Filipi 2:11 - Biblía Axweesantá Hhohho' ar Mungú 2004

¹¹ Nee umuúqo heewo i ooi, «Yesu Kristo a Aako,» as Mungú Baabá kuwa xirfayeesi.

Ya/abtór hho' 1977

¹¹ Nee umuúqo heewo ngi ooi gídaabá, “Yesu Kristo a Aako,” as Mungú kuwa xirfayeesi.

Filipi 2:11 Cross References

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 18:49

Gawaá adoorihe, AAKOÓ MUNGÚ, án kuúng u xirfayeemiís dír geeraá xoorduú wa ale, án kuúng u daa'ángw xirfií daá'.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

Matayo 10:32

«Heé aníng iga lamabu'un dír geeraá muko, aníng inós u ya/aám dír geeraá Baabuúeé' kuduú gawaá dooriiwo.

Luka 2:11

Asma laarí baraá gixsár Daudiwo ba/amusmoohúng kwaa laqwaál, inós an Krístó Aako.

Yohana 12:42

Ala tam adoorihe baraá mukdá' urene múk yaariír i deer oo Yesu gwa haratlintii'. Ala mukwí taa laqaniká, asma múk Farisayo, as mikiwa baynitís dír doó saaliingo.

Yohana 13:13

Aníng kuungá' in Intsaahhatusmór ateetiindá', nee Aako. Ala adoosíng i qoón, asma an adór aníng ni dirii'.

Yohana 13:14

Ala bar anuúwí oo Aako nee Intsaahhatusmo ya'aahúng ngina hamtliít, gár kuungá' tunduwa hariím a tin ya'a' hamtlitá'.

Yohana 14:13

Nee umuúqo gár kuungá' ta fiririinda'a ar umuueé', án ngi tleéhh, as Baabá iwa xirfuuti ar baraá Garma.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 17:1

Yesu axweesanaywí ooaro nguwa hhe'eés, iri qaytsiít gawaá doori, iri oó', «Baabá, qooma naa hardát. Garmaawók xirfayeeseek, as Garmaawók kuúng uwa xirfayeesi sleeme,

Yohana 20:28

Tomas guri báy, «Aakooeé' nee Munguúeé'.»

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Yohana 9:22

Xwayliteérós adoorí gana ó', asma i múk Yahudír da'ayuumít. Asma múk Yahudi gaa qaroó al'axweés tawa kaahi, hee bar Yesu ngwa ya/án, adór inós tar Kristo, heedaádá' ku baynitis dír doó saaliingo.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Rumi 14:11

Asma Gooi i kat, «Aako i kaahi. Adoodá' aníng nir slaaf, umuúqo heewo i geeraaeé' tumbarara'aat, nee umuúqo tsifraango Mungú guri xirfayees.»

Rumi 14:9

Gaarí an gár Kristo isa gwaá' nee iri waasleé/, as tawa Aakoó múk aa qaatl, nee oo kudá' slaáf sleeme.

Rumi 15:9

Nee slám Kristo niri hardáh as múk xoordaá hatlá' Mungú kuwa xirfayeesi as gurtleemuuwós. Asma kaa gooín, «Gawaá adoorihe aníng kuúng u tla/ángw múk xoorduú wa sluufmiís, aníng umuuwók u sa daá'.»

1 Korinto 12:3

Gawaá adoorihe án kuungá' nu xu'utís hee i kaahh oo axweés ar baraá Qeeruú hhoohhoó' oo Mungú oo káh, «Yesu ku lu'usi.» Nee slám heé taa geerahariiká nee Qeeruú hhoohhoó' oo Mungú, ga aleeslayká iwa ooi, «Yesu a Aako.»

1 Korinto 15:47

Heé geera dír i dahhi a baraá yaamu, gár kura tleéhh a hhape. Ala heé tsár dír i dahhi a gawaá doori.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

1 Yohana 4:15

Hee bira ya/án adór Yesu Kristo tar Garmoó Mungú, Mungú i baraawós i dirii'. Nee inós i baraá Mungú.

1 Yohana 4:2

Qeeruú Mungú adór kur tsahha' a adoorí, «Umuúqo heé káh, Yesu Kristo nina hardáh ar baraá slaqwa.» Kwí i Qeeruú Mungú kón.

2 Yohana 1:7

Asma al/aymuusér yaariir naa ti'ít baraá yaamuwo, ar kah, Yesu Kristo naa hardihiiká ar baraá slaqwa. Kwí an kuduú al/aymusmo, nee Wakusmoó Kristo.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.