په تیتوسا پولُسئے کاگد 3:10 - هُدائے پاکێن کتاب، بلۆچی زبانا

¹⁰ انچێن مردمے که باورمندانی رُمبا پرُشت و پرۆشَ کاریت، یکّ و دو رندا آییا هبردار کن. اگن شَرّ نبوت، وتا چه آییا دور بدار.

په تیتوسا پولُسئے کاگد 3:10 Cross References

پولُسئے کاگد په رومیان 16:17

او براتان! چه شما دَزبندیَ کنان، آ مردمان شَرّ بچارێت و وتا چه آیان دور بدارێت که مردمانی نیاما پلێنڈیَ کننت و شمئے گپتگێن تالیمانی هلاپا گناهئے سئوَبسازَ بنت.

په گَلاتیان پولُسئے کاگد 5:12

هما که شمارا جنجالَ کننت، وتا گوَهتَگ کناتنت.

په گَلاتیان پولُسئے کاگد 5:20

بُت‌پَرستی، سِهر و جادوگری، نپرت، جنگ و جَدَل، هَسَدّ، هِژم، وَتواهی، سِست و سێد، گرۆه‌بندی،

په تِسالونیکیان پولُسئے دومی کاگد 3:14

بله اگن کَسے اے هبران مَمنّیت که ما اے کاگدا نبشته کرتگ‌اَنت، وتی چمّان چه آییا دور مکنێت بله گۆن آییا نند و پاد آ مکنێت، بِلّی شرمندگَ بیت.

په تِسالونیکیان پولُسئے دومی کاگد 3:6

براتان! ما شمارا وتی هُداوندێن ایسّا مَسیهئے ناما هُکمَ دئیێن، هر براتے که تَمبَل و جاندُزّ اِنت و مئے کرتگێن سر و سۆجانی هسابا زند گوازێنگا نه‌اِنت، وتا چه آییا دور بدارێت.

په تیموتاووسا پولُسئے دومی کاگد 3:5

زاهرا هُداتُرسَ بنت بله هما زۆر و واکا نمنّنت که آیان په راستی هُداتُرسَ کنت. ترا گۆن چُشێن مردمان هچّ کار مبیت.

پِتْرُسئے دومی کاگد 2:1

بله مردمانی نیاما درۆگێن نبی هم هست‌اَت، هما دابا که شمئے نیاما درۆگێن استاد ودیَ بنت که چێراَندری بێران کنۆکێن باوَران رئواجَ دئینت، تنتنا وتی هُداوندا هم نمَنّنت که آیی گۆن وتی هۆنا بها زرتنت. آ گۆن تێزێن گار و بێگواهیێا دُچارَ کپنت.

یوهَنّائے دومی کاگد 1:10

اگن کَسے شمئے گوَرا بیئیت و اے تالیما مئیاریت، آییا وتی لۆگا مئیلێت و وشّاتکی مگوَشێت.