پولُسئے کاگد په رومیان 13:2 - هُدائے پاکێن کتاب، بلۆچی زبانا

² پمێشکا، هرکَس که چه هکومتا سَرکشّیَ کنت، هُدائے نادێنتگێنئے هلاپا پاد آتکگ و هرکَس که سَرکشّی بکنت، وتی سرا مئیارباریَ کاریت.

پولُسئے کاگد په رومیان 13:2 Cross References

دَرگوَز 16:8

موسّایا گوَشت: ”هُداوند شمارا په ورگا بێگاها گۆشت و سُهبا نگنَ دنت، لاپئے سێرا، چێا که هُداوندا شمئے هما نُرُنڈگ اِشکتگ‌اَنت که شما آییئے سرا کرتگ‌اَنت. ما چے اێن؟ شما مئے سرا نُرُنڈگا نه‌اێت، هُداوندئے سرا نُرُنڈگا اێت.“

مَتّا 23:13

بله بَژن و اَپسۆز په شما، او شَریَتئے زانۆگران و پَریسیان! او دوپۆستێن شَتَلکاران! شما مردمانی دێما آسمانی بادشاهیئے دروازگا بندَ کنێت، نه وتَ پُترێت و نه دگرانَ کِلّێت.

مَرکاس 12:40

جنۆزامانی لۆگان گۆن مالواریا برنت و په پێش دارگا وتی دْوا و سَنایان دْراجکَشَّ کننت. اِشان سکترێن سِزا و پدمُزَّ رسیت.“

لوکا 20:47

جنۆزامانی لۆگان گۆن مالواریا برنت و په پێش دارگا وتی دْوا و سَنایان دْراجکَشَّ کننت. اِشان سکترێن سِزا و پدمُزَّ رسیت.“

پولُسئے کاگد په رومیان 13:1

هرکَس وتا هکومتئے چێردست بمَنّیت، پرچا که چه هُدائے نادێنتگێنا اَبێد، هچّ واک و اِهتیارے نێست و هر واک و کدرتے که هست، هُدایا نادێنتگ.

پولُسئے کاگد په رومیان 13:3

آ که شَرّێن کارَ کننت، آیان چه هکومتا تُرسے نێست، بله سِلکار چه آییا تُرسنت. اگن لۆٹئے چه هکومتئے تُرسا آزات ببئے، گڑا شَرّێن کار بکن و آ ترا مَنّیت و ستا کنت.

پولُسئے کاگد په رومیان 13:5

گڑا، باید اِنت هکومتئے چێردست ببئے، تهنا چه کَهرئے تُرسا نه، چه وتی جَبین و وجدانا هم.

پولُسئے کاگد په رومیان 9:19

چه من جُستَ کنئے: ”گڑا هُدا چێا اَنگت مارا اێرَ جنت؟ آییئے اِرادهئے دێما کئے اۆشتاتَ کنت؟“

په تیتوسا پولُسئے کاگد 3:1

باورمندان یاتا پِرّێن که هاکم و اِهتیاردارانی اِزّتا بکنێت، آیانی پرمانبردار ببێت و په هر شرّێن کارئے کنگا تئیار ببێت.

آکوب 3:1

او منی براتان! چُش مبیت، چه شما بازێنے استاد ببیت. چێا که زانێت، ما استادانی سرا گرانترێن دادرسیَ کپیت و

پِتْرُسئے ائولی کاگد 2:13

شما په هُداوندئیگی، سجّهێن اِهتیاردارێن مردمانی پرمانبَرداریا بکنێت، بادشاهئے هم که چه سجّهێنان مستر اِنت و