Filipi 3:12 - Biblía Axweesantá Hhohho' ar Mungú 2004

¹² Aníng a kaahaaká amoodá' ta i qwaatlaan aga i hardáh qaroó alé, slám a kaahaaká gan'amu ugwa qaroó sláw. Ala ilakaaharu un tlehhiít niwa kumiit as niwa hardah nee gadaádá' ngiwa oh, tidaádá' Kristo Yesu isa ateét, qoomár iwa óh.

Ya/abtór hho' 1977

¹² Aníng a kaahaaká gídaabá aníng amoodá' ta i qwaatlaan aga i hardáh qaroó alé, slám a kaahaaká gídaabá gan'amu ugwa qaroó sláw. Aasla'áy. Ala ilakaaharu un tlehhiít niwa kumiit as niwa hardah nee gadaádá' ngiwa oh, tidaádá' ar Kristo Yesu isa ateét, qoomár iwa óh.

Filipi 3:12 Cross References

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

WARA'AMI 119:5

Hotaaeé' masók i warqay'aaká diroge, ar adoodá' kaahirók i diri'.

WARA'AMI 138:8

AAKOÓ MUNGÚ, al'axweesantók tidá' naa ó', a boo/és. AAKOÓ MUNGÚ, sla'aarirók i warqeeraaká ay alhhe'eesay wasle. Gadiyeérók ar taa iimu/uún ma mawaar boo/eesaro.

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 63:8

Aníng kuúng un i naga'aát, aníng in ót ar dakók kudá' /uuruú koóm.

WARA'AMI 84:2

Aníng do'ók u ló'wa slaá', AAKOÓ MUNGÚ. Muunaáeé' nee slaqwte'eé' kuúng u saqwalaala/iyá'.

WARA'AMI 94:15

Sakwasleemár ganaa' i ki/, sleémeero kudá' hota ganaa'á' ngi eehariyá'.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 51:1

Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 8:39

laqaá muruuduú gáwtí dirií', laqaá kuduú baraá guruú yaamu, laqaá umuúqo gár taa tleehhi i aleesleeraaká paraatlaro dír sla'aarír Munguhe, tidár baraá Kristo Yesu Aakoorén.

1 Korinto 13:10

Ala tidá' ganaa' binda hardát, muruudaá /aaruy sleémeero iri waaraahh.

1 Korinto 13:12

Asma qoomaarihe atén an ga/aawaán ar baraá looa ar slaqsi'i. Ala qoomaadá' binda xeér, atén an ga/aawaán ar ilaarén awa kilá'. Qoomaarihe xu'utir'eé' i harqoomoó koón, ala qoomaadá' binda hardát, aníng a xu'uti hhe'eés, adoodá' tira xu'uti hhe'eés nee Mungú.

1 Korinto 9:24

Ahaá, kuungá' a xuá'aáke mukdá' qwaátl baraá ti'iingo, sleémeero tan ti'ii'ín, ala heé arba/ati ga sláw a wak kilós. Kuungá' sleeme adoorír qwaatlaak as arba/ati kawa sleera'.

2 korinto 13:9

Asma kuungá' bar /uuru u koondá', direne a qwala/ tam atén ti daqeetlakwene. Gár atén ta firiirimaan a tí, kuungá' masók a múk ganaá' tleehhitá'.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Galatia 5:17

Asma slaqwa kángw i ilatleerus a kudá' Qeeru i slaiiká, asma Qeeru nee slaqwa tin tlaampa'aamisiyá', tam kuungá' adoodá' ta sla'a' a aleesleera'aaká tleehhamooro.

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

Efeso 4:12

Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Filipi 3:16

Ala atén sleémeero gár tiwa hariím masók an kumiitaán ar digir wakeetingwdá' tara iimu/uumaán.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

2 Tesalonike 2:13

Hháe, kuungá' Aako nu slaa', nee atén gár tiwa hariím a Mungú un sluufmisaán umuúqo daqto as kuungá'. Asma Mungú kuungá' nuna tsawaár iimír iimu/uungo as ba/ama kawa sleera' ar loohír Qeeruú hhoohhoó' oo Mungú, kudá' kuungá' nu hhoohhooeemiís, nee ar loohír looeema kiwa haratlintia'.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

1 Timoteo 6:19

Gawaá adoorihe inooín ti daqaari'iimár i slayá', daqaari'iimár ló'wa hhoo' ar qoomaadá' xaw, as slafíngw ló' kuwa slay.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.