نامَه فیلیپی کلیسا را 2:7 - کتاب مقدس به زبان تالشی شمالی

⁷ بَلکَم اِشتَن تِیی آکَردِشه نوکَری شِکلی گِتِشه، آدَمون شبیه آبَه.

کتاب مقدس به زبان تالشي - گویش مرکزی

⁷ بَلکَم بَشتَنِش تَی آکَردَ و وَزیَر بِه شِکلِش گَتَه آدَمون شِکلی شیوار دَرمَه.

نامَه فیلیپی کلیسا را 2:7 Cross References

مَتّی 12:18

«اِم چِمِن خادِمَه كه از اَئی اِنتخاب کَردَمَه؛ چِمِن عزیز که چِمِن جان اَئی کا راضی یَه. اَز چِمِن روح اَیی کا بَنایم و اَ عدالتی، دییَر قومون را اِعلام بَکَردی.

مَتّی 20:28

حتی اِنسانی زوعَه نی اومَه نییَه تا اَیی خدمت بِکَرِن، بَلكَم اومَه تا مردمی خدمت بِکَرِه و اِشتَن جانی وِر کَسون آزادی را فیدا بِکَرِه.»

مَرقُس 9:12

عیسی جَواو دوشَه: «البت که اوّل ایلیا بومَی تا همه چی، چَیی اوّلی شیوار وَج آکَرِه. امّا چیرا اِنسانی زوعَه درباره نیویشته بییَه که بَسی وِر رنج و عذاب بِکَشِه و تحقیر بِبو؟

انجیل لوقا 22:27

چوم کَمیله یالتَرَه، اَ کسی که سِفره سَری کا نِشِه یا اَ کسی که نوکَری بَکَردی؟ بَگم اَ کسی که سِفره سَری کا نِشِه یالتَر نییَه؟ ولی اَز شِمَه دیلَه کا اَ کسی شیواریمَه که نوکری بَکَردی.

یوحنا 1:14

و کَلمه، اِنسان آبَه و چَمَه دیلَه کا ساکن آبَه. اَمَه چَیی شکوه و جلالی ویندِمونَه، شکوه و جلالی که اَ زوعَه یِ یِگانه شَئنی کایَه، که دَده طرفی نَه اومَه، فیض و حقیقتی نَه پُور.

رومی کلیسارا نامه 1:3

چَیی زوعَه دربارَه، که از لحاظ جِسم داوود پاُتشا نسلی کا دنیا اومَه،

رومی کلیسارا نامه 15:3

چوم که مسیح نی اِشتَن خوشحال آکَردِه دومله نِبَه، بَلکَم هَتَه که داوودی مزموری کا نیویشتَه بییَه: «کسونی سَرکوفت که تِه سَرکوفت ژَندِشونَه، چِمِن سَر گِنَه.»

رومی کلیسارا نامه 15:8

چوم شِمَه نَه بَواتیم که مسیح، خَتنه بییَه اون خدمتکار بَه، تا خِدا راستی نیشون بِدَه، تا اَ وعده‌ اونی که خِدا چَمَه اَجدادی دوشَه، تصدیق بِکَرِه،

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

دوومین نامه قرنتیانیرا 13:4

چوم هَر چَن که اَ، ضَعفی کا مصلوب بَه، امّا خِدا قدرَتی نَه کارا زِندگی بَکَردی. چوم که اَمَه نی اَیی کا ضَعیفیمونَه، امّا شِمَه پیشی کا اَیی نَه، خِدا قدرتی نَه زِندگی بَکَردیمون.

دوومین نامه قرنتیانیرا 8:9

چوم چَمَه خِداوند عیسایِ مسیح فیضی کا خَوَر دارَه که هَر چَن دولتمند بَه، شِمَه واسی نَدار آبَه تا شِمَه چَیی نَداری کا دولتمند بِبییَه.

نامه غلاطیَه کلیسارا 4:4

امّا هِنتَه که اَ مُعیَن بییَه وخت تمام کمال آرَستَه، خِدا اِشتَن زوعَه ویسا آکَردِشه که ایلَه ژِنی کا دنیا اومَه و شریعتی جیری کا دنیا اومَه،

نامَه فیلیپی کلیسا را 2:6

اَ که هَر چَن خِدا نَه هَم شِکل بَه، دِ دَسی دَنِچیکیستَه خِدا نَه برابر بییِه،

نامَه، عِبرانیه نَتاجَه مسیحیونرا 12:2

و چَمَه چِم فقط عیسی کا بِبو که چَمَه ایمانی پاکارَه و چَمَه ایمانی کامل آکَرِه، و اَ شادی واسی که چَیی ناری کا نوعَه بَه، صلیبی تاو وَردِشَه، چَیی خِفَت و خاری ندید گِتِشَه، و خِدا تختی راستَ دَسی طرفی کا نِشتَه.

نامَه، عِبرانیه نَتاجَه مسیحیونرا 13:3

کسونی که زِندانی کا اینَه ویر بَمَرکَرَه، هِنتَه که اِنگاری شِمَه اِشتَن نی اَوون نَه زِندانی کا ایرونَه؛ و کَسونی که عذاب کَشِن ویر بَمَرکَرَه، چوم که شِمَه نی بَدنی کا عذاب بَکَشدیرون.

نامَه، عِبرانیه نَتاجَه مسیحیونرا 4:15

چوم که چَمَه کاهن اَعظم اَته نییَه که مَشا چَمَه ضَعفون نَه هَمدردی بِکَرِه، بَلکَم اَ کسی یَه که چَمَه شیوار هَر طرفی کا آزمایش بَه، بیدونِ اِمکه گناه بِکَرِه.