په پیلیپیان پولُسئے کاگد 4:18 - هُدائے پاکێن کتاب، بلۆچی زبانا

¹⁸ منا هر چیزّ رستگ و سکّ باز رستگ. گۆن اِپاپْرۆدیتوسا هرچے که شما دێم داتگ، منا رَسِتگ‌اَنت و نون منا هر چیزّ هست. شمئے اے ٹێکی وشبۆێن شُگرانه و دلپَسندێن کُربانیگے که هُدایا وَشنۆدَ کنت.

په پیلیپیان پولُسئے کاگد 4:18 Cross References

دَرگوَز 29:18

سَرجمێن گوَرانڈا کُربانجاهئے سرا سۆچ. اے په هُداوندا سۆچَگی کُربانیگے بیت، تاهیربَکشێن وشبۆے و په هُداوندا آس‌جَتێن کُربانیگے.

کاسِدانی کار 10:4

کُرنیلیوسا گۆن تُرسے پرێشتگئے نێمگا چمّ سکّ داتنت و گوَشتی: ”جی واجه! چے گوَشئے؟“ پرێشتگا پَسّئو دات: ”تئیی دْوا و هئیرات یاتمانێن سئوگاتے که هُدائے بارگاها رَستگ.

پولُسئے کاگد په رومیان 12:1

او براتان! منی دَزبندی گۆن شما اِش اِنت که گۆن هُدائے رَهمتانی چارگا، وتی جِسم و جانا چۆ زِندگێن کُربانیگێا پێش بکنێت که پاک و پَلگار اِنت و هُدایا پَسُندَ بیت. اے شمئے روهانیێن پرستش اِنت.

په پیلیپیان پولُسئے کاگد 4:12

منَ زانان که تَنگدَستیا چۆن گُزران کنگی اِنت و اے هم زانان که هستۆمندیا زند چۆن گوازێنگی اِنت. من هر وڑێن جاوَران زند گوازێنگئے راز در گێتکگ، سێرلاپ ببان یا شُدلاپ، منا هر چیزّ ببیت یا هچّ چیزّ مبیت.

په تِسالونیکیان پولُسئے دومی کاگد 1:3

او براتان! هَکّێن گپّ اِش اِنت که ما باید اِنت مُدام په شما هُدائے شُگرا بگرێن، چێا که شمئے ایمان رۆچ په رۆچ رُدان اِنت و په یکدومیا شمئے سجّهێنانی مِهر هم گێش بئیان اِنت.

پِتْرُسئے ائولی کاگد 2:5

نون شما زندگێن سِنگانی پئیما په روهانیێن لۆگێئے بندگا کار بندگ ببێت، پاک و پَلگارتگێن روهانیێن پێشوا هم ببێت و اَنچێن روهانیێن کُربانیگ بدئیێت که چه ایسّا مَسیهئے وَسیلها هُدایا وَشنۆدَ کننت.