په پیلیپیان پولُسئے کاگد 1:5 - هُدائے پاکێن کتاب، بلۆچی زبانا

⁵ پرچا که چه ائولی رۆچا بگر تان اے وهدا شما وشّێن مِستاگئے شِنگ کنگا گۆن اێت.

په پیلیپیان پولُسئے کاگد 1:5 Cross References

کاسِدانی کار 2:42

آیان، په کاسِدانی درس و سَبکّا، په شریکدارێن زِندا، په نانئے بهر کنگ و په دْوایا، وتا نَدر کرت.

پولُسئے کاگد په رومیان 11:17

اگن درچکئے لهتێن ٹال پرۆشگ و سندگ بوتگ و تئو که جَنگلی زئیتونئے ٹالے ائے، آ دگه ٹالانی نیاما گۆن درچکا پئیوَند جنَگ بوتگئے و نون زئیتونئے ریشّگئے پُرزۆرێن شیرگا شریکدار ائے،

پولُسئے کاگد په رومیان 12:13

هُدائے پَلگارتگێن مردمانی هاجتان پوره کنگا شریکدار ببێت و وتی لۆگئے دروازگا په دَرامدانی مهمانداریا پَچ بکنێت.

پولُسئے کاگد په رومیان 15:26

چێا که مَکْدونیَه و اَکایَهئے کِلیسایان شئور کرت که په اورشَلیمئے نێزگارێن پَلگارتگێنان مالی کُمکّے راه بدئینت.

په پیلیپیان پولُسئے کاگد 1:12

او براتان! نون من شمارا هال دئیگَ لۆٹان که گۆن من هرچے که بوتگ، اے چیزّان وشّێن مِستاگئے شِنگ و تالان کنگا کُمکّ کرتگ.

په پیلیپیان پولُسئے کاگد 1:16

هما مردم که په مِهر اے کارا کنگا اَنت، زاننت که من په وشّێن مِستاگئے دێمپانیا اِدا آرگ بوتگان.

په پیلیپیان پولُسئے کاگد 1:27

تُرے هرچے ببیت، وتی زِندا اَنچُش بگوازێنێت که مَسیهئے وشّێن مِستاگا بکرزێت. گڑا اگن من شمئے چارگا بیایان یا چه شما دور ببان، بَسّ سهیگ ببان که شما یَکدل و یکجان اێت و مُهر اۆشتاتگێت و په وتی باوَرا، بزان په وشّێن مِستاگا په همدلی جُهد کنگا اێت و

په پیلیپیان پولُسئے کاگد 1:7

اے راست اِنت که من باید اِنت شما سجّهێنانی بارئوا اَنچُش پِگر بکنان که پِگر کنگا آن، چێا که شما منی دلا اێت. تُرے من زمزیلان ببان یا وشّێن مِستاگئے دێمپانی و سابِت کنگا، شما سَجّهێن هُدائے رهمتان گۆن من شریکدار اێت.

په پیلیپیان پولُسئے کاگد 2:12

پمێشکا منی دُردانَگان! اَنچُش که شما مُدام پرمانبردار بوتگێت، نه تهنا آ وهدا که من شمئے کرّا اَتان، اَنّون هم که من اۆدا نه‌آن، اَنگت گێشتر پرمانبردار اێت. گڑا په تُرس و لَرز وتی نجاتئے رُست و رُدۆمئے جُهدا بکنێت.

په پیلیپیان پولُسئے کاگد 2:22

بله شما وتَ زانێت که تیموتاووسا لاهکی پێش داشتگ. آ په وشّێن مِستاگئے شِنگ کنگا گۆن من اَنچُش همکۆپگ بوتگ که چُکّے گۆن پتا.

په پیلیپیان پولُسئے کاگد 4:3

او منی وَپادارێن همراه! من چه تئو دَزبندیَ کنان که هما جنێنانی کُمکّا بکن که په وشّێن مِستاگئے شِنگ کنگا منی همکۆپگیا گۆن کْلێمِنتوس و منی اے دگه همکاران جُهدِش کرتگ که نامِش ”زِندئے کتابا“ نبشته اِنت.

په پیلیمونا پولُسئے کاگد 1:17

نون اگن تئو منا وتی سنگتے سرپدَ بئے، گڑا اۆنِسیموسا اَنچۆ دست گِر که منا دستَ گرئے و

پِتْرُسئے دومی کاگد 1:1

چه ایسّا مَسیهئے هِزمتکار و کاسِد، شَمون پِترُسئے نێمگا، په همایان که چه مئے هُدا و رَکّێنۆک ایسّا مَسیهئے برکتا، هما پئیمێن بێبهاێن باوَرے رَستگِش که مارا رَستگ.

یوهَنّائے ائولی کاگد 1:3

آ چیزّ که ما دیستگ و اِشکتگ شمارا گوَشێن تانکه گۆن ما همدل و همسِتک ببێت. مئے همدلی و همسِتکی، گۆن پت و آییئے چُکّ ایسّا مَسیها اِنت.

یوهَنّائے ائولی کاگد 1:7

بله اگن رُژناییا رئوگا اێن، هما پئیما که آ رُژناییا اِنت، گڑا وت‌مان‌وتا همدل و همسِتک اێن و آییئے چُکّ ایسّائے هۆن مارا چه سجّهێن گناه و مئیاران پاک و پَلگارَ کنت.