फिलिप्‍पी 2:16 - ह्योल्‍मो

¹⁶ मिहली तेर्केन्‍की सुङला सान्‍दी पेहती ज़ुङदी ज़्‍यो़। च्‍यिबेमाना ङाह स्‍यिती काम्‍बुला माहछ्यो़ङ ओहले ङाहगी स्‍यिती काम्‍बुला ल़ेह तुहक्‍पु माहबे म़ेदी मास्‍यीका फेप नाङगेन्‍गी ङ्यिहमाला ङाहगी छ्य़ेन्‍दो तेन ख़ूज्‍यु।

फिलिप्‍पी 2:16 Cross References

मत्ती 10:27

ङाहगी ख्‍याया़ला ना़-जुबेला माक्‍योगी ताम ख्‍याया़गी क्‍या-साङेला थाम्‍ज्‍यीला स्‍ये तेर, ओहले नाम्‍ज्‍योला खाजुम्‍बा पेहती स्‍येक्‍योगी तामया़ खाङबागी किल्‍दुङले थाम्‍ज्‍यीला फे़रा तेन्‍दी ख्‍येप्‍टा ताङदोङ।

लूका 12:8

“ङाहगी ख्‍याला माएँ सुगी ङाहला मिहया़गी दिनला ङाहती चो़वो छ्येवा म़ेदी माएँ ओ़हदीला ङाह मिहगी स़ेबुगीॱआङ स्‍यिहङगामकी स्‍याहप्‍च्‍यीगी दिनला खो ङाहती यिहन म़ेदी माज्‍ये येह।

यूहन्‍ना 6:63

मिहली नाङगेन्‍दीनी थुराङ यिहन, ज़ुबु लाहमलेनी च्‍यिॱआङ खेप्‍साङ मेहयोहङगे। ङाहगी ख्‍याया़ला माक्‍योगी ताम थु दाङ मिहली यिहन।

यूहन्‍ना 6:68

ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

ल़ेह-पेन 13:26

अब्राहामगी क्‍यिहकी छार्क्‍यीन, इस्राएली आदा-नो़हया़ दाङ किन्‍ज्‍योला ज्‍यिक्‍पा पेहकेन लेहमेन क्‍यिहपागी ङ्येन्‍जेन-ङ्येहवाया़ दि थार्पागी लेहङगु ओहराङ थाम्‍ज्‍यीगी तेहन्‍दाला किन्‍ज्‍योगी ताङ नाङग्‍यो यिहम्‍बा।

१ कोरिन्‍थी 1:8

ओहराङ चो़वो येशू मास्‍यीका फेप नाङगे ङ्यिहमु ख्‍या ङ्य़ेहबा-छ्यू़बा म़ेहबा ओहङज्‍यु म़ेदी मिहरोगीॱराङ ख्‍याला तिङस्‍यो ङ्यिहमा थु थिक-चि पेहती ज़्‍या़ नाङज्‍ये येह।

१ कोरिन्‍थी 9:26

ओ़ह सोङबे ङाह मी़ मा़हतेबा पेहती मे़हछ्योङ। ङाह ल्‍हा़बाला ओ़दुम मेहक्‍याहप।

गलाती 2:2

किन्‍ज्‍योगी ङाहला ज्‍याल्‍गा नाङग्‍यो सोङबे ङाह यरूशलेमला काहल्‍सीन, ओहले ङाहगी ओ़ह ग्‍या़गी गोबाया़ला च्‍यी़राङ खाजुम्‍बाला क़े क्‍याहप्‍ती ङाहगी लेहमेन क्‍यिहपाकी मिहया़ला स्‍ये़क्‍योकी या़हबु लेहङगुॱराङ या़हबु पेहती प्रा साल्‍सीन। च्‍यिबेमाना ङाहगी पेह सिहन्‍ग्‍यो दाङ पेह तेहक्‍योकी ल़ेहया़ स्‍यिती काम्‍बुला थोरो डोनी म़ेदी ङाहला ज्‍यी़सु येहकें ओ़ह सोङबे ङाहगी ओ़ह ल़ेहमु पेहक्‍यो यिहम्‍बा।

गलाती 4:11

ख्‍यागी तेहन्‍दाला ङाहगी कादुप च्‍येती पेहक्‍योकी ल़ेहया़ स्‍यिती काम्‍बुला थोरो काहल्‍बा नि म़ेदी ङाहला ज्‍यिबुराङ तुहङाल लाहङगेॱराङ येहबा।

फिलिप्‍पी 1:10

दिठी पेहती ख्‍याया़गी का़हन्‍दी ल़ेह या़हबु येहबा ओ़ह खा फे़ ख़ूज्‍यु, ओहले मास्‍यीका फेप नाङगेन्‍गी ङ्यिहमाला ख्‍याया़ चाङमा दाङ च्‍यिॱआङ क्‍येन म़ेहबा पेहती तेह ख़ूज्‍यु।

फिलिप्‍पी 1:6

किन्‍ज्‍योगी ख्‍याया़गी पाहरक्‍यीला छ्या़ले या़हबुज्‍यी छ़ू नाङसीन, ओहले मिहरोगीॱराङ येशू मास्‍यीकाकी ङ्यिहमाला ओ़ह तेहन्‍दा डुप च्‍य़ू नाङज्‍ये येह।

१ थेसलोनिकी 2:19

ता़ह ओहराङगी चो़वो येशू फेप नाङगेन्‍गी ती़हजीला ङ्यिहगी रेहवा, काहसो, चा़ जेती नाङगेन्‍गी पेस्‍यो च्‍यि माॱनाङ ख्‍या फे़बे-मे़हमेया़ॱराङ यिहन मिहम्‍बा ले?

१ थेसलोनिकी 3:5

ओ़ह सोङबे ङाहगी ना़ॱराङ मा़हखुबा सोङबे ङ्याहम्‍छेला छ्यि च्‍य़ूगेया़गी ख्‍या फे़बे-मे़हमेया़लाॱआङ ङ्याहम्‍छेला छ्यि च्‍य़ूबा नि म़ेदी ओहले ङ्यिहगी कादुप च्‍येक्‍योदी स्‍यिती काम्‍बुला थोरो डोएँ ज्‍यी़सुगी ख्‍या फ़ेबे-म़ेहमेया़गी यिह-छ्य़े क्‍यी़ह ज्‍योर्च्‍येला ङाहगी तिमोथीला ताङग्‍यो यिहम्‍बा।

हिब्रू 4:12

च्‍यिबेमाना किन्‍ज्‍योगी सुङ सोम्‍बो येह ओहले दिगी छ्या़ले जे नाङगेराङ येहबा। ओहले दि, खा ङ्यी़ येहकेन्‍गी पादाङ म़ेदीॱआङ नोम्‍बु येहबा। ओहले दिगी सो दाङ नाम्‍स्‍यीला ओ़हगी छी़ दाङ रेहको नाहङगी काङ थु तोल्‍गे ओहले सेम नाहङगी तामया़ दाङ सेम्‍बाया़ला दिगी ङ्याहम च्‍येती ताएँ।

१ पत्रुस 1:23

किन्‍ज्‍योकी सोम्‍बो दाङ नाहमॱआङ मेहतोङगेन्‍गी सुङ लाहमले ख्‍याया़ येहपाराङ साम्‍बा पेहती क्‍येदी येह। ख्‍याया़ तोङदी डोएँगी छार्क्‍यीनया़ मिहम्‍बा, यिहॱनाङ ख्‍यानी नाहमॱआङ तोङदी मेहन्‍डोएँगी छार्क्‍यीनया़ गा यिहम्‍बा।

१ यूहन्‍ना 1:1

छ़ू नाङगे यिहन्‍ज्‍युराङ येहकेन, ङ्यिहगी थे़क्‍यो ओहले राहङ मी़गीराङ थोङग्‍यो, ओहले ङ्यिहगी या़हबु पेहती तासीन ओहले ङ्यिहगी राहङ लाहक्‍पागीॱराङ दे़सीन। ओ़ह मिहली नाङगे सुङगी तेहन्‍दालाराङ ताहन्‍दा ङ्यिह ख्‍याया़ला दि यिहगी प्रुहएँॱराङ येहबा।

ज्‍याल्‍गा 22:17

नाम्‍पार-ताहक्‍पा थु दाङ नामा साम्‍बागी दि ल़ेहमु सुङ नाङगु दु, “फेप नाङदोङ।” सुगी ङ्यिहन्‍गे खोगी माज्‍यु, “फेप नाङदोङ।” सु कोम्‍गे खो ओहङज्‍यु, ओहले सुगी सेम्‍बा पेहकें खोगी मिहलीगी छ्यु आहन्‍डाराङ थुङज्‍यु।