फिलिप्पी 1:27 - ह्योल्मो27 चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु। See the chapter |
फिलिप्पी 1:27
53 Cross References
लेहमेन क्यिहपाया़गी तेहन्दाला किन्ज्योगी ङाहला मास्यीका येशूला स्याहप्तो स्युहएँकी मिह ज़ो नाङसीन। लेहमेन क्यिहपाकी मिहया़ नाम्पार-ताहक्पा थु लाहमले चाङमा काहल्दी किन्ज्योकी थु ङ्ये़बाकी डेल्बा ओहङ ख़ूज्यु म़ेदी मिहरोगी ङाहला राहङदी या़हबु लेहङगु स्येच्येला पूजाहारीगी ल़ेहया़ चि क्याहप नाङसीन।
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
ए ङाहगी च्याहम्बु रो़हया़, ङाह ख्या ङ्याम्बु येहकेंमु ख्याया़गी नाहम-माना ङाहती तामया़ ङ्यिहन्सीन, यिहॱनाङ ता़ह ङाह ख्यालेगी था़-रिहङबु येह ङाह ख्या ङ्याम्बु मे़हॱनाङ ङाहती तामया़ जेन माहङबु पेहती ची़दोङ ओहले किन्ज्योकी ज्यिक्पा खुर्तोङ, दार्ती राहङगी ज़्योरक्यो थार्पाकी ल़ेह छाङबु पेहच्येला तुहक्पु पेहतोङ।
यिहॱनाङ ताहन्दा तिमोथी ख्या फ़ेबे-म़ेहमेॱया साले पेहती ङ्यिहसाला लो़ह लेप्सीन। ओहले तिमोथीगी ख्या फ़ेबे-म़ेहमेया़गी चेवा दाङ तेहपागी तेहन्दाला ज्यिबुराङ या़हबु लेहङगु नोम फेप्सीन। ङ्यिहगी ल़ेहमुराङ ख्या फ़ेबे-म़ेहमेया़गीॱआङ ङ्यिहला टेहम्बा साल्दी थुज्येला ज्यिबुराङ सेम्बा जे नाङग्यो दुबा।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
ए च्याहम्बु रो़हया़, ओहराङ थाम्ज्यीगी ज्योरक्योकी थार्पाकी तेहन्दाला ख्या फ़ेबे-म़ेहमेया़ला दि यिहगी प्रुहज्येला ङाहला ज्यिबुराङ या़हबु ने़क्यो येहकें यिहॱनाङ ताहन्दा ओ़हगी छापला किन्ज्योकी स़ेबु-स़ेमुया़ला नाहम्स्यी किन्दुकी तेहन्दाला चि क्याहप नाङग्योकी तेहपाला सी़दे ज़्या़दोङ म़ेदी मा कोहच्ये ल़ेहमु च्यी़ गा ङाहगी सेमला ऩेसीन।
Advertisements