زَبور 2:2 - هُدائے پاکێن کتاب، بلۆچی زبانا

² جهانئے بادشاه تئیارَ بنت و هاکم یکجاه مُچّ، هُداوند و آییئے مَسیهئے هِلاپا اۆشتنت:

زَبور 2:2 Cross References

زَبور 110:5

هُداوند تئیی راستێن دستا اِنت، وتی گَزَبئے رۆچا بادشاهانَ درُشیت.

زَبور 2:10

پمێشکا، او بادشاهان! اَگلمند ببێت. اَنچش او جهانئے هاکمان! اَدب بزورێت.

زَبور 45:7

تئو پاکی و راستی دۆست داشتگ و چه بدیا نَپرَت کرتگ، پمێشکا هُدایا، تئیی هُدایا، ترا گێشتر چه تئیی همراهان شادهیئے رۆگن پِر مُشتگ.

زَبور 48:4

بادشاه یکجاه بوتنت و هۆریا دێما شتنت،

زَبور 48:5

بله اَنچش که شهرِش دیست، هئیران و هَبَکّه منتنت و تُرسانا جِستنت.

زَبور 74:18

او هُداوند! یاتا بکپ که دژمن چِه پئیما مسکرا کننت و نازانتێن مردم تئیی ناما چِه پئیما بَد و رَدَ گوَشنت.

زَبور 74:23

وتی دژمنانی کوکّاران مشمۆش، دژمنانی شۆرشا که مُدام بُرزاد اِنت.

زَبور 83:6

اِدومی و اِسماییلی، موآبی و هاگاری،

زَبور 89:20

من وتی هزمتکار، داوود شۆهاز کرتگ و وتی پاکێن، رۆگن پِر مُشتگ.

دَرگوَز 16:7

باندا سُهبا شما هُداوندئے شان و شئوکتا گندێت. چێا که شما هُداوندئے سرا نُرُنڈِتَگ و آییا اِشکتگ‌اَنت. ما چے اێن که شما مئے سرا بنُرُنڈێت؟“

مَتّا 2:16

وهدے هیرودیس سهیگ بوت که نجومیان آ رَد داتگ، باز زهر گپت. پرمانی دات: ”بئیت‌لَهِم و کِرّ و گوَرئے دو سالیگ یا کَسترێن سجّهێن مردێن‌چُکّ کُشگ ببنت.“ اَنچُش که آییا پێسرا نجومی جُست و پُرس کرتگ‌اَتنت، هما هسابا اے وهدی گیشّێنت.

مَتّا 26:3

همے وهدا، مزنێن دینی پێشوا و کئومئے کماشان، مسترێن دینی پێشوا کئیاپائے ماڑیا دیوان کرت و

مَتّا 26:59

مزنێن دینی پێشوا و سرۆکانی دیوانئے سجّهێن باسک، په ایسّائے مَرکئے سِزا دئیگا درۆگێن شاهدیئے شۆهازا اَتنت،

مَتّا 27:1

سباها ماهلّه، سجّهێن مزنێن دینی پێشوا و کئومئے کماش ایسّائے کۆشا همشئور بوتنت.

لوکا 13:31

هما وهدا، لهتێن پَریسی، ایسّائے گوَرا آتک و گوَشتِش: ”نون تئو اے جاگها یله کن و دگه جاهێا برئو، چێا که هیرودیس تئیی کُشگئے رَندا اِنت.“

یوهَنّا 1:41

آییا ائولی کارے که کرت، اِش اَت که وتی برات شَمونئے کِرّا شت و گوَشتی: ”ما مَسیه در گێتکگ.“

یوهَنّا 15:23

هرکَس که چه من نَپرتَ کنت، چه منی پتا هم نَپرتَ کنت.

یوهَنّا 3:34

آ کَس که چه هُدائے نێمگا رئوان دئیگ بوتگ، هُدائے هبرانَ کنت، چێا که هُدا وتی روها آییارا بێهسابَ بَکشیت.

کاسِدانی کار 10:38

اے کار همِش اَت که هُدایا گۆن وتی پاکێن روه و زۆرا، ایسّا ناسِریئے سرا رۆگن پِر مُشت. اے ڈئولا آ، هر جاه که شت، گۆن وتی نێکێن کاران، آ سجّهێن مردم که شئیتانئے بندیگ اَتنت دْراهیَ کرتنت، چێا که هُدا گۆن آییا گۆن اَت.

کاسِدانی کار 9:4

شاوول زمینا کپت و تئوارے اِشکتی: ”شاوول، او شاوول! تئو چێا منا آزارَ دئیئے؟“