نامَه فیلیپی کلیسا را 2:13 - کتاب مقدس به زبان تالشی شمالی

¹³ چوم خِدایَه که شِمَه دیلَه کا اِشتَن خشنودی را کار بَکَردی، هَم اِراده کا هَم عَملکردی کا.

کتاب مقدس به زبان تالشي - گویش مرکزی

¹³ چون خِدایَه کن شمَه دلَکا اِشتَن خَشی خونه کا کار کردِ، هِم ایرادَکا و هِم عَمَلیکا.

نامَه فیلیپی کلیسا را 2:13 Cross References

انجیل لوقا 12:32

«اِی روکَ رَمَه، مَتَرسَه، چوم شِمَه آسِمونی یَه دَده شادی اِمَه که اَ پاُتشایی آدَه شِمَه.

انجیل لوقا 2:14

«عَرش بَرینی کا خِدا را جلال بِبو، و زمینی کا مردمی را که خِدا اَوون کا راضی یَه صُلح و سلامتی بِبو.»

یوحنا 3:27

یحیی جَواو دوشَه: «اِنسان نیمَشا چیی بِه دَس بواَره، غِیر اَز اَ چیی که خِدا طرفی کا اَیی عطا بِبو.

یوحنا 6:45

پیغمبرون نیویشته اون کا اومَه که ”اَوِن گِرد خِدا کا تعلیم بَگتین.“ هَر کسی که خِدا کا دَرَسِه و اَیی کا تعلیم بِگِرِه، بومَی چِمِن وَر.

یوحنا 6:65

و واتِشه: «اَز اِمی واسی شِمَه نَه واتِمَه که هیچکس نیمَشا با چِمِن وَر، مَگم اِم که، اِم، آسِمونی یَه دَده طرفی نَه اَیی آدوعَه بِبو.»

رَسولون اَعمال 11:21

خِداوندی دَس نی اَوون نَه بَه و وِر کَسِن نی ایمان وَردِشونَه و خِداوندی مُلحق بینَه.

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

رومی کلیسارا نامه 9:11

هَر چَن پیش اَز اِم که اَوِن دنیا بان، و چاکَه کار یا بَدَه کار اَنجام بِدَن- اِمی واسی که خِدا هدف اِشتَنِش اِنتخابی کا پابَرجا بومونِه، نِه کارون واسی، بَلکَم چَیی واسطه نَه که دعوت بَکَردی-

رومی کلیسارا نامه 9:16

بَس ربطی بِه آدَمی پیسته یا چَیی تقّلا کَردِه نِدارِه؛ بَلکَم بِه خِدایی ربط دارِه که رَحم بَکَردی.

اوّلین نامَه قورَنتیانیرا 12:6

کارِن جور بَه جوری نَه، امّا هَ خدایَه که گِردِ کَسون، گِردِ چیون کا قوَت بَدای.

اوّلین نامَه قورَنتیانیرا 15:10

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

دوومین نامه قرنتیانیرا 3:5

نِه اِم که اِشتَن لیاقت بِدارَم که اِدعا بِکَرَم که چَمَه دَسی کا نی چیی بِرون بومَی، بَلکَم چَمَه لیاقت خِدا کایَه.

نامَه اَفسوسی کلیسارا 1:11

اَمَه چَیی دیلَه کا وارِثون بَیمونه، چوم بینا بَر چَیی پیستَه که گِردِ چییون مطابق اِشتَن اِراده اَنجام بَدای، پیشتری اِنتخاب بَه بیمونَه.

نامَه اَفسوسی کلیسارا 1:5

اَ بینا بَر اِشتَنِش پیستَه و اِراده، اَمَه پیشتری اِشتَن فرزندخوندگی را مُعین کَردِشه تا عیسایِ مسیح واسِطه نَه خِدا زوعَه اون بِبییَم؛

نامَه اَفسوسی کلیسارا 1:9

اَ اِشتَن اِراده سِرّی بَمون آزونیشَه. بینا بَر اِشتَنِش پیستَه که مسیح کا آشکار آکَردِشه.

نامَه اَفسوسی کلیسارا 2:8

چوم فیضی نَه و ایمانی واسطه نَه نجات پیدا کَردَرونه. و اِم شِمَه کا نییَه؛ بَلکَم خِدا هدیه یَه،

دوّمین نامَه تَسالونیکی کلیسا را 1:11

اِمی واسی، اَمَه همیشه شِمَه را دعا بَکَردیمون تا چَمَه خِدا شِمَه اِشتَن دعوتی شَئنی کا بِزونِه و اِشتَن قوّتی نَه هَر چاکَه نییَت و هر کاری که ایمانی کا سَرچشمه بَگتی اَنجام بِدَه،

دِوُّمین نامَه تیموتائوسیرا 1:9

خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،

نامَه، عِبرانیه نَتاجَه مسیحیونرا 13:21

هَ خِدا شِمَه هَر چاکَه چیی نَه مجهز بِکَرِه تا چَیی اِراده اَنجام بِدییَه. تا اَ چیی نَه که خِدا راضی آکَرِه، عیسایِ مسیح واسطه نَه چَمَه دیلَه کا بِه کار بِگِرِه، هَ عیسایِ مسیح که تا اَبَد و تا اَبَد جلال اَیی نَه بِبو. آمین.

پطروسی اوّلین نامَه 1:3

مُتوارک بِبو خِدا و چَمَه خِداوند عیسایِ مَسیح دَده که اِشتَنش بَرک رَحمتی نَه، عیسایِ مَسیح زِندَه آبییِه واسطه نَه مَردَه اون دیلَه کا، ایلَه تازه تولدی اَمَه بَخشِستِشه، زِنده اُمیدی را