اِلهام 9:1 - هُدائے پاکێن کتاب، بلۆچی زبانا

¹ پنچمی پرێشتگا وتی کَرنا جَت و من دیست که اِستارے چه آسمانا سِستگ و زمینا کپتگ‌اَت. آییا جُهلێن تَهتَرونئے چاتئے دپئے کلیت دئیگ بوت.

اِلهام 9:1 Cross References

لوکا 10:18

ایسّایا درّاێنت: ”من شئیتان دیست که گِرۆکێئے ڈئولا چه آسمانا کپت.

لوکا 8:31

جِنّان گۆن ایسّایا دَزبندی کرت که آیان، جُهلێن تَهتَرونئے چاتا دئور دئیگئے هُکما مدنت.

پولُسئے کاگد په رومیان 10:7

”یا ’کئے جُهلێن کَبرا اێرَ کپیت؟‘“، بزان که مَسیها چه مُردگان بُرزاد بیاریت.

اِلهام 1:18

من زندگێن آن. من مُرتگ‌اَتان و بچار، نون زندگ آن، اَبد تان اَبد. مرک و مُردگانی جهانئے کِلیت منا گۆن اَنت.

اِلهام 1:20

هپتێن اِستار که تئو منی راستێن دستا دیستنت، آیانی و هپتێن تلاهێن چِراگدانانی راز اِش اِنت: هپتێن اِستار هپتێن کِلیسایانی پرێشتگ اَنت و هپتێن چِراگدان هپتێن کِلیسا اَنت.“

اِلهام 11:7

وهدے اِشان وتی شاهدی سَرجم کرت، چه جُهلێن تَهتَرونا در آیۆکێن رستر گۆن اِشان جنْگَ کنت، اِشان شِکستَ دنت و کُشیت و

اِلهام 17:8

آ رستر که تئو دیست، یکّ وهدێا هست‌اَت، نون نێست‌اِنت بله چه جُهلێن تَهتَرونا در آیگی اِنت و بربادیئے نێمگا رئوت. زمینا نِشتگێن هما مردم که چه جهانئے جۆڑ بئیگئے وهدا آیانی نام ’زِندئے کتابا‘ نبشته نه‌اِنت، اے رسترا که گِندنت هئیرانَ بنت، چێا که اے رستر یکّ وهدے هست‌اَت و نون نێست‌اِنت بله پدا آیگی اِنت.

اِلهام 20:1

رندا من پرێشتگے دیست که چه آسمانا اێر آیگا اَت. آییا جُهلێن تَهتَرونئے کلیت و مزنێن زمزیلے دستا اَت.

اِلهام 20:10

پدا اِشانی رَد دئیۆک، اِبلیس، آس و گۆکُرتئے گوَرما دئور دئیگ بوت، همۆدا که رستر و درۆگێن پئیگمبر اَنت. اِشان، شپ و رۆچ، اَبد تان اَبد اَزابَ رسیت.

اِلهام 6:13

آسمانئے اِستار اَنچۆ زمینا کپتنت که اِنجیرئے درچک تْرندێن گواتێئے دێما وتی زَکّ و کٹکّێن بران دئورَ دنت.

اِلهام 8:10

سئیمی پرێشتگا وتی کَرنا جت، بلاهێن اِستارے که مَشَلێئے ڈئولا رۆک اَت، چه آسمانا کئور و چَمّگانی سئےیکّئے سرا کپت.

اِلهام 8:12

چارمی پرێشتگا وتی کَرنا جت. رۆچئے سئےیکّ، ماهئے سئےیکّ و اِستارانی سئےیکّ اَنچُش جنَگ بوت که سئےیکِّش تهار بوت. رۆچا هم وتی رُژناییئے سئےیکّ گار دات و شپا هم وتی رُژناییئے سئےیکّ گار دات.

اِلهام 8:2

پدا من هپتێن پرێشتگ دیستنت که هُدائے دێما اۆشتاتگ‌اَتنت. آیان هپت کَرنا دئیگ بوت.

اِلهام 9:2

اِستارا جُهلێن تَهتَرونئے چاتئے دپ پَچ کرت. نون چه چاتا دوتّ چست بوت، گوَشئیگا چه مزنێن کورَهێا دوتّ در آیگا اَت. چه چاتا در آیۆکێن دوتّان رۆچ و آسمانئے دێم تهار کرتنت.