یوهَنّا 21:3 - هُدائے پاکێن کتاب، بلۆچی زبانا

³ شَمون‌پِتْرُسا گۆن آیان گوَشت: ”من ماهیگیریا رئوان.“ آیان گوَشت: ”ما هم کاێن گۆن.“ گڑا در آتکنت و بۆجیگا سوار بوتنت، بله آ شپا هچِّش نگپت.

یوهَنّا 21:3 Cross References

لوکا 5:5

شَمونا گوَشت: ”واجه! دۆشی ما سجّهێن شپ دلسیاهی کَشّتگ و مارا هچّ ماهیگ دستا نکپتگ، بله نون که تئو گوَشئے، من دامان آپا دئورَ دئیان.“

یوهَنّا 21:4

سَباه که بوت، ایسّا گوَرمئے لَمبا اۆشتاتگ‌اَت، بله مُریدان پَجّاه نئیاورت.

کاسِدانی کار 18:3

اَکْویلا و پْریسْکیلا هم پولُسئے ڈئولا گِدان‌دۆچ اَتنت. پمێشکا پولُس همایانی کِرّا مَنت و گۆن آیان همکار بوت.

کاسِدانی کار 20:34

شما وتَ زانێت که من گۆن وتی اے دستان کار کرتگ، وتیگ و وتی همکارانی زلورت و گَرَز وت سَرجم کرتگ‌اَنت.

په تِسالونیکیان پولُسئے ائولی کاگد 2:9

براتان! شمارا مئے جُهد و زهمت الّم یات اَنت. وهدے ما شمئے کِرّا هُدائے وشّێن مِستاگئے جارا جنَگا اَتێن، ما شپ و رۆچ کار هم کرت تانکه چه شما کَسێئے سرا بارے مبێن.