Yohana 2:5 - Biblía Axweesantá Hhohho' ar Mungú 2004

⁵ Aayór Yesu sagadiyuuseedá' gadiyuus gari beér, «Umuúqo gaaro ar naa ooi ka tlehhá'.»

Ya/abtór hho' 1977

⁵ Aayór Yesu lawaaleedá' gadiyuus gari beér, “Umuúqo gaaro ar naa ooi ka tlehhá'.”

Yohana 2:5 Cross References

IIMU/UUNGW 41:55

Múk Misri sleémeero qwari nguwa ariyé', Farao kuri i /aa/amín, as muruú /ayma nguwa haniisi. Farao múk Misri guri báy, «Tlawsé' amór Yosefu, tidá' nu bay tleehhaak.»

IIMU/UUNGW 6:22

Noa adoodá' sleémeero kwaa báy nee AAKOÓ MUNGÚ gana tleéhh.

ESEKIELI 12:7

Naagáy adoodá' taa báy ngiri tleéhh. Baldae qoomár tlaatla/aango huwar'eé' ngiri tseék, adór huwár heé aa goow, tsiindowo koo/ír do' ngiri feé/, nee qoomár iimi iwa giwaagip niri ti'iít, huwar'eé' i gawaá suuma, nee muu sleémeero i ga/áy.

Matayo 12:46

Qoomár iwa axweesi nee boo/aay, aayoorós nee hhaeewós naxés ta tsee/aá wa sihhimiit, ta axweesantá slaa' nee inós.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

HAR'OHUUSE 13:14

Mamaá xa'anoó sabiíbu mingiwa /ák, laqaá difaái mingiwa wát, laqaá gár oonitimiis mingiwa wát, laqaá gár ta harmeetin mingiwa /ák. Tidá' sleémeero ngaa báw ngi ot.»

RUTI 3:6

Naagáy Ruti iri tleér amoodá' angaáno kuwa haritleemisi, nee tidá' sleémeero aayír hhawaatuuwós ngaa beér gari tléhh.