پولُسئے کاگد په رومیان 9:4 - هُدائے پاکێن کتاب، بلۆچی زبانا

⁴ آ، اِسراییلی اَنت که په چُکّی زورگ بوتگ‌اَنت. شان و شئوکت، اَهد و پئیمان، شَریَتئے رسگ، پرستشئے راه و رَهبند و هُدائے لبز و کرار همایانیگ اَنت.

پولُسئے کاگد په رومیان 9:4 Cross References

پێدایش 15:18

آ رۆچا هُداوندا گۆن اِبراما اَهد و پئیمانے کرت و گوَشتی: ”چه منی نێمگا اے سرڈگار چه مِسرئے شێپا بگر تان پَراتئے مزنێن کئورا تئیی نَسل و پَدرێچئیگ اِنت،

پێدایش 17:10

منی اَهد و پئیمان گۆن تئیی جندا و چه تئو رند گۆن تئیی پُشپَدا اِش اِنت و باید اِنت شما برجاهی بدارێت: شمئے هر مردێن باید اِنت بُرُّک و سُنّت کنگ ببیت.

پێدایش 17:2

من وتی و تئیی نیامئے اَهد و پئیمانا پَکّا کنان که تئیی چُکّ و نماسگان سکّ بازَ کنان.“

پێدایش 17:7

من وتی و تئیی نیامئے اَهد و پئیمانا اَبدمانێن اَهد و پئیمانے جۆڑَ کنان، گۆن تئو و گۆن تئیی آیۆکێن نَسل و پَدرێچا. من تئیی هُدا آن و چه تئو رند تئیی پُشپَدئے هُدا بان.

پێدایش 32:28

مَردا گوَشت: ”چه اِد و رند تئو آکوب گوَشگَ نبئے، تئیی نام اِسراییلَ بیت، چێا که تئو گۆن هُدایا و گۆن مردمان مِڑِتگئے و سردَست بوتگئے.“

زَبور 147:19

وتی هبرا په آکوبا آشکارَ کنت و وتی هُکم و پرمانا په اِسراییلا.

زَبور 63:2

تئیی پاکێن جاگها، منا تئیی شُبێن بوتگ، تئیی شان و کدرتُن دیستگ،

زَبور 73:1

په راستی هُدا په اِسراییلا مهربان اِنت، په همایان که دلِش ساپ اِنت.

زَبور 78:61

وتی زۆر و واکئے پێتی‌ای بندیگ کناێنت، وتی شان و شئوکتئے نِشانی‌ای دژمنانی دستا دات.

زَبور 89:3

تئو گوَشت: ”من گۆن وتی گچێن کرتگێنا اَهد و کَرارے بستگ و گۆن وتی هزمتکار داوودا په سئوگند کئول کرتگ:

زَبور 89:34

وتی اَهد و پئیمانا نپرۆشان و آ هبر که چه منی دپا در آتکگ، بدلیَ نکنان.

زَبور 90:16

تئیی کار تئیی هزمتکارانی دێما پدّر باتنت و تئیی مزنی په آیانی اۆبادگان.

دَرگوَز 12:25

وهدے شما هما مُلکا سرَ بێت که هُداوند وتی وادَهئے هسابا شمارا دنتی، اۆدا اے رسما برجاه بدارێت.

دَرگوَز 34:27

نون هُداوندا گۆن موسّایا گوَشت: ”اے هبران نبشته کن، چێا که من همے لبز کار بستگ‌اَنت و گۆن تئو و گۆن اِسراییلا اَهد و پئیمانے کرتگ.“

دَرگوَز 4:22

گۆن پِرئونا بگوَش: ’هُداوند چُشَ گوَشیت: اِسراییل منی مردێن‌چُکّ اِنت، منی ائولی چُکّ اِنت.

دَرگوَز 40:34

جمبرا شاهدیئے تَمبو سرپۆش کرت و تَمبو چه هُداوندئے شان و شئوکتا سَررێچ بوت.

مَتّا 21:33

دِگه یکّ مِسالے گۆش دارێت: زمیندارێا انگوری باگے اَڈّ کرت و آییئے چپّ و چاگردا پَلّ و پَسیلی بست، په انگورانی شیرگئے گِرگا، کَلّ و کُمبے جۆڑی کرت و په نِگهپانیا یکّ بُرجے هم بستی. رَندا باگی په کُنندهکاری و زمان لهتێن باگپانئے دستا دات و وت سپرێا شت.

یوهَنّا 1:17

اے راست اِنت که شَریَت چه موسّائے وسیلها بَکشگ بوتگ، بله رهمت و راستی چه ایسّا مَسیهئے وسیلها آتک.

یوهَنّا 1:47

وهدے ایسّایا نَتْناییل دیست که آ دێم په من پێداک اِنت، گوَشتی: ”اے تچکێن بنی اِسراییلیے و اِشیئے دلا هچّ پئیمێن رِپک و هنر مان نێست.“

کاسِدانی کار 2:39

هُداوندئے اے لبز و کئول اێوَک و تهنا په شما نه‌اِنت، په شمئے چُکّ و اۆبادگ و آ دگه دورێن هَند و دَمگانی هما مردمان اِنت هم، که مئے هُداوندێن هُدا آیان وتی کِرّا تئوارَ کنت.“

پولُسئے کاگد په رومیان 3:2

هر پئیما که بچارێن، اِشانی پائدگ باز اِنت. ائولی گپّ اِش اِنت که هُدایا وتی هبر یَهودیانی سپرده کرتگ.

پولُسئے کاگد په رومیان 8:15

شمارا گُلامی روهے نرَستگ که پدا بتُرسێت، شما په چُکّی زورگ بوتگێت و هُدایی روه شمارا رَستگ. چه همے روها کوکّارَ کنێن ”اَبّا، او پِت!“

پولُسئے کاگد په رومیان 9:6

چُش نه‌اِنت که هُدائے هبرا پرۆش وارتگ. چێا که هر بنی اِسراییلیے، اِسراییلی نه‌اِنت.

په گَلاتیان پولُسئے کاگد 3:16

نون کئول گۆن اِبراهێما و گۆن اِبراهێمئے نَسل و چُکّا کنگ بوتنت. پاکێن کتابَ نگوشیت که ”گۆن تئیی چُکّان“ بزان گۆن بازێنێا. پاکێن کتابَ گوَشیت: ”گۆن تئیی نَسل و پدرێچا“، بِزان گۆن یکّێا و اے مَسیه اِنت.