نامَه فیلیپی کلیسا را 2:2 - کتاب مقدس به زبان تالشی شمالی

² هَم رأی بییِه نَه، هِم محبتی نَه، یَکدیلی و هَم نَظر بییِه نَه چِمِن شادی کامِل آکَرَه.

کتاب مقدس به زبان تالشي - گویش مرکزی

² هَم رَای بِه نَه، هِم موحبتینه، یکدِلی و هم نظَر بِه نَه چمن خَشی کامیل آکَرَ.

نامَه فیلیپی کلیسا را 2:2 Cross References

یوحنا 3:29

وَیو زِما شِنَه، امّا زِما رَفِق که چَیی کَناری کا مَندَه و بَیی گوش بَدای، زِما سَسی دَرَسه کا وِر شادی بَکَردی. چِمِن شادی نی هَتَه کامل بییَه.

رَسولون اَعمال 1:14

اَوِن گِرد، ژِنَکون همراه و مریم نی عیسی نَنه و عیسی برا اِن، یَکدیل اِشتَن وختی گِردی دعا کَردِه را بَناین.

رَسولون اَعمال 2:1

وختی پِنتیکاستی عیدی روز آرَستَه، گِرد یَکدیل ایی جِگا کا جمع آبَه بینَه

رَسولون اَعمال 2:46

اَوِن هَر روز، معبدی کا یَندی نَه جَمع آبین و اِشتَن کَ اون کا نی نون پَله بَکَردین، خوشی نَه و دَس دیل بازَه دیلی نَه یَندی نَه غذا بَردین

رَسولون اَعمال 5:12

رسولِن همیشه مردمی دیلَه کا وِرَه علامت و معجزه اونی بَکَردین و ایماندارِن گِرد یَکدیل سُلیمونِ پاُتشا اَیوونی کا جَمع آبین.

رومی کلیسارا نامه 12:16

یَندی نَه مُدارا بِکَرَه! مغرور مَبییَه، بَلکَم کسونی نَه که سادَه و ضعیفی نَه رفت و آمد بِکَرَه. هرگِز شِمَه دانا مَزونه.

اوّلین نامَه قورَنتیانیرا 1:10

اِی بِرااِن، چَمَه خِداوند عیسایِ مسیح نومی واسی شِمَه کا خواهیشت بَکَردیم که یَندی نَه یَکدیل بِبییَه، و شِمَه دیلَه کا جِدایی مَبو، بَلکَم هَم فیکر کَردِه کا و هم رأی کا ایلَه بِبییَه.

دوومین نامه قرنتیانیرا 13:11

آخِرسَر، اِی بِرااِن، شاد بِبییَه. شِمَه فیکر اِم بِبو که هَنی قوت بِگِرَه، یَندی تَسلی بِدییَه، یَندی نَه همرأی بِبییَه، صلح و سلامتی کا زِندگی بِکَرَه؛ و خِدای محبت و صُلح و سلامتی، شِمَه نَه بَمَندی.

دوومین نامه قرنتیانیرا 2:3

از شِمَه را جوری نامه نیویشتِمَه تا چِمِن اومِه موقع شِمَه وَر، اَوِنی که بَسی مِن شاد آکَرِن، چِمِن غورصَه باعیث مَبون. چوم که شِمَه گِردی کا مطمئن بیمَه که چِمِن شادی شِمَه گِردی شادی یَه.

دوومین نامه قرنتیانیرا 7:7

و نِه فقط تیتوسی اومِه نَه، بَلکَم اَ تَسلی نَه که تیتوس شِمَه کا گِتَش بَه. تیتوس شِمَه حسرتی کا، غورصَه و غیرتی کا که بَه مِرا هِستِرونه، بَه مِرا خَوَر وَردِشَه، اِنتَه که مِن وِرتَر شاد آکَردِشه.

نامَه فیلیپی کلیسا را 1:4

هَمیشه چِمِن گِردِ دعااون کا گِردِ شِمَه را شادی نَه دعا بَکَردیم،

نامَه فیلیپی کلیسا را 2:16

زِندگی کلامی مُحکم غَم بَرَه تا مسیح آگَردِستَه روزی کا فَخر بِکَرِم که بیخودی ویریتَه نیمَه و بیخودی زحمت کَشَه نیمَه.

نامَه فیلیپی کلیسا را 2:20

چوم دِ هیچکسی نیمَه که حَقیقتن شِمَه راحتی فیکری کا بِبو.

نامَه فیلیپی کلیسا را 4:2

اِفُودیه کا خواهیشت بَکَردیم و سینتیخی کا خواهیشت بَکَردیم که خِداوندی کا همرأی بِبون.

نامَه کُولُسی کلیسا را 2:5

چوم هَر چَن جِسمَن شِمَه وَری کا نیمَه، امّا روح کا شِمَه نَه ایمَه و شِمَه نظم و قُرصَ ایمانی که بِه مسیح هِستِرونه بَویندیم، شادیمَه.

دوّمین نامَه تَسالونیکی کلیسا را 2:13

امّا اِی بِرااِنی که خِدا را عزیز گِرامی ایرونه، اَمَه بَسی همیشه خِدا شِمَه واسی شُکر بِکَرَم، چوم خِدا شِمَه نوبری شیوار اِنتخاب کَردِشه که نجات پیدا بِکَرَه، اَ تقدیسی واسطه نَه که خِدا روح نَه اَنجام بَبی و حقیقتی ایمان داشتِه نَه.

دِوُّمین نامَه تیموتائوسیرا 1:4

وختی اِشتِه اِسِرگون ویر بواَردیم، آرزو بَکَردیم تِه بِوینِم تا شادی کا پُور آبوم.

نامَه فیلیمونیرا 1:20

ها اِی بِرا، پیستِمَه که خداوندی دیلَه کا بَه تِه کا منفعتی بَه مِن آرَسته. چِمِن جانی مسیح کا تازَه آکَه.

یوحنا دوّمین نامَه 1:4

از وِر شاد آبیمَه که فهمِستِمه بعضی اِشتِه خِردَنِن، طبق حُکمی که دَده کا ویگِتَمونه، ’حقیقتی‘ کا زندگی بَکَردین.

یوحنا سوّمین نامَه 1:4

هیچ چی مِن اِمی کا وِرتَر شاد آنِکَرِه که دَرَسِم چِمِن خِردَنِن ’حقیقتی‘کا زندگی بَکَردین.