NEHEMIA 1:1 - Biblía Axweesantá Hhohho' ar Mungú 2004

¹ Kaangwí an axweesantá Nehemia garmoó Hakalia. Qoomár slahhángw ta bay Kislefu oo kurkú mibeeri tsár, aníng a baraá gixsadá' ur ar Susarí dirií'.

NEHEMIA 1:1 Cross References

ESRA 10:9

Aluuwo hhawaate sleémeero awa Yuda nee awa Benyamini tari burumburiít har afiqoomár deelo tame, bál slahhángw gwaleél tawa mibeeri tsár. Muu sleémeero iri iwiít dír afeenír doó Mungú, ta daraax as kaangwí nee as tluwoó ur oo tluúw.

ESRA 7:7

Qoomár kurkú faanqw oo waawuti'iimár waawutmo Artashastawo Esra nee múk Israeli bahh'ale, nee kaahamuusér Mungú bahh'alé, nee múk Laáwi nee daauuse nee xuumuusér doó Mungú, nee sagadiyuusér Doó Mungú tana tláy ay Yerusalemu.

NEHEMIA 10:1

Kudá' dugeeni nga qaasiye' an kuká': Heé geera an ga/aawusmo Nehemia garmoó Hakalia, nee Sedekia.

NEHEMIA 2:1

Qoomár slahhángw ta bay Nisani oo kurkú mibeeri tsár oo waawuti'iimár waawutmo Artashasta, qoomár difaái iwa dír geeraawós i diri', aníng difaái ana óh ngay dír waawutmoó i haniís. Aníng aga baloó gurhamuutiiká dír geeraá waawutmoowo qoomár aa waarahhi.

NEHEMIA 5:14

Iimír aníng tiwa qaás tawa ga/aawusmoó yaamaá Yuda kureeraá mibaá nee tsár iimír kurkú mibeeraá tsár ay kurkú mibeeri tám nee tsár oo waawuti'iimár waawutmo Artashasta, aníng muruú /aymaadá' ga/aawusmoó wa hariím ugwa /ayiiká, tam hhaee'eé' sleeme ngwa slay'iiká.

ESTA 1:2

De'eemudae waawutmo Ahasuero ina iwiít gawaá kitaangós kuduú aleesleemu oo waawuti'iimarós, baraá gixsár ur ar Susa.

ESTA 3:15

Mukdá' iri gaanslár tláy as hara'ayár waawutmo, hara'aydá' kari ilahaniís baraá gixsár ur ar Susa. Waawutmo nee Hamani tana iwiít, ta difaáír wahán, ala gixsár ur ar Susa aa amooqwát.

DANIELI 8:2

Baraá iigu'utuuwihe naxés aníng a dír Susa, gixsár ur ar ayaá Elamu. Aníng aga sihhiít dír yaaér Ulai.

SEKARIA 7:1

Slahhángw gwaleél kudá' ta bay Kislefu bál tawa tsiyáhh oo kurkú tsiyáhh iimír waawutmo Dario iwa waawuti'ín, Sekaria axweesantá AAKOÓ MUNGÚ gana axaás.