Luka 7:2 - Biblía Axweesantá Hhohho' ar Mungú 2004

² Lawaalmoó geeraharusmooko askaári i tiiq, i afkú bohoóngwí dirii'. Askaarmoodá' lawaalmoowós kudá' gu ló'wa slaa'.

Ya/abtór hho' 1977

² Lawaalmoó geeraharusmooko askaári i tiiq, i afkwá bohóngw i dirii'. Askaarmoodá' lawaalmoowós kudá' gu ló'wa slaa'.

Luka 7:2 Cross References

IIMU/UUNGW 24:27

Iri oó', «I xirfuuti AAKOÓ MUNGÚ, Munguú aakooeé' Abrahamu, kudá' hhooeemaawós nee inkihhimuuwose gaa gunqareesiiká dír aakooeene. Án bartaeene AAKOÓ MUNGÚ ina geerahaár ay dír múk aakooeé'.»

IIMU/UUNGW 35:8

Debora, alee/isuso'ór Rebeka, iri kahhút, kari foól dír gamuú ti'ita, baraá Beteli. Ti'itudá' kuri báy Alon-bakuti.

YOBU 31:5

«Barnaxes ana baraá lamtá wá hoót, nee bar ya'aaeé' ki amór al/aymár wa islahh,

AXWEESANOÓ SAGALOOA 29:21

Heé lawaalmoowós gwa taqna/uy iimír na/uumár wá ale Alér tlede ku aal nee lawaalmoodá'.

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Luka 23:47

Nee geeraharusmoó askaári adoodá' ngiwa ár, Mungú guri xirfayeemiís iri oó', «Ar ló', heewí i dakuúsár konká.»

Luka 7:1

Alaá Yesu axweesantós sleémeero dír múkwí ooaro ngiwa hhe'eés, iri tláy ay Kapernaumu.

Luka 7:3

Inós kángw Yesu nguwa axaás, bariisér múk Yahudi gari amoorós i ya/aáw, as Yesu kuwa firin lawaalmoowós nguwa hungu/uusár ay.

Luka 8:42

asma dasiirós tooka wák aayir'ine, ar kureeriiwós mibaá nee tsár, i slahhá', i afkú bohoóngwí dirí'. Yesu iwa amoodií tláy, muu guna ló'wa tliíq.

Tlehhema'aá ya/Abuuse 10:1

De'emadaádae heeko i deer oo baraá gixsár Kaisarea. Umuuwós a Kornelio, geeraharusmoó slawtá ta bay, «Askaárír Italia.»

Tlehhema'aá ya/Abuuse 10:7

Qoomár malaykamoodá' iwa tláy, Kornelio lawaaleerós ar tsár ar do'ós gari ateét, nee askaarmoó wák oo Munguú ilaiwawaá/, baraá askaáridá' inós umuú daqto gu sagadiyuusa.

Tlehhema'aá ya/Abuuse 22:26

Geeraharusmoodá' adoorí ngiwa axaás, iri tláy, geeraharusmoodá' úr guri ádbeemuú áy kaangwihe, iri oó', «Adór ta tleehhamór wa sla' a adoomá? Baré heewí a heé Roma.»

Tlehhema'aá ya/Abuuse 23:17

Paulo geeraharusmoó wák oo askaari guri ateét guri báy, «Garmaawí huweek amór geeraharusmoó úr oo askaári, asma gár i dirósí ooár wa slai i deer.»

Tlehhema'aá ya/Abuuse 27:1

Qoomár hara'aya kawa oó' tawa aa'aá kawaan ar baraá tlawi ay Italia. Paulo kunguri duúx, nee mukduú hatlá' taa tsegiít, kiri qaás dabaá heeko ta bay Yulio. Inós a geeraharusmoó daqtá askaárír múk Roma, daqtadá' ta bay «Daqtá Agusto.»

Tlehhema'aá ya/Abuuse 27:3

Looaytleérós ana hardahaán Sidoni. Yulio Paulo guri hhooeemaá i tleéhh, iri ya/án iwa mulqeerós artá ay, as inooín kuwa alee/iisi.

Tlehhema'aá ya/Abuuse 27:43

Ala geeraharusmoó askaári Paulo guna ba/amisár wa slaá', askaáridá' gari ilaá/, adoodá' ta slai makawa tleéhh. Ala iri hara'ayín as mukdá' qumburu/umit gu aleesláw, tawa geerií /akumiiti baraá tlawi, nee ta yaamaá kaahaárí hardihi.

Kolosai 3:22

Kuungá' lawaále, daqaarerhúng tidá' ta sagadiyusa', ilaiwawa/aak baraá mura' sleémeerowo. Kuungá' masók a adór lawaaleedár ilaá maaqumisaaká, tidá' ti tawó sla'atimis dír múk i alé. Ala masók an gadiyusá' ar muunuú /awaák, as adoodá' kuungá' Aako kuwa ilaiwawa/a'.