په پیلیپیان پولُسئے کاگد 2:30 - هُدائے پاکێن کتاب، بلۆچی زبانا

³⁰ چێا که آ په مَسیهئے کارا مِرَگی بوتگ. وتی ساهئے پَرواهی نداشت تانکه شمئے هما هِزمتانی کَمّیا پوره بکنت که شما په من کرت نکرتگ‌اَنت.

په پیلیپیان پولُسئے کاگد 2:30 Cross References

کاسِدانی کار 20:24

منا په وتی ساه و زِندا پرواه نێست، منی یکّێن واهگ اِش اِنت که وتی دئور و باریگا په سر برسێنان و هُداوندێن ایسّائے داتگێن کارا سَرجم بکنان، بزان هُدائے مِهر و رهمتئے مِستاگا برسێنان.

پولُسئے کاگد په رومیان 16:4

آ په منیگی، چه وتی زِندا سر گوَستگ‌اَنت. تهنا من نه، دَرکئومانی سجّهێن کلیسا هم آیانی شُگرا گرنت.

په پیلیپیان پولُسئے کاگد 2:17

بله هما هِزمت و کُربانیگ که شمئے باوَرئے بَر و سَمر اَنت، اگن آیانی سرا منی هۆن هم رێچَگی کُربانیگێئے پئیما رێچَگ ببیت، من گَلَ بان و گۆن شما سجّهێنان شادکامیَ کنان.

په پیلیپیان پولُسئے کاگد 2:27

اے راست اِنت که نادراه اَت، مَرکیگ اَت، بله هُدایا آییئے سرا رهم کرت. تهنا آییئے سرا نه، منی سرا هم رهمی کرت که منا گَمئے چَکّا گَمے مرسیت.

په پیلیپیان پولُسئے کاگد 4:10

من هُداوندئے ناما سکّ باز شادمانیَ کنان که نون گُڈسرا شما پدا منی هئیالداری بِندات کرتگ. هئو، شما پێسرا هم منی هئیال داشتگ، بله شمارا مۆه نرستگ.

په پیلیپیان پولُسئے کاگد 4:18

منا هر چیزّ رستگ و سکّ باز رستگ. گۆن اِپاپْرۆدیتوسا هرچے که شما دێم داتگ، منا رَسِتگ‌اَنت و نون منا هر چیزّ هست. شمئے اے ٹێکی وشبۆێن شُگرانه و دلپَسندێن کُربانیگے که هُدایا وَشنۆدَ کنت.

په پیلیمونا پولُسئے کاگد 1:13

نون که من په وشّێن مستاگا بندیگ آن، من لۆٹت که آییا وتی کِرّا بداران که تئیی جاگها آ منی هِزمتا بکنت.

اِلهام 12:11

مئے برات، گوَرانڈئے هۆن و وتی شاهدیئے لبزئے سئوَبا، بُهتام جنۆکئے سرا بالادست بوتگ‌اَنت. مرکئے دێما آیان وتی ساهئے هچّ پرواه نکرتگ.