Marko 2:2 - Biblía Axweesantá Hhohho' ar Mungú 2004

² Múk yaariír ina burumburiít, tam pa/aangw aa meetiiká dír afkú do'o. Inós axweesantá Mungú gari dir'íní alki/iít.

Ya/abtór hho' 1977

² Múk yaariír ina burumburiít, tam pa/aangw aa meetiiká afkuú do'o. Axweesantá Mungú gari dir'ín i alki/iít.

Marko 2:2 Cross References

WARA'AMI 40:9

AAKOÓ MUNGÚ, aníng ya/abtór hho' ar ba/ama ana alki/iít dír dinkwár múk yaariír i alé. AAKOÓ MUNGÚ, kuúng a xú' adór aníng afkwe'eé' ngura ar qahuutiiká.

Matayo 5:2

Giri iimu/ún intsaahhatimisuuwo, iri oó',

Marko 1:14

Tam alaá Yohane kuwa tseék, Yesu iri Galilayár káy, Ya/abtór hho' ar Mungú gari alki/iít,

Marko 1:33

Nee múk gixsa sleémeero ina burumburiít afkú doó i ale.

Marko 1:37

Inooín kuwa sláy kuri báy, «Muu sleémeero i kuúng leelehhiit.»

Marko 1:45

Ala heedá' iri ti'iít, kangwdá' guri alki/iít ar axweesanoó yaariír, nee guri tsiyaayaaxán, tam Yesu pa/aangw gwa slayká oo iwa dahi baraá gixsa ar geehhooeema. Ala iri tsee/aá wa iwiwiít dír muu iwa kahhi, nee umuúqo diiro kuri i daqaaqáy.

Marko 2:1

Alaá deelór niinawe Yesu iri male dáh baraá Kapernaumu, kari axaás adór ir dóí dirií'.

Marko 2:13

Yesu iri malé tláy ay amór afaá tlawi, nee boo/aay sleémeero iri amoorós i daqáy, inós guri intsaahhatimís.

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

Luka 12:1

Boo/oó kumér yaariir iri burumburiít tam tiri kilooín adaráh. Qoomaadae Yesu iri dír eeharuuseerós i axweés ngiwa babay, «Ti harmagahhe' nee gár ta mikaátér sluuftimamisi ar múk Farisayo, gídaabá a hhaahhafingw'ín.

Luka 5:17

Looarka wake iwa intsaahhatimisi, múk Farisayo nee intsaahhatuusér hara'ayár Mosewo, kudá' baraá umuúqo gixsár Galilayár dahhá' nee yaamaá Yudea nee Yerusalemuro, taa didaádií iwiít. Nee Yesu aleesleemuú Aako gu kón oo ir hungu/uumisi.

Luka 8:1

Aluuwo Yesu iri baraá gixsaduú wa hi'iimiít nee baraá ayeemo, i Ya/abtór hhó' alki/iit ar waawuti'iimár Mungú. Eeharuuseedá' mibaá nee tsár nee inós ti koná',

Luka 8:11

Yesu giri báy, «Gídaabár slaqsaay a tí: Dahaasiingw a axweesantá Mungú.

Tlehhema'aá ya/Abuuse 11:19

Mukdá' aa diyaa/aat asma slahha'amaayér ur ar naa slayé', qoomár Stefano kuwa gaás, tana tláy ay Foinike nee Kipro nee Antiokia. Heé axweesantá Mungú gaa alki/iit i kaahh dír múk hatlae, aqo har dír múk Yahudi kilós.

Tlehhema'aá ya/Abuuse 14:25

Qoomár axweesantá Mungú kawa Pergár wa alki/iít, tari aweér ay Atalia.

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 8:25

Petro nee Yohane Ya/abtór Aako kawa hhe'eés lamabu'uungo nee alki/ituuwo, tari kií/ ay Yerusalemu. Loohiro Ya/abtór hho' kari alki/iít baraá gixsadaá ninakw awa yaariir baraá yaamaá Samariaro.

Rumi 10:8

Ala gan'amuudá' gár i kaahi an tí, «Axweesani ka dirók i tseew, i gawaá afkók, slám i baraá muunaáwók.» Axweesantí an axweesantadár haratlintaao, tidá' atén ta alki/iitaan.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.