Филипиликләргә йезилған хәт 4:9 - Һазирқи Заман Уйғурчә Тәрҗимиси

⁹ Мәндин үгәнгән, қобул қилған, аңлиған вә көргәнлириңларни әмәлий һәрикитиңларда көрситиңлар. Шундақ болғанда, хатирҗәм­лик беридиған Худа силәр билән биллә болиду.

Филипиликләргә йезилған хәт 4:9 Cross References

Мәтта баян қилған Хуш Хәвәр 1:23

«Пак қиз һамилдар болуп бир Оғул туғиду, Униң исми Иммануел қоюлиду» дегән сөзиниң әмәлгә ашурулушидур.

Мәтта баян қилған Хуш Хәвәр 28:20

уларға Мән силәргә буйруған барлиқ әмирләргә әмәл қилишни үгитиңлар. Мән һәқиқәтәнму заман ахириғичә һәр дайим силәр билән биллә болимән.

Мәтта баян қилған Хуш Хәвәр 7:21

— Мени «Рәббим, Рәббим» дегәнләрниң һәммисила Асманниң Падишалиғиға кирәлмәйду. Пәқәт асмандики Худа Атамниң иради­сини ада қилғанларла кирәләйду.

Луқа баян қилған Хуш Хәвәр 6:46

— Силәр һәҗәп Мени «Рәббим! Рәббим!» дәйсиләрю, буйруқ­ли­римға әмәл қилмайсиләр.

Луқа баян қилған Хуш Хәвәр 8:21

— Худаниң сөзини аңлап, униңға әмәл қилғанларниң һәммиси Мениң анам вә ака-инилиримдур, — деди һәзрити Әйса көпчиликкә.

Юһанна баян қилған Хуш Хәвәр 13:17

Бу ишларни билгән екәнсиләр, силәрму шундақ қилсаңлар, нәқәдәр бәхитликсиләр!

Юһанна баян қилған Хуш Хәвәр 15:14

Силәргә буйруған әмирлиримни ада қилсаңлар, Мениң достлирим болисиләр.

Юһанна баян қилған Хуш Хәвәр 2:5

Аниси чакарларға: — У силәргә немә қил десә, шуни қилиңлар, — деди.

Һәзрити Әйса әлчилириниң паалийәтлири 9:6

Орнуңдин туруп, шәһәр­гә кир, немә қилишиң керәклигини бири саңа ейтип бериду, — дегән җавап кәлди һелиқи аваздин.

Римлиқларға йезилған хәт 15:33

Аманлиқ бәргүчи Худа һәммиң­лар билән биллә болғай, амин!

Римлиқларға йезилған хәт 16:20

Аманлиқ бәргүчи Худа узун өтмәй шәйтанни аяқ астиңларда езиду. Рәббимиз Әйсаниң меһир-шәпқити силәргә яр болғай.

Коринтлиқларға йезилған биринчи хәт 10:31

Муһими немә йәп, немә ичишиңлар, қандақла иш қилишиңлардин қәтъий нәзәр, уни пәқәт Худаниң улуқлиниши үчүн қилиңлар.

Коринтлиқларға йезилған биринчи хәт 14:33

Җәм болуп ибадәт қилғиниңларда қалаймиқанчилиқ болмисун. Чүнки Худа қалаймиқан­чилиқ салғучи әмәс, бәлки тиничлиқ бәргүчидур. Мән билидиған һәр қайси мәсиһий­ләр җамаити әйнә шундақтур.

Коринтлиқларға йезилған биринчи хәт 4:16

Шуниң үчүн силәрниң мени үлгә қилишиңларни өтүнимән.

Коринтлиқларға йезилған иккинчи хәт 13:11

Әң ахирида, қериндашлар, хошал-хорам болуңлар, ишәнчтә йетил­гән адәм болуп чиқиш үчүн тиришиңлар. Несиһәтлиримни қобул қилип, бир нийәт, бир мәхсәттә инақ өтүңлар. Меһир-муһәббәт вә аманлиқ мәнбәси болған Худа силәр билән биллә болғай!

Филипиликләргә йезилған хәт 3:17

Қериндашлар, мени үлгә қилиңлар, шундақла силәр бизни үлгә қилған кишиләрдинму үгиниңлар.

Филипиликләргә йезилған хәт 4:7

Шундақ қилсаңлар, Худаниң кишиләрниң ойлиғинидинму ешип чүшидиған тиничлиғи силәрниң қәлбиңларни вә ой-пикриңларни Әйса Мәсиһ арқилиқ тиничландуриду.

Салоникилиқларға йезилған биринчи хәт 1:6

Силәр биздин, шундақла Рәббимиздин үлгә алдиңлар. Чүнки силәр еғир қийинчи­лиқларға қаримай, Муқәддәс Роһ ата қилған шат-хорамлиқ ичидә Худаниң сөзини қобул қилдиңлар.

Салоникилиқларға йезилған биринчи хәт 2:14

Қериндашлар, силәрниң әһвалиңларму Худаға ишәнгән вә Әйса Мәсиһкә мәнсүп болған Йәһудийә өлкисидики мәсиһийләр җамаәтлиригә охшайду. Чүнки уларниң шу йәрдики йәһудийлар тәрипидин зиянкәшликкә учриғиниға охшаш, силәрму өз жутдашлириңлар тәрипидин зиян­кәш­ликкә учридиңлар.

Салоникилиқларға йезилған биринчи хәт 5:23

Бизгә аманлиқ ата қилғучи Худа Өзи силәрни тәл-төкүз пак қилғай. Рәббимиз Әйса Мәсиһ қайта кәлгичә Худа роһуңлар, җениң­лар вә тениңларни әйипсиз сақлиғай.

Салоникилиқларға йезилған иккинчи хәт 3:4

Худа силәрниң буйруғанлиримизни қиливатқанлиғиңлар вә давамлиқ қилидиғанлиғиңлар һәққидә бизгә ишәнч бәрди.

Тимотийға йезилған иккинчи хәт 4:22

Рәббимиз силәр билән биллә болғай. Худаниң меһир-шәпқити силәргә яр болсун!

Яқуп язған хәт 1:22

Худаниң сөзини аңлап қойсамла болиду, дәп өзәңларни алдимаң­лар. Әксичә уни иҗра қилғучилардин болуңлар.

Петрус язған иккинчи хәт 1:10

Әй қериндашлар, Худа силәрни Өзиниң муқәддәс хәлқи болушқа таллиди вә чақирди, шуниң үчүн силәр өз һаятиңларда буни испат­лашқа тиришиңлар. Мана шундақ қилсаңлар, һеч қачан ишәнч йоли­дин чәтнәп кәтмәйсиләр.

Юһанна язған биринчи хәт 3:22

Шундақла Худаниң әмирлиригә әмәл қилип, Уни хурсән қилидиған ишларни қилғанлиғимиздин, Униңдин тилигәнлиримизгә еришәләймиз.