फिलिप्पी 2:2 - ह्योल्मो2 ओ़हठी यिहन्सीमाना ख्याया़ सेम च्यी़, लो च्यी़ डी़दी तेहतोङ ओहले चेवा च्यी़ला तेहतोङ ओहले तेहन्दा च्यी़लाॱराङ डी़दी ङाहला क़ेहनाङ लाहङ च्य़ूदोङ म़ेदी ङाह ख्याया़ला ओहर-छ्य़े स्युहउ येह। See the chapter |
फिलिप्पी 2:2
28 Cross References
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
खो ओहङग्यो सोङबे च्यी़राङ मिहम्बा, यिहॱनाङ तीतसगी ख्याया़ लाहमले ज़्योरक्योगी सेम लो तेहमुगी पेहती ङ्यिहगी सेम लो तेहमु काहल्सीन। ङाह ङ्याम्बु थू़ज्ये म़ेदी ख्याया़ ज्यिबुराङ सेम्बा पेहकु दु माएँ ताम ङ्यिहगी तीतस लाहमले क्यी़ह ज्योर्सीन। ङाहगी तेहन्दाला ख्याया़ ज्यिबुराङ ङ्याहङेन पेहकु दु लो ओहले तुहङालॱआङ पेहकु दु लो माएँ ताम थे़गेमु ङाह ज्यिबुराङ सेम काहसो काहल्सीन।
चो़वोगी चेवा जे नाङग्योकी आदा-नो़ह दाङ आज्यी-नुहमुया़, राहङ फ़ेबे-म़ेहमेया़गी तेहन्दाला ङ्यिहगी नाहम माॱनाङ किन्ज्योला थुज्यी-छ्ये़ फुलॱराङ कोहएँ च्यिबेमाना तोहङ यिहन्ज्युराङ नाम्पार-ताहक्पा थुगी टाहङबु ज़ोएँगी ल़ेह लाहमले ओहले तेहन्दामकी स्याहल थो़ला तेहपा पेहती थार्च्येला किन्ज्योगी राहङ फ़ेबे-म़ेहमेया़ला दाम नाङसीन।
Advertisements