دَرگوَز 9:6 - هُدائے پاکێن کتاب، بلۆچی زبانا

⁶ دومی رۆچا هُداوندا اے کار کرت. مِسریانی سجّهێن مال و دَلوَت مُرتنت، بله چه اِسراییلیانی مال و دَلوَتان یکّے هم نمُرت.

دَرگوَز 9:6 Cross References

زَبور 78:48

آیانی رمگی په ترۆنگل کُشتنت و دَلوَت، په گْرند و گْرۆک.

زَبور 78:50

راهی په وتی هِژما راست و تچک کرت، چه مرکا نرَکّێنتنتی، وبایانی دپاای داتنت.

دَرگوَز 12:12

من همے شپا مِسرا گَردانَ بان و مُلکئے سجّهێن ائولی مَردێن‌چُکّانَ جنان. اِنسانان بگر تانکه دَلوَتانی ائولی چُکّانَ جنان و مِسرئے سجّهێن هُدایان سِزا دئیان. من هُداوند آن.

دَرگوَز 12:29

هما شپئے نێما هُداوندا، مِسرئے مُلکا سجّهێن ائولی مَردێن‌چُکّ جتنت. شاهی تَهتا نِشتگێن پِرئونئے ائولی چُکّا بگر تان زندانا نِشتگێن بندیگێئے ائولی چُکّ، و مال و دَلوَتانی سجّهێن ائولی نَرێن چُکّ، سجّهێن مُرتنت.

دَرگوَز 8:22

بله آ رۆچا من گۆشِنئے دَمگا که اۆدا منی مهلوک نِشتگ، اے کَهرا نئیاران. اۆدا مَکِسک‌گرَندَ نبیت. اے پئیما تئو زانئے که اے مُلکا هُداوند من آن.

دَرگوَز 9:25

سجّهێن مِسرا هرچے که ڈَنّا اَت، ترۆنگلا جت و پرۆشت، انسانا بگر تان جانوَرا. ڈگارانی سجّهێن کِشار و درچکی هم جت و پرۆشتنت.

دَرگوَز 9:26

تهنا گۆشِنئے دَمگا ترۆنگلا نگوَرت، همۆدا که بنی اِسراییل نِشتگ‌اَت.

دَرگوَز 9:4

بله هُداوند اِسراییلی و مِسریانی مال و دَلوَتانی نیاما پرک و پێرَ کنت و چه اِسراییلیانی مال و دَلوَتان یکّے هم نمریت.“‘“

دَرگوَز 9:5

هُداوندا یکّ وهدے گیشّێنت و گوَشتی: ”باندا اے مُلکا منِ هُداوند اے کارا کنان.“