یوهَنّا 8:6 - هُدائے پاکێن کتاب، بلۆچی زبانا

⁶ آیان اے هبر پمێشکا کرت که ایسّایا داما دئور بدئینت و ایسّا اَنچێن هبرے بکنت که مئیاربار ببیت، بله ایسّا جَهل بوت و گۆن لَنکُکا زمینئے سرا چیزّے نبیسگا لگّت.

یوهَنّا 8:6 Cross References

پێدایش 49:9

یَهودا شێری گُلُّڑے. او منی چُکّ! تئو چه شکاران آتکگئے. یَهودا چۆ شێرا سْراپَ کنت، چۆ مادگێن شێرا کَمینَ کنت. کئیی مجال اِنت که پادی بکنت؟

زَبور 39:1

گوَشتُن که ”پهرێزَ کنان تان گۆن وتی زبانا گناه مکنان. تان وهدے بدکارے منی کِرّا اِنت وتی دپا لگامَ کنان.“

دانیال 5:5

اَناگها مردمی دستێئے لنکُک زاهر بوتنت و چِراگدانئے دومی نێمگا، شاهی کلاتئے دیوالئے دۆنئے سرا نبشته کنگا لگّتنت. بادشاها نبشته کنۆکێن دستئے پُشت دیست.

مَتّا 10:16

گۆش دارێت! من شمارا رئوانَ کنان، بله شما اَنچُشَ بێت که گُرکانی نیاما پَس. پمێشکا مارانی ڈئولا هُژّار و کپۆدرانی ڈئولا ساده ببێت.

مَتّا 15:23

بله ایسّایا جوابے ندات. نون مریدان دَزبندی کرت: ”اِشیا یَل کن، گلّێنی، مئے رَندا کپتگ و باز کوکّار کنگا اِنت.“

مَتّا 16:1

پَریسی و سَدوکیانی لهتێن مردم ایسّائے کِرّا په آییئے چَکّاسگا آتک و آسمانی نشانیے لۆٹتِش.

مَتّا 19:3

لهتێن پَریسی، ایسّائے چَکّاسگا آییئے کِرّا آتک و جُستِش کرت: ”بارێن، په مردا رئوا اِنت که وتی جَنئے تلاک و سئونان بدنت، سئوَب تُرے هرچے ببیت؟“

مَتّا 22:18

ایسّایا آیانی گَندگێن پِگر زانت و گوَشتی: ”او دوپۆستێن شَتَلکاران! چێا منا چَکّاسگا اێت؟

مَتّا 22:35

چه آیان یکّێا، که شَریَتئے کازیے اَت، په ایسّائے چَکّاسگا چه آییا جُست کرت:

مَتّا 26:63

بله ایسّایا پَسّئو ندات. مسترێن دینی پێشوایا پدا گۆن آییا گوَشت: ”من ترا نمیرانێن هُدائے سرا سئوگندَ دئیان، مارا بگوَش، بارێن، تئو هما مَسیه، هُدائے چُکّ ائے؟“

مَرکاس 10:2

لهتێن پَریسی آتک و په آییئے چَکّاسگا جُستِش کرت: ”بارێن، رئوا اِنت که مرد وتی جَنئے تلاک و سئونان بدنت؟“

مَرکاس 12:15

ایسّایا آیانی اے دوتل و دوپۆستی زانت و گوَشتی: ”چیا منا چَکّاسگا اێت؟ یکّ دینارے بیارێت تان بچاران.“

مَرکاس 3:2

نِشتگێن مردم ایسّائے اِنتزار و وَدارا اَتنت که اگن اے مردئے دستا شَمبِهئے رۆچا دْراه بکنت، گڑا ما آییئے سرا شَبَّتئے رۆچا کار کنگئے بُهتاما جتَ کنێن.

مَرکاس 8:11

لهتێن پَریسی ایسّائے کِرّا آتک و گۆن آییا گپّ و تْرانا نِشت، تان آییا بچَکّاسنت و داما دئور بدئینت. گوَشتِش: ”مارا آسمانی نشانیے پێش بدار تان باور بکنێن که ترا هُدایا رئوان داتگ.“

لوکا 10:25

چه شَریَتئے کازیان یکّے، ایسّائے کِرّا آتک و په آییئے چَکّاسا جُستی کرت: ”او استاد! من چۆن بکنان که نمیرانێن زِندئے واهند ببان؟“

لوکا 11:16

دگه لهتێنا په ایسّائے چَکّاسگا چه آییا آسمانی نشانیے لۆٹت.

یوهَنّا 8:2

سَباها ماهلّه ایسّا پدا مزنێن پرستشگاها آتک. سجّهێن مردم آییئے چپّ و چاگردا مُچّ بوتنت. ایسّا نِشت و آیانی تالیم دئیگا لگّت.