Filipi 4:6 - Biblía Axweesantá Hhohho' ar Mungú 2004

⁶ Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

Ya/abtór hho' 1977

⁶ Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na adbawaak, kuwa firiiriinda' nee kuwa sluufimisa'.

Filipi 4:6 Cross References

1 WAAWITÁ 8:28

Aá AAKOÓ MUNGÚ, Munguúeé', aníng a sagadiyusmoowók. Firor'eé' iiáií qaseek, afor'eé' tí laarí ya/aameek.

2 QOM'I 32:20

Waawutmo Hesekia nee aarusmo Isaya garmoó Amosi, Mungú nguna firiné' nee nguna i /aa/iyé' as ngiwa alee/iisi daanduú muruuwí sleémeerowo.

WARA'AMI 51:15

Aá Aáko, afkwe'eé' waatleeseek, xirfuuwók nguwa alki/iit.

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

WARA'AMI 55:22

Slahh'amuuwók sleémeero dír AAKOÓ MUNGÚ ti meer, inós kuúng u aleeslawtis. Heé hota ganaá' gu baloó mayká kuwa diinqisi.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 16:3

Gadiyeérók sleémeero dabaá AAKOÓ MUNGÚ ti sayiin, Daqaní muruuwók kudá' sleémeero taa qoomaamés i tleehharuut.

DAA'AANGW 2:14

Aá hhookir'eé', tidá' aa nahhat baraá mar'ír tlaa/a, baraá lu/aroó mar'i, qwaláng aníng gitsee/aawók i ár, nee afoorók ngi axaás, asma afoorók i natsaatsá' nee gitse/aawók i sla'atimisiyá'.

YEREMIA 32:16

Alaá gooidá' taa gooín haniisaro ngiwa hhe'eés dír Baruku, garmoó Neria, gooidá' taa gooín as qaymo tawa te'eé'. AAKOÓ MUNGÚ una firiím, niri oó',

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

DANIELI 3:16

Shadraki nee Meshaki nee Abednego waawutmo kuri báy, «Aá waawutámo, gawaá /aymuusinge atén gár ni ooaan i káhh.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

Matayo 10:19

Ala qoomár barnaxes kuungá' tundu huwahuuw, gár ta oa' ma leelehhitara', asma qoomaadae gár ta oa' kingi haniis.

Matayo 13:22

Nee kudá' aa paahh baraá laqaya', an slaqsoó múk axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Matayo 6:34

Gawaá adoorihe muruú matlo mu sadaawimitaara', asma ar matlo looarós ngisa tleér. Umuúqo baalaaro i daawiitimeerós koón ar bu'uut.»

Matayo 6:8

Kuungá' ma adór inooín tleehhitaara', asma Baabuúhúng gár kuungá' ta sla'a' ga xuu' iimír kuungá' kuwa firiindi'iiká.

Luka 10:41

Aako gari báy, «Márta, Márta, kiíng an daawiimít nee an amoqwaqadiín asma muruú yaariír.

Luka 12:22

Yesu eeharuuseerós gari báy, «Gawaá adoorihe, án a kah, ma daawimitaara' as slafingwhúng, tawa kata', ‹Ma /ayaán?› laqaá slaqoohunge, tawa kata', ‹Ma tsiitaán?›

Luka 12:29

«Kuungá' gár ta /aga' laqaá ta wata' ma leelehhiitara', slám ma daawimitaara'.

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

1 Korinto 7:21

Kuúng tuwa ateét a lawaalmoówo? Ma gurhaamutaar as tawa lawaalmo. Ala pa/aangw bir deer oo kuúng tuwa gweeri baraá lawaali'iimaro, pa/angwsíng harmagahheek.

1 Korinto 7:32

Ala gár án ni slaa' masók kuungá' an daawimita'aaká. Heedaádá' aa duuxunká in daawiimiit as Aako, nee adór ngur qwal/atisi.

2 korinto 1:11

Slám kuungá' sleeme atén ti alee/isá' ar loohír firorhúng. Gawaá adoorihe múk yaariír Mungú gu ló'wa sluufiis as atén, as tsuuqaá Mungú, kudá' atén taa slawaán as firór múk yaariir.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

Kolosai 4:2

Kumiité' ló' wa ale baraá firooro, nee ta dal'a' baraá firooro nee baraá sluufaaywo.

1 Timoteo 2:1

Gár ni gawdeemiis ta muruú hatlá' sleémeerowo a tí, firo nee saaliingw nee aleefiro nee sluufaay, muruuwí sleémeero i tleehharuuti as muu sleémeero.

1 Timoteo 5:5

Kwaalo'ór ló' a tidá' taa kilós geexáy. Inós Mungú gun harahhíf, slám i baraá firór wa hót nee saaliingo tlaatla/aangw nee xweeraawo.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

1 Petro 5:7

Daawitamerhúng sleémeero gawaawós ti qase', asma inós ti daawitimiis as kuungá'.

1 SAMUELI 1:15

Ala Hana guri mu/aywáts iri ó', «Aasla'áy, aakooeé', aníng a /ameenír gurhaamuut. Aníng difaái ngaa wahiiká, tam gár oonitimis, ala aníng muunaáeé' una haniís amór AAKOÓ MUNGÚ.

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.

1 SAMUELI 7:12

Aluuwo Samueli tlaa/ano guri óh, guri sihhtís tla/ángw Mispa nee Sheni, umuuwós guri báy, Eben-eseri, iri oó', «Tam hamí AAKOÓ MUNGÚ taa alee/iís.»