फिलिप्‍पी 2:30 - ह्योल्‍मो

³⁰ च्‍यिबेमाना, मास्‍यीकाकी छ्या़लेकी तेहन्‍दाला स्‍याहप्‍तो स्‍युहएँमु नो़ह याहम्‍बीज्‍यीगी मिहम्‍बा स्‍यिवागी खाला छ्यि सिहन्‍ग्‍यो येहकें। ख्‍यागी ङाहती तेहन्‍दाला छाङबु पेह मा़हखुबाकी रो़हराम खोगी छाङबु पेहसीन।

फिलिप्‍पी 2:30 Cross References

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

रोमी 16:4

ङाहला थार च्‍य़ूज्‍येला खुङ ङ्यी़ ङाहती तेहन्‍दाला स्‍यिज्‍येलाॱआङ ठाबे काहल्‍सीन। ओ़ह सोङबे ङाहगी च्‍यी़राङ मिहम्‍बा, लेहमेन क्‍यिहपाकी थाम्‍ज्‍यी छेन्‍छोकया़गीॱआङ खुङया़ला थुज्‍यी-छ्ये़ फुल्‍सीन।

१ कोरिन्‍थी 15:53

च्‍यिबेमाना तोङदी डोएँगी ल़ेहनाङया़गी ता़ह नाहमॱआङ मेहतोङगेन्‍गी ल़ेहनाङया़ ल़ेहन कोहएँ ओहले दि स्‍यिदी डोएँगी ज़ुबुगी ता़ह नाहमॱआङ मिहस्‍यीएँगी ज़ुबु ल़ेहन कोहएँ यिहम्‍बा।

१ कोरिन्‍थी 16:10

तिमोथी ख्‍यासाला ओहङगेमु खोला च्‍यि से़हदीॱआङ ज्‍यिक्‍पा मेहयोहङगे छ्याप्‍स्‍यी पेहती ख्‍याया़गी खोला तेहसा ग्‍या़ तेर्तोङ। च्‍यिबेमाना खोगीॱआङ ङाहगी ल़ेहमुराङ चो़वोगी छ्या़लेया़ पेहकेनॱराङ येहबा।

१ कोरिन्‍थी 16:17

स्‍तिफनास, फोर्टुनाटस दाङ अखाइकस ओहङगेमु ङाह ज्‍यिबुराङ क़ेहनाङ लाहङसीन च्‍यिबेमाना ख्‍याया़ म़ेहबा ती़हजीला खुङया़गी ङाहला रो़हराम पेह तेर्सीन।

२ कोरिन्‍थी 12:15

ख्‍याया़गी तेहन्‍दाला ङाह ना थाम्‍ज्‍यीराङ से़हया़ क़ेहनाङ पेहती तेर्के, ओहले राहङगी ज़ुबुराङ तेर कोहएँ माॱनाङ तेर्कें। का़हलेॱआङ ङाहगी ख्‍याया़ला चेवा माहङबु पेहसीमाना च्‍यि ख्‍यागी ङाहलादी चेवा ङ्ये़हमु पेहकें ले?

२ कोरिन्‍थी 4:12

दि ल़ेहमु पेहती स्‍यिवागी ङ्यिहगी पाहरक्‍यीला ल़ेह पेहक्‍यो येहबा, ओ़हठीॱराङ पेहती मिहलीगीदी ख्‍याया़गी पाहरक्‍यीला ल़ेह पेहकेनॱराङ येहबा।

फिलिप्‍पी 2:17

का़हलेॱआङ ख्‍यागी फुल्‍ग्‍यो यिह-छ्य़ेकी मार्च्‍येला ङाहतीॱआङ ठा़ मार्च्‍ये ल़ेहमुराङ पेहती फुल्‍दी स्‍याहल च्‍य़ू कोहॱनाङ ङाहला काहसो येह, ओहले ङाह ख्‍या थाम्‍ज्‍यी ङ्याम्‍बु क़ेहनाङ पेहकें।

फिलिप्‍पी 2:27

तेहम्‍बाराङ खो ज्‍यिबुराङ ने़हदी स्‍यिज्‍येॱराङ पेहती येहकें। यिहॱनाङ किन्‍ज्‍योगी खोला थुज्‍यी ज़ी़ नाङसीन। खोला च्‍यी़राङ मिहम्‍बा, यिहॱनाङ ङाहगी तुहङाल थो़ला लेहमेन तुहङाल खुर माहकोहज्‍यु म़ेदी किन्‍ज्‍योगी ङाहॱलाङ थुज्‍यी ज़ी़ नाङसीन।

फिलिप्‍पी 4:10

चो़वोला ङाहती सेम ज्‍यिबुराङ काहसो येह। ङ्यिहमा माहङबुराङ तिङले येहपाराङ ङाहला चारा पेहच्‍येला ख्‍याया़ला लोहङ ज्‍योर्सीन। दि माक्‍योगी तेहन्‍दादी ङाहला ख्‍यागी चारा माहबे म़ेदी माक्‍योती मिहम्‍बा यिहॱनाङ चारा पेहच्‍येला ख्‍याला लोहङ माहन्‍ज्‍योर येहकें।

फिलिप्‍पी 4:18

ङाहगी ज्‍योर कोहएँ म़ेदी माहङबु ज्‍योर्ती येह। ख्‍यागी इपाफ्रोडिटसकी लाहक्‍पाला ताङग्‍यो डेल्‍बाया़ ज्‍योर्ती ङाह दाङस्‍यी काहल्‍दी येह। दि डेल्‍बा तेर्ती ख्‍यागी किन्‍ज्‍योला थु काहसो ज़ोएँगी छ्येपा फुल्‍सीन, दि डेल्‍बा किन्‍ज्‍योला टिहमा स्‍यिहम्‍बु खाएँगी स्‍युक्‍पा फुल्‍ग्‍यो ल़ेहमुराङ काहल्‍सीन।

फिलेमोन 1:13

खोला ङाह ङ्याम्‍बुराङ ज़्‍या़ज्‍येला ङाह क़ेहनाङ लाहङज्‍ये येहकें, च्‍यिबेमाना लेहङगु या़हबुगी पेहती ङाह चोन-खाङला छ्यिक्‍यो ती़हजीला ख्‍येगी छापला खोगी ङाहला स्‍याहप्‍तो स्‍युह ख़ूज्‍ये येहकें।

ज्‍याल्‍गा 12:11

ल़ूह स्‍ये़बुकी ठा़गी, खुङया़गी प्रा साल्‍ग्‍यो तेहन्‍दामकी सुङगी ओहले खुङया़ स्‍यिज्‍येलाॱआङ ठाबे काहल्‍ग्‍यो सोङबे खुङया़गी खोला क्‍याहल सिहन्‍दी येह।