फिलिप्पी 2:13 - ह्योल्मो13 च्यिबेमाना किन्ज्योगी ख्यागी पाहरक्यीला नाहम-माना छ्या़ले जे-नाङदी येह। मिहरोगी थु-सेम जे नाङग्योकी छ्या़लेया़ तेहन्दा डुप च्य़ूज्येला मिहरोगीॱराङ ख्याया़ला सेम्बा दाङ ओङ नाङगे। See the chapter |
फिलिप्पी 2:13
39 Cross References
यिहॱनाङ ओ़ह जाउँले पुह ङ्यी़ आमाकी फोवा नाहङला येहकेंमु ओहले खुङ ङ्यी़गी च्यिरा या़हबु चोक्पा ल़ेह पेहकें म़ेदी तोहङलेराङ किन्ज्योगी जाउँले पुह ङ्यी़ नाहङला च्यी़ला दाम नाङदी रिबेकाला सुङ नाङसीन, “आदादीगी नो़हला स्याहप्तो स्युहज्ये येह।” किन्ज्योगी सुङ नाङग्यो ल़ेहमुराङ छ्य़ेला दि ल़ेहमु प्री़हदी येहबा, “ङाहगी याकूबला चेवा पेहसीन ओहले एसावलाती क्युक्टो पेहसीन।” दि ल़ेहमु जेती किन्ज्योगी मिहया़की ल़ेहला ज़ी़दी दाम मेहनाङगे यिहॱनाङ मिहरोगी थुला ठुङग्यो ल़ेहमु जे नाङगे सुङदी किन्ज्योगी थिउ-निउ जे नाङसीन।
यिहॱनाङ ताहन्दा ङाह काह-ठि येहबा, ओ़ह थाम्ज्यी किन्ज्योगी काटीनगीॱराङ यिहम्बा ओहले मिहरोगी ङाहगी मिहजीला जे नाङग्योकी काटीन स्यिती काम्बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्पु पेहसीन। यिहॱनाङ ङाहगी मिहम्बा, ङाह ङ्याम्बु ज़्य़ू नाङगे किन्ज्योगी काटीनगी यिहम्बा।
ओ़ह सोङबे किन्ज्योगी का़हन्दी मिहलीगी तेहन्दाला ख्या फ़ेबे-म़ेहमेया़ला क़े क्याहप नाङग्यो यिहम्बा, ओ़ह मिहलीला ते़बे राहङगी मिहजी ताङज्येला सी़हएँगी मिहया़ ज़ो नाङज्यु ओहले राहङ फ़ेबे-म़ेहमेया़गी सेमला या़हबु ऩेक्योगी थाम्ज्यीराङ से़हया़ दाङ तेहपागी छ्या़लेया़ किन्ज्योकी ओङगी जेतीॱराङ तेहन्दा डुप च्य़ू नाङज्यु।
Advertisements