फिलिप्‍पी 1:25 - ह्योल्‍मो

²⁵ ङाहला दि या़हबु पेहती क्‍यी़ह येह। ओ़ह सोङबे ख्‍याया़ला यिह-छ्य़ेला याहरक्‍यी डो च्‍य़ूज्‍येला ओहले काहसो डो च्‍य़ूज्‍येला ङाह सोम्‍बोराङ लिहच्‍ये येह ओहले ख्‍या थाम्‍ज्‍यी ङ्याम्‍बु तेहच्‍ये येह,

फिलिप्‍पी 1:25 Cross References

लूका 22:32

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।

ल़ेह-पेन 11:23

एन्‍टिओखियाला लेप्‍केमु किन्‍ज्‍योगी ओ़ह मिहया़ला थुज्‍यी ज़ी़दी मेलाम नाङग्‍यो थोङदी बारनाबास ज्‍यिबुराङ क़ेहनाङ पेहसीन। ओहले खोगी खुङया़ला चो़वोला राहङ सेम तिहङ यिहन्‍ज्‍युराङ यिह छ्य़ेदोङ म़ेदी आ़र क्‍ये च्‍य़ूसीन।

ल़ेह-पेन 14:22

ओहले खुङ ङ्यी़गी ओ़ह ग्‍या़ला येहकेन्‍गी चो़वो छ्येवागी स्‍याहप्‍च्‍यीया़ला यिह-छ्य़ेला सान्‍दी ज़ोएँॱराङ किन्‍ज्‍योला यिह छ्य़ेदी तेहच्‍येला स्‍युक क्‍ये च्‍य़ूसीन। सेमले खाल्‍दी थिक-चि पेहती तेहच्‍येला आ़र क्‍ये च्‍य़ूसीन। किन्‍ज्‍योगी क्‍याहल्‍सीला लेप्‍कें म़ेदी तोहङले ओहराङगी माहङबुराङ तुहक्‍पु खुर कोहज्‍ये येह म़ेदी लोप्‍ताम क्‍याहप्‍सीन।

ल़ेह-पेन 20:25

ता़ह ज़ी़-नाङदोङ, राहङ फे़बेया़गी पाहरक्‍यीला ङाहगी किन्‍ज्‍योगी क्‍याहल्‍सीगी तेहन्‍दाला प्रा साल्‍दी ओहङदीराङ येहबा, ता़ह ओहराङ नाहमॱआङ थु मिहङ्युहङ म़ेदी ङाहला क्‍यी़ह येहबा।

रोमी 15:13

रेहवा नाङगे किन्‍ज्‍यो थो़ला ख्‍याया़गी यिह छ्य़ेदी येह। मिहरोगीॱराङ ख्‍याया़ला सेम काहसो दाङ स्‍य़िहदे नाङज्‍यु। ओ़हठीॱराङ पेहती नाम्‍पार-ताहक्‍पा थुगी ओङगी ख्‍यागी रेहवा तोहरोङ माहङबु माहङबु पेहती डो ख़ूज्‍यु।

रोमी 15:18

मास्‍यीकागी ङाहती मिहजी लाहमले जे नाङग्‍योकी छ्या़लेगी तेहन्‍दाला च्‍यी़राङ माज्‍येला ङाह आ़र पेहको येह। किन्‍ज्‍योकी काया़ ची़ च्‍य़ूज्‍येला ङाहगी लेहमेन क्‍यिहपाकी मिहया़ला किन्‍ज्‍योकी सुङया़ प्रा साल्‍दी ओहले ल़ेहया़ पेहती माॱराङ लोप सिहन्‍दी येह।

रोमी 15:29

ङाह ख्‍यासाला ओहङगेमु मास्‍यीकाकी नाङगे मेलामगी काहङदी ओहङज्‍ये येह।

रोमी 5:2

चो़वो येशूगी ओहराङला तेहपा लाहमले किन्‍ज्‍योकी काटीनला नोम फेप नाङदी येह। ताहन्‍दा ओहराङ ओ़ह काटीनलाॱराङ लाहङदी येहबा। ओहले किन्‍ज्‍योगी ज़िज्‍यिद छ्यिम्‍बु नोम्‍गेमु ओहराङॱआङ मिहरो ङ्याम्‍बुराङ ओहङज्‍ये येह माएँ रेहवाला क़ेहनाङ पेहकें।

२ कोरिन्‍थी 1:24

ख्‍याया़गी तेहपा थो़ला ङ्यिह ओङ मे़हछ्येएँ, यिहॱनाङ ख्‍याया़गी काहसोगी तेहन्‍दाला ख्‍याया़ ङ्याम्‍बु डी़दी ल़ेह पेहकें। च्‍यिबेमाना राहङगी तेहपाला ख्‍याया़ सान्‍दी पेहती तेहती येहबा।

फिलिप्‍पी 1:24

यिहॱनाङ ख्‍याया़गी तेहन्‍दालाती ङाह थार्केतीॱराङ या़हबु यिहम्‍बा।

फिलिप्‍पी 2:24

चो़वोकी थुला येहसीमाना, ङाहॱआङ ग्‍यो़बाराङ ओहङज्‍ये म़ेदी रेहवा पेहती येह।

फिलेमोन 1:22

ओहले दि ङ्याम्‍बु-ङ्याम्‍बुराङ ङाहगी तेहन्‍दाला डोम्‍बो तेहकेन्‍गी कोठा च्‍यी़ॱआङ ठाबे पेह ज़्‍यो़, च्‍यिबेमाना ख्‍येती सोल्‍वाङ लाहमले ङाहॱआङ ख्‍येसाला ओहङ ख़ूएँनी म़ेदी रेहवा पेहको येह।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।