اَ وحشی یَه حَیوون گیرفتار آبَه و اَیی نَه، اَ دوروعی نَه پیغمبر که اَ وحشی یَه حَیوونی پیشی کا علامت و معجزه اون انجام بَدای تا کسونی گول بِژَنِه که اَ وحشی یَه حَیوونی نیشونَه قبول کَردَشون بَه و چَیی مجسمه پرستش بَکَردین. اَوِن هَر دِگِله زِنده زِنده، آتشی دریاچه دیلَه کا دَرَفَندَه بینَه که گوگِردی نَه بَسیستی.

یوحنا موکاشیفَه 21:8

ولی تَرسو اِن و بی ایمانِن و فاسِدِن و آدَمکِشِن و زِنا کارِن و جادوگرِن و بُت‌پرستِن و گِردِ دروعَه واجِن، چَوون گِردی سهم، دریاچه ای بَبی که گوگِرد و آتشی نَه وَش گِتَشه. اِم دوّمین مَرگَه.»

یوحنا موکاشیفَه 22:15

اِسبَه اِن و جادوگرِن و زنا کارِن و آدَمکِشِن و بُت‌پرستِن و گِردِ کسونی که دوروع نَه خِشی نَه و اَیی انجام بَداین، شهری بِرونی کا بَمَندین.