DANIELI 3:8 - Biblía Axweesantá Hhohho' ar Mungú 2004

⁸ Gawaá adoorihe mukko Kaldayo iri tláy as múk Yahudi kuwa sakwasleemuuti.

DANIELI 3:8 Cross References

ESTA 3:6

Hamani gaa ak gárwá ariiká Mordekai kilós nguwa qwaareesi, asma inooín kwaa xoorór Mordekai i xu'utís. Gawaá adoorihe, Hamani xoorór Yahudi gana qwaareesár wa slaá', múk Mordekai kuduú baraá yaamaá waawutmo Ahasueró i dirií'.

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

DANIELI 2:10

Mukduú Kaldayo tari oó', «Waawutámo, heé hara'ayarók tisíng boo/esaro ga aleesláw i kaahh baraá yaamuwo, asma tam heé úr laqaá waawutmoó /uuruú koóm oo /aymuú adór kwisíng gwaa yaahasár ay dír qwaslaarmo laqaá dír da/alusmo laqaá dír heé Kaldayo i baloó kaakaahh.

DANIELI 2:2

Waawutmo iri ya/abín qwaslaare nee da/aluuse nee múk Kaldayo nee xu'utuusér tlata kingiwa ateeti as gadaádá' aa ár baraá tlataawose ngiwa ooiya'. Mukdá' sleémeero nari hardát, tay sihhiít geeraá waawutmo.

DANIELI 3:7

Naagáy qoomaadár kilae múk tlahh'i sleémeero afór xareemi nee ar filiímbiro nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango kawa axaás muu sleémeero nee xooro tsifriro tana tumbararaa'aát dír geeraá muslaaqatuuduú sahaábu as kuwa sluufmiisi, kudá' taa tleéhh nee Nebukadnesa.

DANIELI 4:7

Naagáy qwaslaare, nee da/aluuse nee xu'utuusér tlata nee xu'utuusér tsatse/uwo kingay huúw. Ngiri tlataaeéni alki/iít. Ala inooín waagweermooro ngiri harslaqatiyé'.

DANIELI 6:4

Mukdá' urén dinkwa nee ga/awuuse adór Danieli ngur lámtí tsatiya' ngiri leelehhitiyé' baraá muruú waawuti'iimaro, ala nga slay'iiká, asma Danieli i ló'wa inkihhimuú kón, asma dakuusár Danieli aa tleéhh i káhh. Laqaá insarehhamoó taa ár i kaahh.

Tlehhema'aá ya/Abuuse 28:22

Ala hamí a dirók wa sla'aán axaasaro adór kuúng ta ara'aan. Asma atén gár taa axaasaán a diínisíng kuúng taa eehát, kan afo tlakweemiis umuúqo diiro.»