آکوب 2:3 - هُدائے پاکێن کتاب، بلۆچی زبانا

³ شما اَتلس‌پۆشا گۆن شَرّێن چمّے بچارێت و بگوَشێت: ”بیا، بیا بُرزا بنند“، بله گۆن آ بَزّگا بگوَشێت: ”اۆدا بۆشت“، یا: ”منی پادانی دێما بنند“،

آکوب 2:3 Cross References

لوکا 23:11

هیرودیسا هم گۆن وتی سپاهیگان هۆریگا، ایسّا بےاِزّت کرت و کَلاگ گپت. رَندا، ڈئولدارێن کباهے گوَرا دات و پدا پیلاتوسئے کِرّا رئوان کرت.

آکوب 2:2

په مِسالے، اگن یکّے گۆن تلاهێن چَلّه و مُندریکّ و وشّێن پۆشاکان شمئے دیوانا بیئیت و دگه دِرتگ‌پُچّێن بَزّگے هم بپُتریت و

آکوب 2:6

بله شما نێزگارانی بےاِزّتی کرتگ. اے هستۆمند نه‌اَنت که شمئے سرا سِتمَ کننت و شمارا گِّرێننت و هَکدیوانانَ برنت؟

یَهودائے کاگد 1:16

اے مردم، گلّه‌گزار، ایرازگِر و وتی بدکاری و سِلّێن واهگانی بُڈّتگێن اَنت، په وت پهرَ بندنت و په وتی نپ و سوتّان گۆن چاپلوسی و چَرپ‌زبانی مردمان ستا کننت.