Filipi 4:9 - Biblía Axweesantá Hhohho' ar Mungú 2004

⁹ Muruudá' taa dir'eé' wa intsahhé' nee kudá' taa ilaoté' tleehhaak, tam kudá' taa aandé' nee oo taa axasé' dir'eé' wa ale sleeme. Daqaní Munguú wayduú koóm i dinkwa nee kuungá'.

Ya/abtór hho' 1977

⁹ Muruudá' taa dir'eé' wa intsahhé' nee kudá' taa ilaoté' tleehhaak, kudá' taa aandé' nee oo taa axasé' dir'eé' wa ale. Daqaní Mungú wayduú koóm i dinkwa nee kuungá'.

Filipi 4:9 Cross References

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 8:10

Áx ti kiloohúng hara'ayiinde' ala nuqo gaa wa bu'ká. Tam ado a qoomeesa'a, ala ar ya/aam i káhh. Asma Mungú i dinkwa nee atén.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 7:21

«Heé aní tawó babáw, ‹Aáko, Aáko,› i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií' ga tlehhiít.

Luka 6:46

«Aníng mihar babeera', ‹Aáko, Aáko,› ala tidá' án ni kah a tlehhita'aaká.

Luka 8:21

Giri báy, «Aayor'eé' nee hhaee'eé' an kudá' axweesantá Mungú axamiisá', nee ngi tlehhiitá' adoodá' i kat.»

Yohana 13:17

Tí kuungá' bara xué', kuungá' tundu amohhoó bar aga tlehhé'.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Yohana 2:5

Aayór Yesu sagadiyuuseedá' gadiyuus gari beér, «Umuúqo gaaro ar naa ooi ka tlehhá'.»

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

Rumi 15:33

Munguúduú wayduú hanmiís masók i dinkwa nee kuungá' sleémeero. Amin.

Rumi 16:20

Nee Munguúduú wayduú hanmiís, inós kuungá' nu /uurií haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

1 Korinto 14:33

Asma Mungú a Munguú leexwaywooká, ala a Munguú wayda. Ar adoodá' múk hhohhó' oo kríshaanáy i tlehhahhiti umuúqo diiro,

1 Korinto 4:16

Gawaá adoorihe án kuungá' nu gurbuú', aníng na eehararé'.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

Filipi 3:17

Hhaee'eé', kuungá' sleémeero adoorí án nir hoot nar hootaak. Asma atén a slaqsaay dirhunge. Kudá' hootá' adór atén nir hootaan ló'wa ga/aawaak.

Filipi 4:7

Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

1 Tesalonike 1:6

Nee adór atén tara hootaán, kuungá' kari eehadé'. Gawaá adoorihe tari eeharuusér Aako tleehhité'. Kuungá' slahha'amaayér yaariir ana sleeré'. Ala tam adoorihe axweesantadá' ana ilaoté' ar qwala/, tidá' Qeeruú hhoohhoó' oo Mungú naa haniís.

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahh'eemisuú taa sleeré' dír xoororhúng ar kilá' wa ale, an adór slahh'eemisuú inooín taa sláy dír múk Yahudír wa ale.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

2 Tesalonike 3:4

Asma atén harahhifo a koomaán baraá Aakoowo daanduuhunge, tidá' atén ni hara'ayiyiimaan a tlehhitá' nee slám a kumitá' kawa tlehha'.

2 Timoteo 4:22

Aako muunaáwók ngu de'en. Tsuuqa masók i dinkwa nee kuungá'.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.

2 Petro 1:10

Gawaá adoorihe, hháe, ilakaaharu ló'wa tleehhaak as ateetamorhúng kawa gawdesa', nee tsawdorhúng. Ala kuungá' bar aga hoté' ar adoorí, kuungá' daqaní gár dirhunge dukutsmo tleehhiit i káhh.

1 Yohana 3:22

Nee umuúqo gár ta dirós i firiimana a slawaán, asma hara'ayaarós kawa eeharaharaan, nee adoodá' inós i slai kawa tlehhiitaan.