نامَه فیلیپی کلیسا را 3:16 - کتاب مقدس به زبان تالشی شمالی

¹⁶ اَمَه بَسی هَر چیی که بِه دَس وَردِمونه، عِین هَ، رَفتار بِکَرَم.

کتاب مقدس به زبان تالشي - گویش مرکزی

¹⁶ اَمه پی هر چیی ایی بَدَستِمون وَردیَه، هنته چَی شیوار رَفتار بِکَرم.

نامَه فیلیپی کلیسا را 3:16 Cross References

رومی کلیسارا نامه 12:16

یَندی نَه مُدارا بِکَرَه! مغرور مَبییَه، بَلکَم کسونی نَه که سادَه و ضعیفی نَه رفت و آمد بِکَرَه. هرگِز شِمَه دانا مَزونه.

رومی کلیسارا نامه 15:5

بِبو که خِدایی که مقاومت و دیلگرمی بَدای، شِمَه عطا بِکَرِه اَتَه که مسیحْ عیسی پیستَه نَه جورَه، یَندی نَه مُدارا بِکَرَه،

نامه غلاطیَه کلیسارا 5:7

چاک کارا ویریتیرون. کی شِمَه پیشی گِتِشَه تا حقیقتی کا اِطاعت مَکَرَه؟

نامه غلاطیَه کلیسارا 6:16

گِردِ کسونی را که اِم قانونی نَه رفتار بَکَردین، صُلح و سلامتی و رَحمت اَوون را و اِسرائیلِ خِدا را بِبو.

نامَه فیلیپی کلیسا را 1:27

فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

نامَه فیلیپی کلیسا را 2:2

هَم رأی بییِه نَه، هِم محبتی نَه، یَکدیلی و هَم نَظر بییِه نَه چِمِن شادی کامِل آکَرَه.

نامَه فیلیپی کلیسا را 4:2

اِفُودیه کا خواهیشت بَکَردیم و سینتیخی کا خواهیشت بَکَردیم که خِداوندی کا همرأی بِبون.

نامَه کُولُسی کلیسا را 2:6

بَس هَتَه که مسیحْ عیسایِ خِداوَندی قبول کَردَرونه، اَیی کا زِندگی بِکَرَه؛

نامَه کُولُسی کلیسا را 4:2

همیشه دعا کا پابَرجا بِبییَه، شُکرکَردِه نَه، دعا کا شِمَه هَواس جمع بِبو.

یوحنا موکاشیفَه 3:3

بَس ویر بوعَه، اَ چیی که ویگِتَرَه و دَرَسَرَه. اَیی غَم بَه و توبه بِکَه. اَگم مَپِرِزی، ایلَه دِزدی شیوار بومَیم و تِه نیمَزنیش که چِه ساعتی کا اِشتِه ضِد بومَیم.