Luka 1:8 - Biblía Axweesantá Hhohho' ar Mungú 2004

⁸ Looarka wake Sakaria iwa gadiyér kaahamusi'iimár tleehhi dír geeraá Munguhe, qoomár baalaqaasír múk bartós,

Ya/abtór hho' 1977

⁸ Looarka wake Sakaria ina gadiyér tleéhh ar saaliingw geerahara dír geerá Munguhe, qoomár baalaqaasír múk bartós.

Luka 1:8 Cross References

1 QOM'I 24:19

Mukwí kuna gooín ar adoodá' gadiyér'ín i diri', niwa daraahiya' baraá doó AAKOÓ MUNGÚ, as niwa baraadá' wa gadiyuusiya' ar adoodá' aakooín Aroni ngira qoomeés, ar adoodá' AAKOÓ MUNGÚ, Munguú Israeli, ngira dirós i oó'.

1 QOM'I 24:2

Ala Nadabu nee Abihu nina qatliyé' geeraá baabuúín iwa gwaaiiká, nee na/aá naa geexayé' i kahhiyá', gawaá adoorihe Eleasari nee Itamari kay kaahamuusér Mungú wa qaás.

2 QOM'I 11:14

Múk tlahhoó Laáwi yaamuuín nee qawtanti'ine ngay geexayé' niri loohiyé' baraá yaamaá Yuda nee Yerusalemu, asma Yeroboamu nee daaqaywós ngina ilaa/iyé' Mungú nguwa sagadiyuusiya' adór kaahamuusér AAKOÓ MUNGÚ wa ale.

2 QOM'I 31:19

Slám kaahamuusér Mungú ar xwaylár Aroni ar baraá qamaá hoot, kudá' ta aliiti tsee/aá gixsar'ín, múk taa qaás i deer oo qoomoó muruú /aymar'ín gu qasmiís. Umuú heewo tidá' inós wa hariim gan slasláy, inós bar garma baraá kaahamuusér Munguhe, nee umuú heewo oo múk Laáwi oo taa qo gooini.

2 QOM'I 31:2

Waawutmo Hesekia kaahamuusér Mungú nee múk Laáwiwo giri malé qaás baraá gadiyeédí ale, as tawa gadiyuusi baraá Doó Mungú wa ale. Gadiyér ngi qasmiís a ilahhooa da/a/aangw, nee ilahhooár wayda hanmis, niwa gadiyuusiya' dír afkú heémár AAKOÓ MUNGÚ wa ale, nee xirfayeemis nee sluufaywo.

2 QOM'I 8:14

Inós adoodá' baabuúwós Daudi heé Mungú ngira hara'ayín gana eehár, baalaqaasír kaahamuusér Mungú ar umuú deelo gana qaás, nee ar mukduú tlahhoó Laáwi, kuduú kaahamuusér Mungú alee/iimiís as iwa xirfayemisiyá' nee gadiyér'ín ngiwa tleehhiya'. Xuumuuse sleeme gari qaás baraá bohhu umuúqo afkú do'o nguwa xuna'.

ESRA 6:18

Nee inooín kaahamuuse kari qaás baraá gadiyér Mungú, nee múk tlahhoó Laáwi kuna qaás baraá baalaqaasir'ín, as gadiyér Mungú baraá Yerusalemuro, adoodá' kara gooín baraá kitaábuú Mose.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 28:41

Hhiyaawók Aroni nee daaqaywose in tsiitís ar tlabaasingá', daqaní ki iimbaláx di/to, kiri dákwí qás as kiwa paratl tawa kaahamuusér aníng i sagadiyuus.

TI'INAANGW 29:1

«Muruuwí tleehheek dír Aroni nee daaqaywós as kiwa paratl tawa kaahamuusér aníng i sagadiyuus: Tsa/atamoó awu na slaweek, nee gwaandaawér tsár ar xaslxaansli wasl,

TI'INAANGW 29:44

Aníng heémaadá' ti dogiitaan ngari hhohhoeés dinkwa nee kitángw ilahhoa kawa hanmamisi. Tam Aroni nee daaqaywose sleeme in hhoohhooeés as inooín tawa kaahamuusér aníng i sagadiyuus.

TI'INAANGW 29:9

Him'eedár afeetler'ín an tsék, nee kofiyaduín kiri dahás. Asma adoorí an adór Aroni nee daaqaywós kir hhohhoes tawa kaahamuuser'eé' daqisleém.

TI'INAANGW 30:30

Daqaní Aroni nee daaqaywose ki di/tisír ar iimbaláx as kiwa paratl as kahhó' inooín tawa kaahamuusér aníng i sagadiyuus.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

Luka 1:5

De'emaá waawutmooko yaamaá Yudea ta bay Herode, kaahamusmooko Mungú i deer. Umuuwós a Sakaria, oo bartá múk Abiya. Hareerós ar tlahhoó guruú doó Aroni, umuuwós a Elisabeti.

Luka 1:7

Ala inooín ta na/oó konká, asma Elisabeti a kampeeri, nee inooín tsaraawo naa diné'.