फिलिप्‍पी 1:14 - ह्योल्‍मो

¹⁴ ङाह चोन-खाङला छ्यिक्‍यो सोङबे माहङ-छ्येवा नो़हया़ चो़वोला सान्‍दी काहल्‍दी येह, ओहले खुङ ज्‍यिक्‍पा म़ेहबा पेहती या़हबु लेहङगु स्‍येच्‍येला स्‍युक क्‍ये़दी येह।

फिलिप्‍पी 1:14 Cross References

मर्कूस 3:3

ओहले येशूगी लाहक्‍पा काम्‍ग्‍योगी मिहला, “ख्‍ये लाहङदी देला स्‍यो!” म़ेदी सुङ नाङसीन।

लूका 1:74

ओहले ओहराङला टाहगी लाहक्‍पालेगी थार च्‍य़ू नाङज्‍ये येह।

२ कोरिन्‍थी 3:12

ओ़ह सोङबे ङ्यिहती दि ल़ेहमु रेहवा येहकें सोङबे ङ्यिह तेहन्‍दामकी तामया़ स्‍येच्‍येला मी़हज्‍यी़एँ।

२ कोरिन्‍थी 7:4

ङाहती ख्‍याया़ थो़ला ज्‍यिबुराङ छ्यिम्‍बु रेहवा येहबा। ख्‍यागी तेहन्‍दाला ङाह छ्य़ेन्‍दो तेन्‍गे। ख्‍याया़गी पेहती ङाहती सेम ज्‍यिबुराङ याहङदी काहल्‍दी येहबा। ङ्यिहती थाम्‍ज्‍यी तुहक्‍पुया़ला ङाहती सेम ज्‍यिबुराङ काहसो काहल्‍दी येहबा।

एफिसी 3:13

ओ़ह सोङबे ङाह ख्‍याया़ला ओहर-छ्य़े स्‍युहउ येह, ख्‍याया़गी तेहन्‍दाला ङाहगी तुहक्‍पु खुरक्‍यो थोङदी ख्‍याया़ सेम मा़हस्‍यी। दिनी ख्‍याया़लाॱराङ ख्‍येप्‍साङ ओहङगेन स़ेह यिहम्‍बा।

फिलिप्‍पी 1:20

ङाहगी पेह कोहकेन्‍गी ल़ेहलेगी ङाह नाहमॱआङ ङोहजाला माहछ्यीज्‍यु यिहॱनाङ तोहङमा ल़ेहमु खास पेहती ताहन्‍दा ङाह सेम-स्‍युक छ्यिम्‍बु पेहती तेहकें। ङाह स्‍यिॱना़ङ सोॱनाङ ङाहती थाम्‍ज्‍यी मिहली लाहमले मास्‍यीकालाॱराङ चा़ ओहङज्‍यु माएँ ङाहती सेम्‍बा दाङ रेहवा यिहम्‍बा।

फिलिप्‍पी 1:7

ख्‍याया़ला नाहम-माना ङाहगी सेम नाहङला ज़्‍या़दी येह। दि ल़ेहमु पेहच्‍येला ङाहला ठाबे ऩेसीन च्‍यिबेमाना ताहन्‍दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्‍याया़गी ङाहला या़हबु लेहङगु स्‍येकेन्‍गी ल़ेहला ओहले दिला सी़दे ज़्‍या़ज्‍येला किन्‍ज्‍योगी नाङग्‍यो दि थाम्‍ज्‍यी काटीनला ख्‍याया़ ङाह ङ्याम्‍बुराङ पी़मा काहल्‍दी येह।

फिलिप्‍पी 4:1

ओ़ह सोङबे ङाहगी च्‍याहम्‍बा पेहक्‍योकी आदा-नो़ह दाङ आज्‍यी-नुहमुया़, ख्‍या दि ल़ेहमुराङ पेहती चो़वोला थिक-चि पेहती तेहतोङ। ए ङाहगी रो़हया़ ङाह ख्‍याया़ला निङज्‍यी पेहकें, ङाहगी ख्‍याया़ला ज्‍यिबुराङ टेहम्‍बा साल्‍दी येहबा। ख्‍याया़राङ ङाहती सेम काहसो दाङ पेस्‍यो यिहम्‍बा।

कलस्‍सी 4:4

ङाहगी काह-ठि पेहती प्रा साल कोहएँ यिहम्‍बा ओ़हठीॱराङ पेहती ङाहगी प्रा साल ख़ूज्‍यु म़ेदी ङाहगी तेहन्‍दाला ख्‍यागी सोल्‍वाङ ताप तेर।

कलस्‍सी 4:7

ङाहगी तेहन्‍दाला रेबेॱराङ तामया़ ङाहती च्‍याहम्‍बु नो़ह तुखिकसगी ख्‍याया़ला स्‍येच्‍ये येह। खोॱआङ यिह-छ्य़ेबु दाङ ओहराङ ल़ेहमुराङ चो़वोला स्‍याहप्‍तो स्‍युहएँगी योक्‍पु यिहम्‍बा।

१ थेसलोनिकी 2:2

ख्‍या फ़ेबे-म़ेहमेॱया साला ओहङगे म़ेदी तोहङले फिलिप्‍पीकी मिहया़गी ङ्यिहला आब्रु तेन्‍दी ज्‍यिबुराङ तुहक्‍पु तेर्सीन। दि केच्‍याॱआङ ख्‍या फ़ेबे-म़ेहमेया़ला थुयी़राङ येह। मिहया़गी ङ्यिहला ज्‍यिबुराङ टाह पेहॱनाङ किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍येच्‍येला ङ्यिहला किन्‍ज्‍योगीॱराङ स्‍युक क्‍ये च्‍य़ू नाङसीन।

२ तिमोथी 2:9

ओ़ह या़हबु लेहङगु मिहया़ला स्‍य़ेक्‍यो सोङबे ङाहगी तुहक्‍पु खुर कोहक्‍यो यिहम्‍बा। ओहजे च्‍यी़राङ मिहम्‍बा, मिह नाहग-च्‍येनला ल़ेहमुराङ पेहती च्‍याल्‍दागी ताहम्‍दी चोन-खाङला तेह के़हदी येहबा। यिहॱनाङ किन्‍ज्‍योगी लुहङनी च्‍याल्‍दागी ताहम्‍दी ज़्‍या़ मी़हखुएँ