फिलिप्‍पी 3:6 - ह्योल्‍मो

⁶ स्‍युक तेन्‍गेन्‍की तेहन्‍दाला माज्‍ये मानानी थाम्‍ज्‍यी म़ेदी माहङबु छेन्‍छोकला तुहक्‍पु तेर्केन मिह ङाहराङ यिहन, टाहङदेनकी तेहन्‍दाला माज्‍ये माना छ्य़े-ठिम ची़दे किन्‍ज्‍योकी दिनला ठाबे सी़हक्‍यो मिहॱआङ ङाहराङ यिहन।

फिलिप्‍पी 3:6 Cross References

मत्ती 23:25

“ए छ्य़े-ठिमकी लोबेनया़ दाङ फरिसीया़! ख्‍याया़ काहजे छा़ तुहवा! ख्‍याया़ काहजे यिहन्‍दो तेन्‍गे मिहया़ दुबा। ख्‍याया़गी तेहर्मा दाङ फार्को फि ङो़लेनी ताहर्ती चाङमा ज़ोएँ, यिहॱनाङ नाहङ ङो़लेदी माहराप पेहती फ्रो़दी ख्‍योङग्‍यो से़हया़गी काङगे।

मत्ती 5:20

ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”

लूका 1:6

खुङ ङ्यिकागीराङ किन्‍ज्‍योगी ज़ी़दाङला डोलु-तेहलुया़ टाहङबु पेहको येहकें। खुङगी चो़वो छ्येवा किन्‍ज्‍योगी थाम्‍ज्‍यीराङ का दाङ ठिमया़ या़हबु पेहती ची़उ येहकें।

ल़ेह-पेन 21:20

दि तामया़ थे़सीम्‍बाराङ खुङगी किन्‍ज्‍योला थुज्‍यी-छ्ये़ फुल्‍सीन। ओहले खुङया़गी पावलला मासीन, “नो़ह, देला यहूदीया़ तोङरा तोङरागी चो़वो येशूला यिह-छ्य़े पेहती मोशागी नाङग्‍यो छ्य़े-ठिमॱलाङ ज्‍यिबुराङ छान्‍दी पेहती ची़उ येहबा।

ल़ेह-पेन 22:5

दि ङाहगी माक्‍योगी ताम तेहम्‍बाराङ यिहम्‍बानी मिहम्‍बा म़ेदी पूजाहारी गो-छ्येवा दाङ यहूदी गोबाया़गी सुङ थुप्‍च्‍ये येह। खुङ फे़बेया़गीराङ ङाहला दमस्‍कस क्‍याहसाला तेहकेन्‍गी यहूदी आदा-नो़हया़गी मिहनला यिहगी नाङसीन ओहले ओ़ह यिहगीला चो़वो येशूला यिह-छ्य़े पेहकेन्‍गी मिहया़ला जु़ङज्‍येला ङाहला ओङ ज़्‍योरक्‍यो येहकें। ओ़ह सोङबे खुङया़ला यरूशलेमला ख्‍योङदी ङ्य़ेहबा तेर्च्‍येला ङाह दमस्‍कसला डोॱराङ येहकें।

ल़ेह-पेन 26:5

ङाह तोहङले छ्य़े-ठिम छान्‍दी पेहती लोप्‍केन फरिसी छो़बागी मिह यिहन्‍गे। ओ़ह छ्य़े-ठिमलाॱराङ ची़दी ङाहगी मिहजी ताङगो येहकें। दि ताम माज्‍येराङ मानानी खुङ खुङराङगीॱआङ मा ख़ूएँ।

ल़ेह-पेन 8:3

ओहजेला शाऊलगीदी छेन्‍छोकला तोङ च्‍य़ूज्‍ये म़ेदी खाङबा-खाङबाला स्‍य़ूहदी क्‍येप-ख्‍योवाया़ दाङ पी़हमी-पेहजाया़ला टिहती ख्‍येर्ती चोन-खाङला लू़-तेर्को येहकें।

रोमी 7:9

ती़हजी च्‍यी़ला ङाहगी छ्य़े-ठिम माहन्‍ज्‍योर्पा येहकें ओहजेला ङाह सोम्‍बोराङ येहकें, यिहॱनाङ का़ ज्‍योर फान्‍ज्‍यो ओ़ह ङ्याम्‍बु-ङ्याम्‍बुराङ तिहक्‍पाॱआङ ओहङसीन, ओहले ङाह राहङती स्‍यिसीन।

१ कोरिन्‍थी 10:32

सुज्‍यीॱलाङ क्‍येन फो़गेन्‍गी ल़ेह माहबे, ओ़ह यहूदी यिहॱना़ यिहन, ग्रीक यिहॱना़ यिहन, किन्‍ज्‍योगी छेन्‍छोक यिहॱना़ यिहन।

१ कोरिन्‍थी 15:9

ल़ेह-पेनया़ नाहङला ङाह थाम्‍ज्‍यी म़ेदी फेमा यिहम्‍बा। यिहन्‍ज्‍ये नि ङाह ल़ेह-पेन सी़हएँगी मिहनी मिहम्‍बा यिहन्‍गे च्‍यिबेमाना ङाहगी किन्‍ज्‍योगी छेन्‍छोकला ज्‍यिबुराङ तुहक्‍पु तेर्ती येहकें।

फिलिप्‍पी 2:15

ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।

फिलिप्‍पी 3:9

ओहले ङाह मिहरो ल़ेहमुराङ काहल्‍ग्‍यो थोङज्‍यु। छ्य़े-ठिम ची़दे किन्‍ज्‍योकी दिनला ठाबे सी़हगेन ङाह राहङदीराङ टाहङदेन मिहन। यिहॱनाङ ता़ह किन्‍ज्‍योगीॱराङ ङाहला मास्‍यीकाला तेहपा नाङग्‍यो सोङबे ठाबे सी़ह च्‍य़ू नाङगे। दि टाहङदेन तेहपाला छ्या़दी येहबा।

१ तिमोथी 1:13

यिहन्‍ज्‍येनी ङाहगी तोहङले चो़वो येशूला ङ्याप्‍च्‍यु पेहसीन, तुहक्‍पु तेर्सीन ओहले स्‍ये़हन्‍डील पेहसीन। ओ़ह ती़हजीला ङाहगी चो़वो येशूला यिह मा़हछ्येबा येहकें ओहले दि थाम्‍ज्‍यी तामया़ ङाहगी ङोह मा़हस्‍येबा पेहती पेहक्‍यो सोङबे किन्‍ज्‍योगी ङाहला थुज्‍यी ज़ी़ नाङसीन।