لوکا 1:51 - هُدائے پاکێن کتاب، بلۆچی زبانا

⁵¹ آییا گۆن وتی پُرزۆرێن باسکا، مزنێن کار و کِرد پێش داشتگ و هما که وتی دلا بازێن پَهرِش بستگ، آییا شِنگ و شانگ کرتگ‌اَنت.

لوکا 1:51 Cross References

پێدایش 11:8

هُداوندا، اے مردم چه اۆدا سجّهێن زمینئے سرا شِنگ و شانگ کرتنت و اِشان شهرئے اَڈّ کنگئے کار بند کرت.

پێدایش 6:5

هُداوندا دیست که انسانئے رَدکاری زمینئے سرا سکّ باز اَنت و سجّهێن دل و هئیالِش مُدام گۆن بدیا اِنت و بَسّ.

پێدایش 8:21

اِشانی وشّێن بۆ که هُداوندئے کِرّا سر بوت، وتی دلا گوَشتی: ”من چه اِد و رند هچبر زمینا انسانئے سئوَبا نالتَ نکنان، بِلّ تُرے چه کَسانیا آییئے دلئے واهگ بَد اَنت. چه اِد و دێم هچبر سجّهێن سَهداران اے پئیما هۆریگا گار و گُمسارَ نکنان که انّون کرتگُن.

زَبور 118:15

پهرێزکارانی تمبوانی تها سۆبێن بئیگ و شادمانیئے کوکّار اِنت: ”هُداوندئے راستێن دستا مزنێن کارے کرتگ.

زَبور 33:10

هُداوند، کئومانی شئوربندیان پَچَ رێچیت و راجانی کارسازیانَ کرۆجیت.

زَبور 52:9

په تئیی کرتگێن کاران مُدام تئیی شُگرا گِران و هُدادۆستانی دێما په تئیی ناما اُمێتوار آن، چیا که تئیی نام نێک اِنت.

زَبور 63:5

اَرواهُن اَنچش سێرَ بیت چۆ که یکّے وشّێن وراکے بوارت و دَپُن گۆن شادمانێن لُنٹان ترا نازێنیت.

زَبور 89:10

تئو رهاب، لاشێئے پئیما درُشت و گۆن وتی زۆرمندێن باسکا وتی دژمن شنگ و شانگ کرتنت.

زَبور 89:13

تئیی باسک زۆرمند اِنت، تئیی دست زۆراور اِنت، تئیی راستێن دست پُرواک و سۆبێن اِنت.

زَبور 98:1

په هُداوندا نۆکێن سئوتے بجنێت، که اَجَبێن کاری کرتگ، آییئے راستێن دست و پاکێن باسکا سۆب و پیرۆزی کَٹّتگ.

دَرگوَز 18:11

نون منَ زانان که هُداوند چه آ دگه سجّهێن هُدایان مستر اِنت. چێا که وتی مهلوکی چه گُروناکێن مِسریانی زُلم و زۆراکیان رَکّێنت.“

دانیال 4:37

نون منِ نِبوکَدنِزَر آسمانانی بادشاها ستا کنان، ساڑایان و شرپَ دئیان چێا که آییئے سجّهێن کار راست اَنت و آییئے راه په اِنساپ. آ، گُروناکانی گردِنا جَهل کرتَ کنت.“

پولُسئے کاگد په رومیان 1:21

هرچُنت که هُدااِشَ زانت، بله هُدایی اِزّتِشَ ندات و شُگرِشَ نگپت. اِشیئے بدلا، وتی ناهودگێن پِگر و هئیالانی تها گُمراه بوتنت و آیانی ناسرپدێن دل تهاریا پۆشِت.

پِتْرُسئے ائولی کاگد 5:5

او وَرنایان! اَنچُش شما هم وتی مسترێنانی پرمانبَرداریا بکنێت و گۆن یکدومیا بێکِبر و دربێش ببێت، چێا که ”هُدا پُرکِبر و گُروناکێن مردمانی هلاپا مُهرَ اۆشتیت، بله بێکِبر و دربێشێن مردمانی سرا وتی رهمتانَ گوارێنیت.“

اِلهام 18:8

اِشانی سئوَبا یکّ رۆچێئے تها آییئے اَزاب، بزان مرک، پُرس و ڈُکّالَ کاینت و آ گۆن آسا سۆچگَ بیت، چێا که هُداوندێن هُدا پُرواک اِنت و آییئے دادرسیا کنت.“