फिलिप्‍पी 4:4 - ह्योल्‍मो

⁴ चो़वोकी छेनला नाहम-माना काहसो पेहतोङ। ङाह येहपाराङॱआङ माएँ, काहसो पेहतोङ।

फिलिप्‍पी 4:4 Cross References

मत्ती 5:12

ओहजेला ख्‍याया़ क़ेहनाङ पेहतोङ, काहसो पेहतोङ च्‍यिबेमाना ख्‍याया़गी तेहन्‍दाला स्‍यिहङगामला च्‍याहगा छ्यिम्‍बुज्‍यी ज़्‍या़दी येहबा। तोहङमा तोहङमागी लुहङतेम्‍बाया़लाॱआङ मिहया़गी दि रोहवा पेहतीराङ तुहक्‍पु तेर्ते येहकें” म़ेदी येशूगी सुङ नाङसीन।

ल़ेह-पेन 16:25

नुहप फेचेला फार पावल दाङ सिलास किन्‍ज्‍योला सोल्‍वाङ ताप्‍ती छ्ये़-लु लेहन्‍गेॱराङ त़ेरा फुल तेहती येहकें, ओहले चोन-खाङला येहकेन लेहमेन मिहया़दी ङ्यिहन तेहते येहकें।

ल़ेह-पेन 5:41

ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

रोमी 12:12

राहङ रेहवाला काहसो पेह, तुहक्‍पु-तुहङालला ना़स्‍यीङ छ्यिम्‍बु पेहतोङ, सोल्‍वाङ ताप्‍तेॱराङ तेहतोङ।

२ कोरिन्‍थी 6:10

ङ्यिह माहङबुराङ तुहक्‍पु ङ्युहङग्‍यो येहबा यिहॱनाङ ङ्यिह सेम काहसो पेहकें। ङ्यिह प्राङबु येहबा यिहॱनाङ मिह माहङबुला छ्युक्‍पु ज़ोएँ। ङ्यिह ङ्याम्‍बु च्‍यिॱआङ म़ेह यिहॱनाङ ना थाम्‍ज्‍यीराङ येह।

गलाती 1:8

का़हलेॱआङ ङ्यिहगी स्‍ये़क्‍योकी या़हबु लेहङगु म़ेदी फिर्च्‍या लेहमेनॱराङ स्‍ये़कु दु मासीमाना खुङला मे़मु सू़हज्‍यु ओ़ह स्‍यिहङगामकी स्‍याहप्‍च्‍यी यिहॱना़ यिहन ओ़ह ङ्यिह नाहङदीॱराङ यिहॱना़ यिहन।

फिलिप्‍पी 2:18

ओ़हठीॱराङ पेहती ख्‍याया़ॱआङ सेम काहसो पेहतोङ ओहले ङाह ङ्याम्‍बुराङ क़ेहनाङ पेहतोङ।

फिलिप्‍पी 3:1

ज्‍युक्‍स्‍योलला आदा-नो़ह दाङ आज्‍यी-नुहमुया़, चो़वोला ख्‍याया़ सेम काहसो पेहतोङ। ख्‍याया़ला ओ़ह तामया़ येहपाराङ लो़री क्‍याहप्‍ती प्रुहज्‍येला ङाह छेर्स्‍यी मेहबेएँ। दिगी ख्‍यागी यिह-छ्य़ेला थार च्‍य़ूगे।

१ पत्रुस 4:13

यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।