په پیلیپیان پولُسئے کاگد 2:3 - هُدائے پاکێن کتاب، بلۆچی زبانا

³ هچّ کارے په وتواهی و وتپسُندی مکنێت. په بێکِبری و دربێشی دگران چه وت بُرزتر سرپد ببێت.

په پیلیپیان پولُسئے کاگد 2:3 Cross References

لوکا 18:14

نون من شمارا گوَشان: پَریسی نه، بله هما مالیاتگیر نێک و پهرێزکار بوت و لۆگا شت، چێا که هرکَس وتا مزنَ زانت و لێکیت، کَمشرپَ بیت و هرکَس وتا جَهل و اێردستَ مَنّیت، وشنام و شرپدارَ بیت.“

پولُسئے کاگد په رومیان 12:10

گۆن براتی مِهرے، یکدگرا دۆست بدارێت، په شرپ و اِزّت کنگا چه یکدومیا دێماتر ببێت.

پولُسئے کاگد په رومیان 13:13

بیاێت شرپدارێن زِندے بگوازێنێن، هما زِند که رۆچئے رُژناییا گوازێنگَ بیت، چُشێن زِندے مگوازێنێن که په ایّاشی، هنۆش و ملار، وئیلانکی، لَنڈری، پَسات و هَسَدّ ببیت.

پولُسئے کاگد په رومیان 2:8

بله په وَتواه و هما مردمان وتی کَهر و گَزبا گوارێنیت که هَکّ و راستیئے بدلا بَدکاریئے رَندگیر اَنت.

په گَلاتیان پولُسئے کاگد 5:15

شما یکدومیا چیلّێنگ و ورَگا اێت، بچارێت، یکدومیئے دستا تباه مبێت.

په گَلاتیان پولُسئے کاگد 5:26

ما باید اِنت وَتگَلا و وَتپَسند مبێن، یکدومیا سۆکلۆ مدارێن و گۆن یکدومیا هسدّ مدارێن.

په پیلیپیان پولُسئے کاگد 2:14

هرچے که کنێت، بے نُرُنڈگ و بے دَپجاکا بکنێتی

په تیموتاووسا پولُسئے ائولی کاگد 6:4

آ گُروناک اِنت و هچّ سرپدَ نبیت. آییا نٹَهگ و لبز و مانایانی سرا اَڑ و کُڑ کنگ وَشَّ بیت و اے نادراهیے. اِشیئے آسر هما مردمانی نیاما هَسَدّ، سِست و سێد، بُهتام‌جَی، بدگُمانی و

پِتْرُسئے ائولی کاگد 3:8

نێٹ، شما سجّهێن یکدل و همدرد ببێت، گۆن یکدومیا مِهر بکنێت، نَرمدل و بێکِبر ببێت.

پِتْرُسئے ائولی کاگد 5:5

او وَرنایان! اَنچُش شما هم وتی مسترێنانی پرمانبَرداریا بکنێت و گۆن یکدومیا بێکِبر و دربێش ببێت، چێا که ”هُدا پُرکِبر و گُروناکێن مردمانی هلاپا مُهرَ اۆشتیت، بله بێکِبر و دربێشێن مردمانی سرا وتی رهمتانَ گوارێنیت.“