फिलिप्‍पी 2:22 - ह्योल्‍मो

²² यिहॱनाङ तिमोथी मिह काह-ठि यिहम्‍बा म़ेदीनी ख्‍याया़ला क्‍यी़ह येह। पुहगी आबाला स्‍याहप्‍तो स्‍युहक्‍यो ल़ेहमु खोगी ङाह ङ्याम्‍बु या़हबु लेहङगु स्‍येकेन्‍गी ल़ेहला रो़ह पेहसीन।

फिलिप्‍पी 2:22 Cross References

ल़ेह-पेन 16:2

लुस्‍त्रा दाङ आइकोनियन क्‍याहसाकी आदा-नो़ह थाम्‍ज्‍यीगीराङ तिमोथीला मिह या़हबु यिहन म़ेदी चा़ पेहको येहकें।

रोमी 5:4

तुहक्‍पु ना़ ख़ूएँ ओङगी ओहराङगी पेहताङया़ला या़हबु ज़ोएँ, ओहले या़हबु पेहताङगी ओहराङला रेहवा क्‍ये च्‍य़ूगे।

१ कोरिन्‍थी 16:10

तिमोथी ख्‍यासाला ओहङगेमु खोला च्‍यि से़हदीॱआङ ज्‍यिक्‍पा मेहयोहङगे छ्याप्‍स्‍यी पेहती ख्‍याया़गी खोला तेहसा ग्‍या़ तेर्तोङ। च्‍यिबेमाना खोगीॱआङ ङाहगी ल़ेहमुराङ चो़वोगी छ्या़लेया़ पेहकेनॱराङ येहबा।

१ कोरिन्‍थी 4:17

ओ़ह सोङबे तिमोथीला ख्‍यासाला ताङगेराङ येहबा। खो चो़वोला ङाहगी च्‍याहम्‍बु दाङ यिह-छ्य़ेबुगी पुह यिहम्‍बा। ङाहगी थाम्‍ज्‍यी ग्‍या़या़गी छेन्‍छोकया़ला लोप्‍क्‍यो ल़ेहमुराङ मास्‍यीकाला ङाहगी मिहली काह-ठि येहकें, ओ़ह खोगी ख्‍याया़ला टेहम्‍बा साल च्‍य़ूज्‍ये येह।

२ कोरिन्‍थी 2:9

ङाहगी माक्‍योगी तामया़ ख्‍याया़गी ङ्यिहङगु दुनी मिहङ्यीहन्‍गु दु म़ेदी ङ्याहम च्‍येच्‍येलाॱराङ ङाहगी ख्‍याया़ला ओ़ह यिहगी प्रुहक्‍यो येहकें।

२ कोरिन्‍थी 8:22

ओहले खुङ ङ्याम्‍बु ङ्यिहती लेहमेन नो़ह च्‍यी़ॱलाङ ताङगेराङ येहबा, खोला ङ्यिहगी लेहमा माहङबुराङ ङ्याहम च्‍येती रेबेॱराङ तामला स्‍युक क्‍येक्‍यो थोङसीन। ख्‍या ङ्याम्‍बु येहकेन्‍गी खोती यिह-छ्य़े छ्यिम्‍बुगी पेहती खो तोहरोङ माहङबु स्‍युक काहल्‍दी येहबा।

२ कोरिन्‍थी 8:24

ख्‍यागी खुङया़ला राहङगी चेवा पेहक्‍योकी दास्‍यी तेर्तोङ ओहले ङ्यिहगी च्‍यिबे खुङया़गी तेहन्‍दाला छ्य़ेन्‍दो तेन्‍ग्‍यो दुबा माएँ ताम छेन्‍छोकगी थोङज्‍ये येह।

२ कोरिन्‍थी 8:8

ङाहगी दि ख्‍याया़ला पेहॱराङ कोहएँ म़ेदी का तेरक्‍यो मिहम्‍बा, यिहॱनाङ लेहमेन छेन्‍छोकया़की स्‍युक ङ्याम्‍बु तुहर्ते ख्‍याया़गी चेवाॱआङ तेहम्‍बा-तेहन्‍सुम यिहम्‍बा म़ेदी दास्‍यी तेर्च्‍येला ङाहगी दि माक्‍यो यिहम्‍बा।

फिलिप्‍पी 1:12

आदा-नो़ह दाङ आज्‍यी-नुहमुया़, ख्‍याया़गी दि ताम ह्‍अ कोहज्‍यु माएँ ङाहती सेम्‍बा येहबा। ङाह थो़ला बाप्‍क्‍यो तामया़गी तेहम्‍बाराङ या़हबु लेहङगुला याहरक्‍यी ख्‍येर्च्‍येला रो़हदी पेहती येह।

फिलिप्‍पी 1:16

च्‍यिबेमाना किन्‍ज्‍योगी ङाहला या़हबु लेहङगु स्‍येच्‍येलाॱराङ कुल नाङग्‍यो यिहम्‍बा म़ेदी क्‍यी़ह येहकेया़गीदी ङाहला च्‍याहम्‍बा पेहती खुङया़ला सेम यिहन्‍ज्‍युराङ दि ल़ेह पेहकें।

फिलिप्‍पी 1:5

च्‍यिबेमाना ख्‍याया़गी ङाहला या़हबु लेहङगु स्‍येकेन्‍गी ल़ेहला छ़ूगे ङ्यिहमा यिहन्‍ज्‍यु ताहन्‍दा थु रो़हराम पेहतीराङ येहबा।

फिलिप्‍पी 1:7

ख्‍याया़ला नाहम-माना ङाहगी सेम नाहङला ज़्‍या़दी येह। दि ल़ेहमु पेहच्‍येला ङाहला ठाबे ऩेसीन च्‍यिबेमाना ताहन्‍दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्‍याया़गी ङाहला या़हबु लेहङगु स्‍येकेन्‍गी ल़ेहला ओहले दिला सी़दे ज़्‍या़ज्‍येला किन्‍ज्‍योगी नाङग्‍यो दि थाम्‍ज्‍यी काटीनला ख्‍याया़ ङाह ङ्याम्‍बुराङ पी़मा काहल्‍दी येह।

फिलिप्‍पी 2:20

च्‍याहङज्‍यु सेम्‍बा थो़दी ख्‍याला तुहङाल पेहकें तिमोथी मिहम्‍बानी ङाह ङ्याम्‍बु लेहमेन सुॱआङ म़ेह।

१ तिमोथी 1:18

त़ेदोङ, ङाहगी पुह तिमोथी, माहङबुराङ तोहङले ख्‍येगी तेहन्‍दाला किन्‍ज्‍यो ङो़ले सुङ नाङग्‍योकी स्‍याहलला ल़ेहमु पेहती ख्‍येला दि ल़ेहया़ चि क्‍याहप्‍केराङ येहबा। ख्‍येगी मा़ या़हबु क्‍याहप्‍तोङ।

१ तिमोथी 1:2

यिह-छ्य़ेला ङाहगी तेहन्‍दामकी पुह तिमोथीला प्रुहएँॱराङ येहबा। किन्‍ज्‍यो याहप दाङ ओहराङगी चो़वो मास्‍यीका येशूगी ख्‍याया़ला काटीन, थुज्‍यी दाङ स्‍य़िहदे नाङज्‍यु।

१ तिमोथी 4:6

का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

२ तिमोथी 1:2

ङाहगी च्‍याहम्‍बु पुह तिमोथीला दि यिहगी प्रुहएँॱराङ येहबा। किन्‍ज्‍यो याहप दाङ ओहराङगी चो़वो येशू मास्‍यीकागी ख्‍येला काटीन, थुज्‍यी दाङ स्‍य़िहदे नाङज्‍यु।

२ तिमोथी 3:10

ता़हनी ख्‍येगी ङाहगी लुहङ, ङाहगी डोलु-तेहलु, ङाहगी मिहलीकी सेम्‍बाया़, ङाहगी यिह-छ्य़े, ङाहगी ना़स्‍यीङ छ्यिम्‍बु, ङाहगी चेवा, ङाह सेम थिर पेहती तेहक्‍यो थोङदी येह।

तीतस 1:4

ङ्यिह यिह-छ्य़े च्‍यी़ला येहकेन्‍गी ङाहती तेहन्‍दामगी पुह तीतसला दि यिहगी प्रुहएँॱराङ येहबा। किन्‍ज्‍यो याहप दाङ ओहराङला थार्पा नाङगेन्‍गी मास्‍यीका येशूगी ख्‍याया़ला काटीन दाङ स्‍य़िहदे नाङज्‍यु।