نامَه فیلیپی کلیسا را 1:11 - کتاب مقدس به زبان تالشی شمالی

¹¹ صالِحی ثَمرَه کا پور بِبییَه که عیسایِ مسیح واسطه نَه، خِدا جلال و ستایشی را ختم بَبی.

کتاب مقدس به زبان تالشي - گویش مرکزی

¹¹ صالِح بِه بَرَ کا پَتلمَه بِبَه کن عیسی مَسیح واسیطَنَه، خدا شکوه جَلالیرا تَمون آرَب.

نامَه فیلیپی کلیسا را 1:11 Cross References

مَتّی 5:16

اِنتَه نی بِدارَه شِمَه نور مردمی چِمی پیشی کا شَفق بِژَنَه تا شِمَه چاکَ كارون بِوینن و شِمَه آسِمونی یَه دَده، سِتایش بِکَرِن.

یوحنا 15:16

شِمَه مِن اِنتخاب کَردَه نیرونَه، بَلکَم اَز شِمَه اِنتخاب کَردَمه و تعیین کَردَمه تا بِشَه و میوه بواَرَه و شِمَه میوه بومونِه، تا هَر چیی دَده کا چِمِن نومی نَه بِپییَه آدَه شِمَه.

یوحنا 15:2

هَر لاخه ای که مِن کا میوه مَدَه، چِمِن دَده اَیی دَوِرِه، و هَر لاخه ای که میوه بواَرِه، اَیی هَرَس بَکَردی تا وِرتَر میوه بواَرِه.

یوحنا 15:8

چِمِن دَده شکوه و جلال اِنتَه آشکار بَبی که شِمَه میوه وِر بواَرَه؛ و اِنتَه ثابت بَکَردیرون چِمِن شاگِردیرونَه.

رومی کلیسارا نامه 15:28

بَس، وختی اِم کاری تَمون آکَرِم و اَ چیی که جَمع آبَه آرِساوونِم چَوون دَس شِمَه وَری نَه بَشیم اِسپانیا را.

رومی کلیسارا نامه 6:22

امّا حِسَه که شِمَه گناه کا آزاد آبَییرونه و خِدا نوکرون بَییرونه؛ چَیی ثَمر شِمَه را تقدیس بییِه یَه که آخِرسَر اَبَدی یَه زِندگی را خَتم بَبی.

اوّلین نامَه قورَنتیانیرا 10:31

بَس هَر چِه بَردیرون، یا هَر چِه که بِنتیرون یا هَر کاری که بَکَردیرون، گِردی خِدا جلال دوعِه را اَنجام بِدییَه.

دوومین نامه قرنتیانیرا 9:10

اَ کسی که دونه کشاورزی را و نونی هَردِه را آدَه، شِمَه دونه کِشت و کاری را آماده بَکَردی، بَرکت بَدای و شِمَه صالِحی محصولی فَت و فَراوون بِکَردی.

نامَه اَفسوسی کلیسارا 1:12

تا اَمَه که اوّلین کسونی بیمونَه که بِه مسیح اُمید داریمون، چَیی جلالی ستایش بِکَرَم.

نامَه اَفسوسی کلیسارا 1:14

که چَمَه اِرثی بیعانه یَه تا وختی که اَیی کاملا بِه دَس بواَرَم، تا خِدا جلال ستایش بِبو.

نامَه اَفسوسی کلیسارا 2:10

چوم اَمَه خِدا دَسی کاریمونه، و مسیحْ عیسی کا خلق بَیمونه تا چاکَه کارون اَنجام بِدییَم، اَ کارونی که خِدا پیشتَری کا آمادَه آکَردِشه تا چَوون دیلَه کا قدم پِگِرَم.

نامَه اَفسوسی کلیسارا 5:9

چوم نوری ثمرۀ، هَرجورَه چاکی، راستی و درستی کا پیدا بَبی.

نامَه فیلیپی کلیسا را 4:17

نِه اِم که هدیه ویگِتِه دومله بِبوم، بَلکَم ایلَه ثَمَری دومله ایمَه که شِمَه اِعتباری خِدا وَری کا وِر آکَرِه.

نامَه کُولُسی کلیسا را 1:10

تا شِمَه رفتار، خِداوندی شَئنی کا بِبو و بِشایَه اَیی کاملا خوشحال آکَرَه: هَر چاک کاری کا ثمر بواَرَه و خِدا آزونستِه کا رُشد بِکَرَه

نامَه کُولُسی کلیسا را 1:6

اِنجیلی که شِمَه آرَستَه، هَتَه که دنیا سَرتاسَری کا نی آرَستَه، ثَمره بَدای و وِر آبو، هَتَه که شِمَه دیلَه کا نی، اَ روزی نَه که اَیی دَرَسِرونه و خِدا فیضی حقیقتی کا فَهمِستَرونه، کار کَردَشَه.

دوّمین نامَه تَسالونیکی کلیسا را 1:12

تا چَمَه خِداوند عیسی نوم شِمَه دیلَه کا جلال بِگِرِه، و شِمَه نی چَمَه خِدا و خِداوند عیسایِ مسیح فیضی واسی، چَیی دیلَه کا جلال بِگِرَه.

نامَه تیتوسیرا 3:14

بِدا چَمَه مردم باموجِن اِشتَن، اِحتیاجاتی برطرف کَردِه واسی چاکَ کارون را وَقف بِکَرن و بی‌ ثمر مَبون.

نامَه، عِبرانیه نَتاجَه مسیحیونرا 12:11

چوم اَ موقع که اَمَه تربیت بَبیمون، عوض اِمکه اَمَه خِش با اَمه داج بَگتی، امّا دومله کسونی را که چَیی واسطه نَه تربیت بَیینَه، صالِحی ثمری بواَردین که صُلح و سلامتی کا پُورَه.

پطروسی اوّلین نامَه 2:12

بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

پطروسی اوّلین نامَه 2:5

شِمَه اِشتَن نی زِنده سِنگون شیواری رونَه،که روحانی یَه عمارت شِمَه کا وَج آبو، تا مقدسَ کاهنون شیوار بِبییَه و عیسایِ مَسیح واسطه نَه، روحانی یَه قِربونیونی که خِدا اَوون قبول بَکَردی، تقدیم بِکَرَه.

پطروسی اوّلین نامَه 2:9

امّا شِمَه اِنتخاب بییَه نسل و کاهنونی اِستیرونَه که شاهانَه کاهنی بَکَردین. شِمَه مقدّسَ ملّت و مردمی اِستیرونَه که خِدا مِلکی نَه، تا چَیی چاکَه صِفَتون اِعلام بِکَرَه که تاریکی کا شِمَه دعوت کَردِشَه اِشتَن عجیبَ نوری دیلَه.

پطروسی اوّلین نامَه 4:14

اَگم مسیح نومی واسی شِمَه فَش بِدَن، خَسَه شِمَه بِبو، چوم روح جلال و خِدا روح شِمَه سَری کا قرار بَگتی.