یوهَنّا 2:14 - هُدائے پاکێن کتاب، بلۆچی زبانا

¹⁴ دیستی که مزنێن پرستشگاها مردم گۆک و پَس و کپۆتئے بها کنگا گُلاێش اَنت و سَرّاپ هم نِشتگ‌اَنت.

یوهَنّا 2:14 Cross References

مَرکاس 11:15

اَنچُش که اورشَلیما سر بوتنت، ایسّا مزنێن پرستشگاهئے پێشگاها شت و اۆدا سئوداگر و گْراکانی گلّێنگ و در کنگا گُلاێش بوت. زَرّ بدل کنۆکێن سَرّاپانی ٹێبَلی چپّی کرتنت و کپۆت بها کنۆکانی کُرسی و تَهتگی دئور داتنت.

مَرکاس 11:17

مردمی تالیم داتنت و گوَشتی: ”زانا، هُدائے کتابا نبیسگ نبوتگ: منی لۆگ سجّهێن کئومانی دْوا و پرستشئے جاگه ببیت، بله شما دُزّبازارے کرتگ.“

یوهَنّا 2:15

گڑا چه سادا هئیزرانے جۆڑی کرت و سجّهێن سئوداگر و پَس و گۆکی چه پرستشگاها گلّێنتنت و سَرّاپانی زرّ و سِکَّه‌ای هم رێتکنت و ٹێبَلی چپّی کرتنت.