پولُسئے کاگد په رومیان 3:9 - هُدائے پاکێن کتاب، بلۆچی زبانا

⁹ گڑا چے بگوَشێن؟ مئے، یَهودیانی هال چه آ دگران گِهتر اِنت؟ نه، هچّ پئیما گهتر نه‌اِنت! چێا که ما اے هبر پَدّر و پکّا کرتگ که سجّهێن مردم، یَهودی و یونانی، گناهئے بندیگ اَنت.

پولُسئے کاگد په رومیان 3:9 Cross References

لوکا 7:39

وهدے آ پَریسیا که ایسّا مهمان کرتگ‌اَت اے دیست، وتی دلا گوَشتی: ”اگن اے مرد پئیگمبرے بوتێن، اَلّما زانتگ‌اَتی اے جنێن که آییا دست پِر کنگ و مُشگا اِنت، کئے اِنت و چۆنێن گُنهکارے.“

پولُسئے کاگد په رومیان 1:18

هُدائے کَهر و گَزب چه آسمانا زاهِرَ بیت و مردمانی سجّهێن بێهُدایی و بَدکاریانی سرا کپیت، که گۆن وتی رَدکاریان، راستیئے راها لَگَتمالَ کننت.

پولُسئے کاگد په رومیان 11:32

چێا که هُدایا سجّهێن مردم ناپرمانیئے بندیگ کرتگ‌اَنت تانکه سجّهێنانی سرا رَهم بکنت.

پولُسئے کاگد په رومیان 11:7

گڑا چے؟ آ چیزّ که اِسراییل آییئے شۆهازا اَت نرَستی، گِچێن کرتگێنان رست بله آ دگرانی دل سِنگ بوت.

پولُسئے کاگد په رومیان 2:1

پمێشکا تئو، هرکَس که ببئے، وهدے دگران مئیاریگَ کنئے، ترا هم اُزرے نێست. چێا که گۆن دگرێئے مئیاریگ کنگا، وتا مئیاریگَ کنئے. پرچا که تئو وَت هما کارانَ کنئے.

پولُسئے کاگد په رومیان 3:1

گڑا یَهودی بئیگئے پائدگ چے اِنت و سُنّتئے اَرزش چے بوتَ کنت؟

پولُسئے کاگد په رومیان 3:19

نونَ زانێن، شَریَت هر چے که گوَشیت په هما مردمان اِنت که شَریَتئے ساهگا اَنت، تان سجّهێن دپ بند ببنت و سَرجمێن دنیا هُدائے بارگاها مئیاریگ ببیت.

پولُسئے کاگد په رومیان 3:5

بله اگن مئے بدکاری هُدائے پاکی و پَلگاریا پَدّرَ کنت، گڑا چے بگوَشێن؟ هُدا نااِنساپ اِنت که آییئے کَهر و گَزب مئے سرا کپیت؟ (نون من اِنسانی هبر کنگا آن.)

پولُسئے کاگد په رومیان 6:15

گڑا چے؟ پمێشکا که شَریَتئے ساهگا نه‌اێن و رهمتئے ساهگا اێن، گڑا گناه بکنێن؟ هچبر!

پولُسئے کاگد په رومیان 7:14

ما زانێن که شَریَت روهی چیزّے، بله من نَپسانی مردمے آن که گُلامێئے پئیما گناهئے کِرّا بها بوتگان.

په گَلاتیان پولُسئے کاگد 3:10

آ که شَریَتی کارانی سرا تئوکلَ کننت، آیانی سرا نالت اِنت. چێا که پاکێن کتابا نبشته اِنت: ”هرکَس که دائِما شَریَتئے کتابئے سجّهێن نِبِشتهانی پابند نه‌اِنت و آیانی سرا کارَ نکنت، آ نالتیے.“

په گَلاتیان پولُسئے کاگد 3:22

بله پاکێن کتابَ گوَشیت که هر اِنسان گناهئے بندیگ اِنت. بسّ ایسّا مَسیهئے سرا باوَر کنگئے سئوَبا واده هما مردمان دئیگَ بیت که مَسیهئے سرا ایمانَ کارنت.

په پیلیپیان پولُسئے کاگد 1:18

گڑا چے؟ تُرے په بدنیّتی مَسیهئے جارا بجننت یا په دل و سِتک، بله هر وڑا مَسیهئے جار وَه جنَگ بئیگا اِنت و من چه اے کارا شادان آن. هئو، مُدام شادمانیَ کنان