اِلهام 14:5 - هُدائے پاکێن کتاب، بلۆچی زبانا

⁵ چه آیانی دپا هچّ درۆگ در نئیاتکگ و بێمئیار اَنت.

اِلهام 14:5 Cross References

زَبور 32:2

بَهتاور هما اِنت که هُداوند آییئے گناها هچبر هسابَ نئیاریت و آییئے اَرواها پرێبے مان نێست.

زَبور 34:13

وتی زبانا چه بدیا دور بدار و لُنٹان چه درۆگا.

زَبور 55:11

چه هرابی و بێرانیا سررێچ اِنت و سِتم و رِپک، چه آییئے بازارا دورَ نبیت.

دانیال 6:4

گڑا اے دگه سروزیر و والی دانیالئے هکومتی کارانی تها رَدی شۆهاز کنگا لگّتنت، بله آیان په دانیالئے اێر جنگ و مئیاریگ کنگا هچّ نیمّونے دست نکپت. آ، وپادارے اَت، چه وتی کاران نادلگۆش نه‌اَت و نه که سِلکاریے کرتی.

مَتّا 12:34

او سْیَه‌مارزادگان! شما که وت سِلّ و رَدکار اێت، چۆن شَرّێن هبر کرتَ کنێت؟ چێا که هرچے مردمئے دلا ببیت، هما چه آییئے دپا درَ کئیت.

لوکا 23:4

پیلاتوسا گۆن مزنێن دینی پێشوا و آ دگه مردمان گوَشت: ”من په اے مردا هچّ مئیارے نگندان.“

یوهَنّا 1:47

وهدے ایسّایا نَتْناییل دیست که آ دێم په من پێداک اِنت، گوَشتی: ”اے تچکێن بنی اِسراییلیے و اِشیئے دلا هچّ پئیمێن رِپک و هنر مان نێست.“

پِتْرُسئے ائولی کاگد 1:19

گۆن هما بےائیب و بێکِچهێن گوَرانڈ، بزان مَسیهئے بێبهاێن هۆنا بها زورگ بوتگێت.

پِتْرُسئے ائولی کاگد 2:22

”آییا هچّ گناه نکرت و کَسّارا پرێبی ندات.“

پِتْرُسئے ائولی کاگد 3:10

پمێشکا: ”آ کَس که زِندمانئے واهگدار اِنت و وشّێن رۆچ گِندگَ لۆٹیت، آییئے زبان چه بدیا دور ببیت و لُنٹ چه مَکر و پرێبا؛

یَهودائے کاگد 1:24

هما که شمارا چه ٹَگل ورگ و کپگا مُهر داشتَ کنت و بےائیب و گۆن مزنێن شادمانیے شمارا وتی پرشئوکتێن درگاها برت و سر کرتَ کنت،